ਭਾਰਤ ਦੇ ਸਭ ਤੋਂ ਮਹਿੰਗੇ ਸੈਲੀਬ੍ਰਿਟੀ ਬਣੇ ''ਕਿੰਗ ਖ਼ਾਨ''! ਰਣਵੀਰ ਸਿੰਘ ਨੇ ਹਾਸਲ ਕੀਤਾ ਦੂਜਾ ਸਥਾਨ

ਮੁੰਬਈ (ਏਜੰਸੀ)- ਕਰੋਲ ਦੀ ਸੇਲਿਬ੍ਰਿਟੀ ਬ੍ਰਾਂਡ ਵੈਲਯੂਏਸ਼ਨ ਰਿਪੋਰਟ 2025 ਦੇ ਅਨੁਸਾਰ, ਅਦਾਕਾਰ ਸ਼ਾਹਰੁਖ ਖਾਨ ਭਾਰਤ ਦਾ ਸਭ ਤੋਂ ਮਹਿੰਗੇ ਸੈਲੀਬ੍ਰਿਟੀ ਬ੍ਰਾਂਡ ਬਣ ਕੇ ਉਭਰੇ ਹਨ, ਜਦੋਂ ਕਿ ਰਣਵੀਰ ਸਿੰਘ ਨੇ ਕ੍ਰਿਕਟਰ ਵਿਰਾਟ ਕੋਹਲੀ ਨੂੰ ਪਛਾੜ ਕੇ ਦੂਜਾ ਸਥਾਨ ਹਾਸਲ ਕਰ ਲਿਆ ਹੈ। ਰਿਪੋਰਟ ਦੇ ਅਨੁਸਾਰ, ਭਾਰਤ ਦੇ ਚੋਟੀ ਦੇ 25 ਸੇਲਿਬ੍ਰਿਟੀ ਬ੍ਰਾਂਡਾਂ ਦੀ ਕੁੱਲ ਬ੍ਰਾਂਡ ਵੈਲਯੂ 2 ਬਿਲੀਅਨ ਅਮਰੀਕੀ ਡਾਲਰ ਹੋਣ ਦਾ ਅਨੁਮਾਨ ਹੈ, ਜੋ ਕਿ ਪਿਛਲੇ ਸਾਲ ਨਾਲੋਂ 3.7 ਫੀਸਦੀ ਘੱਟ ਹੈ। ਇਸ ਸੂਚੀ ਵਿੱਚ 13 ਪੁਰਸ਼ ਅਤੇ 12 ਮਹਿਲਾ ਸੈਲੀਬ੍ਰਿਟੀ ਸ਼ਾਮਲ ਹਨ। ਬ੍ਰਾਂਡ ਵੈਲਯੂ ਦਾ ਮੁਲਾਂਕਣ ਉਨ੍ਹਾਂ ਦੇ ਇਸ਼ਤਿਹਾਰਬਾਜ਼ੀ ਪੋਰਟਫੋਲੀਓ, ਐਂਡੋਰਸਮੈਂਟ ਅਤੇ ਸੋਸ਼ਲ ਮੀਡੀਆ ਪ੍ਰਭਾਵ ਦੇ ਅਧਾਰ ਤੇ ਕੀਤਾ ਜਾਂਦਾ ਹੈ।

ਇਹ ਵੀ ਪੜ੍ਹੋ: 5 ਤੱਤਾਂ 'ਚ ਵਿਲੀਨ ਹੋਏ ਦਿੱਗਜ ਅਦਾਕਾਰ ਪ੍ਰਦੀਪ ਰਾਵਤ, ਨਮ ਅੱਖਾਂ ਨਾਲ ਦਿੱਤੀ ਗਈ ਵਿਦਾਇਗੀ

ਸ਼ਾਹਰੁਖ ਖਾਨ ਨੇ ਇਸ ਸਾਲ ਸ਼ਾਨਦਾਰ ਵਾਪਸੀ ਕਰਦੇ ਹੋਏ ਸਿਖਰਲਾ ਸਥਾਨ ਹਾਸਲ ਕੀਤਾ ਹੈ। ਉਹ 2024 ਵਿੱਚ ਤੀਜੇ ਸਥਾਨ 'ਤੇ ਸਨ। ਉਥੇ ਹੀ ਰਣਵੀਰ ਸਿੰਘ 162.9 ਮਿਲੀਅਨ ਅਮਰੀਕੀ ਡਾਲਰ ਦੇ ਬ੍ਰਾਂਡ ਵੈਲਯੂ ਨਾਲ ਦੂਜੇ ਸਥਾਨ 'ਤੇ ਹਨ। ਪਿਛਲੇ ਸਾਲ ਚੋਟੀ ਦੇ ਸਥਾਨ 'ਤੇ ਰਹਿਣ ਵਾਲੇ ਕ੍ਰਿਕਟਰ ਵਿਰਾਟ ਕੋਹਲੀ ਇਸ ਸਾਲ 158.4 ਮਿਲੀਅਨ ਅਮਰੀਕੀ ਡਾਲਰ ਦੇ ਬ੍ਰਾਂਡ ਵੈਲਯੂ ਨਾਲ ਤੀਜੇ ਸਥਾਨ 'ਤੇ ਖਿਸਕ ਗਏ ਹਨ। ਰਣਵੀਰ ਸਿੰਘ ਦੀ ਵਧਦੀ ਬ੍ਰਾਂਡ ਵੈਲਯੂ ਇਸ਼ਤਿਹਾਰਬਾਜ਼ੀ ਬਾਜ਼ਾਰ ਅਤੇ ਡਿਜੀਟਲ ਪ੍ਰਸਿੱਧੀ ਵਿੱਚ ਉਨ੍ਹਾਂ ਦੇ ਪ੍ਰਭਾਵ ਨੂੰ ਦਰਸਾਉਂਦੀ ਹੈ। ਸ਼ਾਹਰੁਖ ਖਾਨ ਇਸ ਸਮੇਂ ਆਪਣੀ ਆਉਣ ਵਾਲੀ ਫਿਲਮ "ਕਿੰਗ" ਲਈ ਖ਼ਬਰਾਂ ਵਿੱਚ ਹਨ, ਜਦੋਂ ਕਿ ਰਣਵੀਰ ਸਿੰਘ ਆਪਣੀਆਂ ਫਿਲਮਾਂ ਅਤੇ ਬ੍ਰਾਂਡ ਅਪੀਲ ਲਈ ਸੁਰਖੀਆਂ ਵਿੱਚ ਬਣੇ ਹੋਏ ਹਨ।

ਇਹ ਵੀ ਪੜ੍ਹੋ: ਸਲਮਾਨ ਖਾਨ ਨੇ ਉਡਾਇਆ ਰੈਪਰ ਬਾਦਸ਼ਾਹ ਦਾ ਮਜ਼ਾਕ, ਕਿਹਾ- 'ਉਸ ਨੂੰ ਸਮਝ ਆਈ ਕਿ ਉਸਨੇ ਕੀ ਸਮਝਾਇਆ ਹੈ...'

ਦੋਵਾਂ ਸਿਤਾਰਿਆਂ ਦੀ ਪ੍ਰਸਿੱਧੀ ਨੇ ਉਨ੍ਹਾਂ ਨੂੰ ਮਨੋਰੰਜਨ ਉਦਯੋਗ ਦੇ ਨਾਲ-ਨਾਲ ਇਸ਼ਤਿਹਾਰਬਾਜ਼ੀ ਬਾਜ਼ਾਰ ਵਿੱਚ ਵੀ ਇੱਕ ਮਜ਼ਬੂਤ ​​ਸਥਾਨ ਦਿਵਾਇਆ ਹੈ। ਕਰੋਲ ਦੀ ਰਿਪੋਰਟ ਦੇ ਅਨੁਸਾਰ, ਸ਼ਾਹਰੁਖ ਖਾਨ ਅਤੇ ਰਣਵੀਰ ਸਿੰਘ ਦਾ ਸਿਖਰ ਸਥਾਨ 'ਤੇ ਰਹਿਣ ਇਹ ਸਾਬਤ ਕਰਦਾ ਹੈ ਕਿ ਭਾਰਤੀ ਫਿਲਮੀ ਸਿਤਾਰਿਆਂ ਦਾ ਪ੍ਰਭਾਵ ਵੱਡੇ ਪਰਦੇ ਤੱਕ ਸੀਮਤ ਨਹੀਂ ਹੈ; ਸਗੋਂ ਬ੍ਰਾਂਡ ਅਤੇ ਖਪਤਕਾਰ ਬਾਜ਼ਾਰਾਂ ਵਿੱਚ ਵੀ ਉਨ੍ਹਾਂ ਮਜ਼ਬੂਤ ​​ਪਕੜ ਬਣੀ ਹੋਈ ਹੈ।

ਇਹ ਵੀ ਪੜ੍ਹੋ: 'ਪੰਜਾਬ' ਦੇ ਖਿਡਾਰੀ ਨੇ ਟੀਮ ਦੀ ਮਾਲਕਣ ਪ੍ਰੀਤੀ ਜ਼ਿੰਟਾ ਨੂੰ ਕੀਤਾ ਡੇਟ ! ਧਾਕੜ ਪਲੇਅਰ ਨੇ ਖ਼ੁਦ ਖੋਲ੍ਹਿਆ ਰਾਜ਼

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e