ਤਾਲਾਬੰਦੀ ''ਚ ਰੱਖੜੀ ਵੇਚਣ ਨੂੰ ਮਜਬੂਰ ਹੋ ਗਈ ਸੀ ''ਸਾਥ ਨਿਭਾਣਾ ਸਾਥੀਆ'' ਦੀ ਅਦਾਕਾਰਾ ਵੰਦਨਾ ਵਿਠਲਾਨੀ
08/04/2021 10:06:03 AM
ਮੁੰਬਈ: ਕੋਰੋਨਾ ਅਤੇ ਤਾਲਾਬੰਦੀ ਦੇ ਕਾਰਨ ਬਹੁਤ ਸਾਰੇ ਟੀਵੀ ਅਦਾਕਾਰਾ ਦੀ ਵਿੱਤੀ ਸਥਿਤੀ ਬਦ ਤੋਂ ਬਦਤਰ ਹੁੰਦੀ ਜਾ ਰਹੀ ਹੈ। ਇਨ੍ਹਾਂ ਵਿੱਚੋਂ ਇੱਕ ਨਾਂ ਟੀਵੀ ਸੀਰੀਅਲ 'ਸਾਥ ਨਿਭਾਣਾ ਸਾਥੀਆ' ਦੀ ਅਭਿਨੇਤਰੀ ਵੰਦਨਾ ਵਿਠਲਾਨੀ ਦਾ ਵੀ ਹੈ। ਵੰਦਨਾ ਨੂੰ ਕੋਰੋਨਾ ਦੇ ਸਮੇਂ ਦੌਰਾਨ ਰੱਖੜੀ ਵੇਚਣ ਲਈ ਮਜਬੂਰ ਹੋਣਾ ਪਿਆ।
ਇਕ ਇੰਟਰਵਿਊ ਦੌਰਾਨ ਵੰਦਨਾ ਨੇ ਕਿਹਾ, 'ਕੋਰੋਨਾ ਦੇ ਕਾਰਨ, ਆਮਦਨੀ ਘਟੀ ਪਰ ਖਰਚਾ ਉਹੀ ਰਿਹਾ। ਇਸ ਕਾਰਨ ਬਹੁਤ ਸਾਰੇ ਲੋਕਾਂ ਨੂੰ ਆਪਣਾ ਪੇਸ਼ਾ ਬਦਲਣਾ ਪਿਆ। ਮੈਨੂੰ ਵੀ ਇਸ ਸਮੱਸਿਆ ਦਾ ਸਾਹਮਣਾ ਕਰਨਾ ਪਿਆ ਸੀ। ਮੈਂ ਹੁਣ ਰੱਖੜੀ ਬਣਾ ਰਹੀ ਹਾਂ। ਮੈਨੂੰ ਚੰਗਾ ਹੁੰਗਾਰਾ ਮਿਲ ਰਿਹਾ ਹੈ। ਦੋ ਤੋਂ ਤਿੰਨ ਦਿਨ ਪਹਿਲਾਂ ਮੈਂ ਇੱਕ ਪੋਸਟ ਨੂੰ ਇੰਸਟਾਗ੍ਰਾਮ 'ਤੇ ਵੀ ਸਾਂਝਾ ਕੀਤਾ ਸੀ। ਹੁਣ ਤੱਕ 20 ਰੱਖੜੀਆਂ ਦੇ ਆਰਡਰ ਪ੍ਰਾਪਤ ਹੋਏ ਹਨ।'
ਵੰਦਨਾ ਵਿਠਲਾਨੀ ਨੇ ਕਿਹਾ ਕਿ ਉਨ੍ਹਾਂ ਦੇ ਦੋ ਸ਼ੋਅ ਹਨ। ਵੰਦਨਾ ਸਟਾਰ ਭਾਰਤ ਦੇ ਸ਼ੋਅ 'ਸਾਥ ਨਿਭਾਨਾ ਸਾਥੀਆ' ਦੇ ਪ੍ਰੀਕੁਅਲ 'ਤੇਰਾ ਮੇਰਾ ਸਾਥ ਰਹੇ' 'ਚ ਨਜ਼ਰ ਆਉਣ ਵਾਲੀ ਹੈ। ਇਸ ਵਿੱਚ ਗੋਪੀ ਬਹੂ ਅਤੇ ਕੋਕਿਲਾਬੇਨ ਦੀ ਜੋੜੀ ਨਜ਼ਰ ਆਉਣ ਵਾਲੀ ਹੈ। ਇਸ ਤੋਂ ਇਲਾਵਾ ਵੰਦਨਾ ਵਿਠਲਾਨੀ ਟੀਵੀ ਸੀਰੀਅਲ 'ਪਾਂਡਿਆ ਸਟੋਰ' ਵਿੱਚ ਨਜ਼ਰ ਆ ਰਹੀ ਹੈ। ਵੰਦਨਾ ਨੇ ਕਿਹਾ ਕਿ, 'ਮੈਂ ਸ਼ੂਟਿੰਗ ਦੇ ਵਿੱਚ ਵੀ ਰਾਖੀ ਬਣਾਉਂਦੀ ਹਾਂ।'
ਗੱਲਬਾਤ ਦੌਰਾਨ ਵੰਦਨਾ ਨੇ ਕਿਹਾ, 'ਹਰ ਕੋਈ ਇਸ ਮਹਾਮਾਰੀ ਵਿੱਚ ਮੁਸ਼ਕਲ ਸਮੇਂ ਵਿੱਚੋਂ ਲੰਘ ਰਿਹਾ ਹੈ। ਮੈਂ ਪਿਛਲੇ ਇੱਕ ਸਾਲ ਵਿੱਚ ਸਿੱਖਿਆ ਹੈ ਕਿ ਹਰ ਕਿਸੇ ਨੂੰ ਧੀਰਜ ਰੱਖਣਾ ਚਾਹੀਦਾ ਹੈ ਅਤੇ ਹੌਂਸਲਾ ਨਹੀਂ ਹਾਰਨਾ ਚਾਹੀਦਾ।'
ਅਭਿਨੇਤਰੀ ਅਨੁਸਾਰ 'ਮਨੁੱਖ ਨੂੰ ਹਰ ਸਥਿਤੀ ਵਿੱਚ ਵਾਪਿਸ ਮੁੜਨਾ ਚਾਹੀਦਾ ਹੈ। ਪਿਛਲੇ ਸਾਲ ਮੈਂ ਇੱਕ ਔਖੇ ਪੜਾਅ ਵਿੱਚੋਂ ਲੰਘੀ ਹਾਂ ਪਰ ਹੁਣ ਮੈਨੂੰ ਇਸ ਉੱਤੇ ਕਾਬੂ ਪਾਉਣਾ ਪਵੇਗਾ। ਉਤਰਾਅ ਚੜ੍ਹਾਅ ਜ਼ਿੰਦਗੀ ਦਾ ਹਿੱਸਾ ਹਨ। ਪਿਛਲੇ ਸਾਲ ਮੇਰੇ ਕੋਲ ਕੋਈ ਕੰਮ ਨਹੀਂ ਸੀ, ਹੁਣ ਚੀਜ਼ਾਂ ਬਦਲ ਰਹੀਆਂ ਹਨ ਅਤੇ ਮੇਰੇ ਕੋਲ ਦੋ ਸ਼ੋਅ ਹਨ।
