ਸੋਨਾਕਸ਼ੀ ਸਿਨਹਾ ਤੇ ਜ਼ਹੀਰ ਇਕਬਾਲ ਦੇ ਰਿਸ਼ਤੇ ''ਚ ਆਈ ਖਟਾਸ, ਲੈਣੀ ਪਈ ''ਕਪਲਸ ਥੈਰੇਪੀ''

ਮੁੰਬਈ- ਬਾਲੀਵੁੱਡ ਦੀ ਮਸ਼ਹੂਰ ਅਦਾਕਾਰਾ ਸੋਨਾਕਸ਼ੀ ਸਿਨਹਾ ਅਤੇ ਉਨ੍ਹਾਂ ਦੇ ਪਤੀ ਜ਼ਹੀਰ ਇਕਬਾਲ ਇੰਡਸਟਰੀ ਦੇ ਪਸੰਦੀਦਾ ਜੋੜਿਆਂ ਵਿੱਚੋਂ ਇੱਕ ਹਨ। ਇਸ ਜੋੜੇ ਨੇ ਕਰੀਬ 8 ਸਾਲਾਂ ਤੱਕ ਡੇਟ ਕਰਨ ਤੋਂ ਬਾਅਦ 23 ਜੂਨ 2024 ਨੂੰ ਰਜਿਸਟਰਡ ਮੈਰਿਜ ਕੀਤੀ ਸੀ। ਹਾਲਾਂਕਿ ਹੁਣ ਖੁਲਾਸਾ ਹੋਇਆ ਹੈ ਕਿ ਵਿਆਹ ਤੋਂ ਪਹਿਲਾਂ ਹੀ ਉਨ੍ਹਾਂ ਦੇ ਰਿਸ਼ਤੇ ਵਿੱਚ ਖਟਾਸ ਆ ਗਈ ਸੀ, ਜਿਸ ਕਾਰਨ ਉਨ੍ਹਾਂ ਨੂੰ 'ਕਪਲਸ ਥੈਰੇਪੀ' ਲੈਣੀ ਪਈ। ਸੋਨਾਕਸ਼ੀ ਸਿਨਹਾ ਨੇ ਹਾਲ ਹੀ ਵਿੱਚ ਸੋਹਾ ਅਲੀ ਖਾਨ ਦੇ ਪੌਡਕਾਸਟ ਵਿੱਚ ਗੱਲ ਕਰਦਿਆਂ ਆਪਣੇ ਰਿਸ਼ਤੇ ਬਾਰੇ ਇਹ ਵੱਡਾ ਖੁਲਾਸਾ ਕੀਤਾ।
3 ਸਾਲਾਂ ਬਾਅਦ ਹੀ ਸ਼ੁਰੂ ਹੋ ਗਈ ਸੀ ਅਨਬਨ
ਸੋਨਾਕਸ਼ੀ ਨੇ ਦੱਸਿਆ ਕਿ ਹਰ ਰਿਸ਼ਤੇ ਵਾਂਗ ਉਨ੍ਹਾਂ ਦੇ ਅਤੇ ਜ਼ਹੀਰ ਦੇ ਰਿਸ਼ਤੇ ਵਿੱਚ ਵੀ ਮੁਸ਼ਕਲ ਦੌਰ ਆਇਆ। ਉਨ੍ਹਾਂ ਨੇ ਦੱਸਿਆ ਕਿ ਸ਼ੁਰੂਆਤੀ 3 ਸਾਲ ਚੀਜ਼ਾਂ ਠੀਕ ਚੱਲ ਰਹੀਆਂ ਸਨ, ਪਰ ਇਸ ਤੋਂ ਬਾਅਦ ਹਾਲਾਤ ਵਿਗੜ ਗਏ ਅਤੇ ਦੋਵਾਂ ਨੇ ਆਪਣੇ ਰਿਸ਼ਤੇ ਵਿੱਚ ਮੁਸ਼ਕਲ ਦੌਰ ਦੇਖਿਆ।
ਅਦਾਕਾਰਾ ਨੇ ਹੈਰਾਨੀਜਨਕ ਖੁਲਾਸਾ ਕਰਦੇ ਹੋਏ ਦੱਸਿਆ ਕਿ ਉਹ ਇਸ ਸਥਿਤੀ ਵਿੱਚ ਆ ਗਏ ਸਨ ਜਿੱਥੇ ਦੋਵੇਂ ਬੱਸ "ਇੱਕ-ਦੂਜੇ ਦੇ ਵਾਲ ਨੋਚਣ" ਲੱਗੇ ਸਨ। ਸੋਨਾਕਸ਼ੀ ਨੇ ਦੱਸਿਆ ਕਿ ਆਲਮ ਇਹ ਹੋ ਗਿਆ ਸੀ ਕਿ ਦੋਵੇਂ ਇੱਕ-ਦੂਜੇ ਦੀ ਸੋਚ ਨੂੰ ਵੀ ਝੱਲ ਨਹੀਂ ਪਾ ਰਹੇ ਸਨ।
ਜ਼ਹੀਰ ਦੀ ਸਲਾਹ 'ਤੇ ਲਈ ਥੈਰੇਪੀ, ਦੋ ਸੈਸ਼ਨਾਂ 'ਚ ਆਇਆ ਸੁਧਾਰ
ਸੋਨਾਕਸ਼ੀ ਨੇ ਕਿਹਾ ਕਿ ਭਾਵੇਂ ਉਨ੍ਹਾਂ ਦੇ ਵਿਚਕਾਰ ਝਗੜੇ ਹੁੰਦੇ ਸਨ, ਪਰ ਦੋਵਾਂ ਨੇ ਮਨ ਬਣਾਇਆ ਹੋਇਆ ਸੀ ਕਿ ਉਨ੍ਹਾਂ ਨੂੰ ਇਹ ਰਿਸ਼ਤਾ ਚਲਾਉਣਾ ਹੈ। ਇਸ ਮੁਸ਼ਕਲ ਨੂੰ ਹੱਲ ਕਰਨ ਲਈ ਜ਼ਹੀਰ ਇਕਬਾਲ ਨੇ ਹੀ 'ਕਪਲਸ ਥੈਰੇਪੀ' ਲੈਣ ਦਾ ਸੁਝਾਅ ਦਿੱਤਾ ਸੀ। ਥੈਰੇਪੀ ਲਈ 'ਓਪਨ' ਰਹਿਣ ਤੋਂ ਬਾਅਦ, ਸਿਰਫ਼ ਦੋ ਸੈਸ਼ਨਾਂ ਤੋਂ ਬਾਅਦ ਹੀ ਉਨ੍ਹਾਂ ਦਾ ਰਿਸ਼ਤਾ ਦੁਬਾਰਾ ਟਰੈਕ 'ਤੇ ਆ ਗਿਆ ਸੀ। ਅਦਾਕਾਰਾ ਨੇ ਕਿਹਾ ਕਿ ਉਨ੍ਹਾਂ ਦੋਵਾਂ ਨੂੰ ਹੀ ਦੋ ਸੈਸ਼ਨਾਂ ਤੋਂ ਬਾਅਦ ਸਮਝ ਆ ਗਿਆ ਸੀ ਕਿ ਇੱਕ-ਦੂਜੇ ਦੀ ਗੱਲ ਨੂੰ ਸਮਝਣਾ ਕਿੰਨਾ ਜ਼ਰੂਰੀ ਹੈ। ਉਨ੍ਹਾਂ ਦਾ ਮੰਨਣਾ ਹੈ ਕਿ ਕਈ ਵਾਰ ਸਾਹਮਣੇ ਵਾਲਾ ਵਿਅਕਤੀ ਜੋ ਕਹਿ ਰਿਹਾ ਹੁੰਦਾ ਹੈ, ਉਸ ਦਾ ਮਤਲਬ ਸੁਣਨ ਵਾਲਾ ਨਹੀਂ ਸਮਝ ਪਾਉਂਦਾ। ਜ਼ਿਕਰਯੋਗ ਹੈ ਕਿ ਸੋਨਾਕਸ਼ੀ ਸਿਨਹਾ ਨੇ ਇਹ ਵੀ ਦੱਸਿਆ ਕਿ ਉਨ੍ਹਾਂ ਨੇ ਜ਼ਹੀਰ ਨੂੰ ਡੇਟਿੰਗ ਦੇ ਸਿਰਫ਼ ਇੱਕ ਮਹੀਨੇ ਬਾਅਦ ਹੀ ਵਿਆਹ ਲਈ ਕਹਿ ਦਿੱਤਾ ਸੀ