''ਪੰਜਾਬ ਦਾ ਜਲੂਸ ਕੱਢ''ਤਾ..!'', ਸੋਨਮ ਬਾਜਵਾ ਦੇ ਛੋਟੇ ਕੱਪੜੇ ਤੇ ਡਾਂਸ ਦੇਖ ਭੜਕੇ ਫੈਨਜ਼

ਐਂਟਰਟੇਨਮੈਂਟ ਡੈਸਕ- ਪੰਜਾਬੀ ਫ਼ਿਲਮ ਇੰਡਸਟਰੀ ਦੀ ਮਸ਼ਹੂਰ ਅਦਾਕਾਰਾ ਸੋਨਮ ਬਾਜਵਾ ਇਕ ਵਾਰ ਫਿਰ ਵਿਵਾਦਾਂ ਦੇ ਘੇਰੇ 'ਚ ਆ ਗਈ ਹੈ। ਨਵੇਂ ਸਾਲ ਦੇ ਮੌਕੇ 'ਤੇ ਗੋਆ 'ਚ ਦਿੱਤੀ ਇਕ ਡਾਂਸ ਪਰਫਾਰਮੈਂਸ ਕਾਰਨ ਸੋਨਮ ਨੂੰ ਸੋਸ਼ਲ ਮੀਡੀਆ 'ਤੇ ਪੰਜਾਬੀਆਂ ਦੇ ਸਖ਼ਤ ਵਿਰੋਧ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।

ਛੋਟੇ ਕੱਪੜਿਆਂ ਅਤੇ ਡਾਂਸ ਮੂਵਜ਼ 'ਤੇ ਇਤਰਾਜ਼ 

ਸੋਨਮ ਬਾਜਵਾ ਦੀ ਇਸ ਪਰਫਾਰਮੈਂਸ ਦੀ ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਲੋਕਾਂ ਨੇ ਉਸ ਦੇ ਛੋਟੇ ਕੱਪੜਿਆਂ (ਸ਼ਾਰਟ ਕਾਸਟਿਊਮ) ਅਤੇ ਡਾਂਸ ਕਰਨ ਦੇ ਤਰੀਕੇ 'ਤੇ ਸਵਾਲ ਚੁੱਕੇ ਹਨ। ਸੋਸ਼ਲ ਮੀਡੀਆ ਯੂਜ਼ਰਸ ਦਾ ਕਹਿਣਾ ਹੈ ਕਿ ਅਜਿਹੀ ਪਹਿਰਾਵਾ ਅਤੇ ਡਾਂਸ ਪੰਜਾਬ ਦੇ ਸੱਭਿਆਚਾਰ ਦਾ ਹਿੱਸਾ ਨਹੀਂ ਹੈ। ਗੁੱਸੇ 'ਚ ਆਏ ਕੁਝ ਯੂਜ਼ਰਸ ਨੇ ਤਾਂ ਇੱਥੋਂ ਤੱਕ ਕਹਿ ਦਿੱਤਾ ਕਿ ਸੋਨਮ ਅਜਿਹੇ ਕੰਮ ਕਰਕੇ 'ਪੰਜਾਬ ਦਾ ਜਲੂਸ ਕੱਢ ਰਹੀ ਹੈ'।

ਸੋਸ਼ਲ ਮੀਡੀਆ 'ਤੇ ਤਿੱਖੀਆਂ ਪ੍ਰਤੀਕਿਰਿਆਵਾਂ 

ਪਰਫਾਰਮੈਂਸ ਦੇ ਵੀਡੀਓ 'ਤੇ ਕੁਮੈਂਟ ਕਰਦਿਆਂ ਕਈਆਂ ਨੇ ਸੋਨਮ ਨੂੰ 'ਫੇਲ ਹੀਰੋਇਨ' ਤੱਕ ਕਹਿ ਦਿੱਤਾ। ਇੰਨਾ ਹੀ ਨਹੀਂ, ਕੁਝ ਯੂਜ਼ਰਸ ਨੇ ਤਾਂ ਪੁਰਾਣੇ ਸਮੇਂ ਨੂੰ ਯਾਦ ਕਰਦਿਆਂ ਲਿਖਿਆ ਕਿ ਇਸ ਨਾਲੋਂ ਤਾਂ ਖਾੜਕੂਆਂ ਦਾ ਸਮਾਂ ਚੰਗਾ ਸੀ, ਜਦੋਂ ਅਜਿਹੀ 'ਗੰਦਗੀ' ਨਹੀਂ ਫੈਲਦੀ ਸੀ।

ਪਹਿਲਾਂ ਵੀ ਰਹਿ ਚੁੱਕੀ ਹੈ ਵਿਵਾਦਾਂ 'ਚ 

ਸੋਨਮ ਬਾਜਵਾ ਲਈ ਵਿਵਾਦ ਕੋਈ ਨਵੀਂ ਗੱਲ ਨਹੀਂ ਹੈ। ਉਹ ਪਹਿਲਾਂ ਵੀ ਕਈ ਵਾਰ ਸੁਰਖੀਆਂ 'ਚ ਰਹੀ ਹੈ। 

ਮਸਜਿਦ 'ਚ ਸ਼ੂਟਿੰਗ: ਫ਼ਿਲਮ 'ਪਿਟ ਸਿਆਪਾ' ਦੀ ਸ਼ੂਟਿੰਗ ਦੌਰਾਨ ਫ਼ਤਹਿਗੜ੍ਹ ਸਾਹਿਬ ਦੀ ਇਕ ਮਸਜਿਦ 'ਚ ਮਰਿਆਦਾ ਦੀ ਉਲੰਘਣਾ ਕਰਨ 'ਤੇ ਉਨ੍ਹਾਂ ਨੂੰ ਸ਼ਾਹੀ ਇਮਾਮ ਮੁਹੰਮਦ ਉਸਮਾਨ ਲੁਧਿਆਣਵੀ ਤੋਂ ਮੁਆਫੀ ਮੰਗਣੀ ਪਈ ਸੀ।

ਸ਼ਰਾਬ ਤੇ ਸਿਗਰਟ: ਇਕ ਫ਼ਿਲਮ ਦੇ ਟ੍ਰੇਲਰ 'ਚ ਸ਼ਰਾਬ ਪੀਂਦੇ ਅਤੇ ਸਿਗਰਟ ਫੜੇ ਦਿਖਾਏ ਜਾਣ 'ਤੇ ਐੱਸ.ਜੀ.ਪੀ.ਸੀ. (SGPC) ਅਤੇ ਪੰਜਾਬ ਕਲਾਕਾਰ ਮੰਚ ਨੇ ਇਤਰਾਜ਼ ਜਤਾਇਆ ਸੀ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e