ਪਿਆਰ ਦੇ ਸ਼ਹਿਰ ਆਗਰਾ ’ਚ ਪਾਇਲ-ਸੰਗਰਾਮ ਨੇ ਲਏ ਇਕ-ਦੂਜੇ ਦੇ ਫ਼ੇਰੇ, ਦੇਖੋ ਜੋੜੇ ਦੇ ਵਿਆਹ ਦੀਆਂ ਖ਼ੂਬਸੂਰਤ ਤਸਵੀਰਾਂ
Sunday, Jul 10, 2022 - 11:17 AM (IST)
ਮੁੰਬਈ: ਆਖ਼ਿਰਕਾਰ ਬਿਗ ਬਾਸ ਫ਼ੇਮ ਪਾਇਲ ਰੋਹਤਗੀ ਅਸਲ ਜ਼ਿੰਦਗੀ ’ਚ ਦੁਲਹਨ ਬਣ ਗਈ ਹੈ।ਪਾਇਲ ਰੋਹਤਗੀ ਨੇ 9 ਜੁਲਾਈ ਯਾਨੀ ਕੱਲ੍ਹ ਸੰਗਰਾਮ ਸਿੰਘ ਨਾਲ ਵਿਆਹ ਕੀਤਾ ਸੀ। ਦੋਵੇਂ ਪਿਛਲੇ 12 ਸਾਲਾਂ ਤੋਂ ਰਿਲੇਸ਼ਨਸ਼ਿਪ ’ਚ ਸਨ ਅਤੇ ਹੁਣ ਉਹ ਵਿਆਹ ਦੀ ਮੰਜ਼ਿਲ ’ਤੇ ਪਹੁੰਚ ਗਏ ਹਨ।
ਪਾਇਲ ਅਤੇ ਸੰਗਰਾਮ ਨੇ ਆਗਰਾ ਦੇ ਜੇਪੀ ਪੈਲੇਸ ’ਚ ਸੱਤ ਫ਼ੇਰੇ ਲੈ ਕੇ ਆਪਣੀ ਜ਼ਿੰਦਗੀ ਦਾ ਨਵਾਂ ਸਫ਼ਰ ਸ਼ੁਰੂ ਕੀਤਾ । ਪਾਇਲ ਰੋਹਤਗੀ ਲਾਲ ਰੰਗ ਦੇ ਜੋੜੇ ’ਚ ਬੇਹੱਦ ਖੂਬਸੂਰਤ ਲੱਗ ਰਹੀ ਸੀ।
ਇਹ ਵੀ ਪੜ੍ਹੋ : ਪਾਇਲ ਨੇ ਹੀ ਨਹੀਂ ਸੰਗਰਾਮ ਨੇ ਵੀ ਲਗਾਈ ਦੁਲਹਨ ਦੇ ਨਾਂ ਦੀ ਮਹਿੰਦੀ, ਤਸਵੀਰਾਂ ’ਚ ਇਕੱਠੇ ਨਜ਼ਰ ਆਈ ਜੋੜੀ
ਇਸ ਦੇ ਨਾਲ ਸੰਗਰਾਮ ਵੀ ਸ਼ੇਰਵਾਨੀ ’ਚ ਕਾਫ਼ੀ ਸਮਾਰਟ ਲੱਗ ਰਹੇ ਸਨ। ਪਾਇਲ ਅਤੇ ਸੰਗਰਾਮ ਦੇ ਵਿਆਹ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ’ਤੇ ਕਾਫ਼ੀ ਵਾਇਰਲ ਹੋ ਰਹੀਆਂ ਹਨ।
ਵਿਆਹ ਤੋਂ ਪਹਿਲਾਂ ਪਾਇਲ ਅਤੇ ਸੰਗਰਾਮ ਨੇ ਮੰਦਰ ’ਚ ਮਾਤਾ ਪਾਰਵਤੀ ਅਤੇ ਮਹਾਦੇਵ ਦਾ ਆਸ਼ੀਰਵਾਦ ਲਿਆ। ਪਰਿਵਾਰ ਅਤੇ ਦੋਸਤਾਂ ਵਿਚਕਾਰ ਦੋਵਾਂ ਨੇ ਇਕ ਦੂਸਰੇ ਹਮੇਸ਼ਾ ਸਾਥ ਦੇਣ ਦਾ ਵਾਅਦਾ ਕੀਤਾ।
ਦੋਵੇਂ ਇਕੱਠੇ ਬਹੁਤ ਪਿਆਰੇ ਲੱਗ ਰਹੇ ਹਨ। ਲੁੱਕ ਦੀ ਗੱਲ ਕਰੀਏ ਤਾਂ ਪਾਇਲ ਲਾਲ ਜੋੜੇ ’ਚ ਦੁਲਹਨ ਬਣੀ ਨਜ਼ਰ ਆ ਰਹੀ ਹੈ। ਇਸ ਦੇ ਨਾਲ ਪਾਇਲ ਨੇ ਭਾਰੀ ਗਹਿਣੇ ਪਾਏ ਹੋਏ ਹਨ। ਨੱਕ ’ਚ ਨੱਥ, ਮਾਂਗ ਟਿੱਕਾ, ਚੂੜਾ, ਕਲੀਰੇ, ਹੱਥਾਂ ’ਤੇ ਮਹਿੰਦੀ ਨਾਲ ਆਪਣੀ ਲੁੱਕ ਨੂੰ ਪੂਰਾ ਕੀਤਾ ਹੈ ।
ਇਹ ਵੀ ਪੜ੍ਹੋ : ਅਮਿਤਾਭ ਬੱਚਨ ਨੇ ਆਪਣੇ ਪੁੱਤਰ ਲਈ ਸਾਂਝੀ ਕੀਤੀ ਪੋਸਟ, ਕਿਹਾ- ਮੇਰੇ ਪੁੱਤਰ ਹੋਣ ਨਾਲ...
ਪਾਇਲ ਨੇ ਮਿਨੀਮਲ ਮੇਕਅੱਪ ਕੀਤਾ ਹੋਇਆ ਹੈ। ਸਿਰ ’ਤੇ ਭਾਰੀ ਦੁਪੱਟਾ ਪਾਇਲ ਦੀ ਖੂਬਸੂਰਤੀ ਨੂੰ ਚਾਰ-ਚੰਨ ਲਗਾ ਰਿਹਾ ਹੈ।
ਦੂਜੇ ਪਾਸੇ ਸੰਗਰਾਮ ਵੀ ਸ਼ੇਰਵਾਨੀ ’ਚ ਬੇਹੱਦ ਸਮਾਰਟ ਲੱਗ ਰਹੇ ਹਨ । ਦੋਵਾਂ ਦੀ ਜੋੜੀ ’ਤੇ ਪ੍ਰਸ਼ੰਸਕ ਬੇਹੱਦ ਪਿਆਰ ਦੇ ਰਹੇ ਹਨ।
