ਰੇਖਾ ਹੱਥੋਂ ਮਿਲਿਆ ਨੇਹਾ ਕੱਕੜ ਨੂੰ ਵਿਆਹ ਦਾ ਸ਼ਗਨ, ਤਸਵੀਰਾਂ ਆਈਆਂ ਸਾਹਮਣੇ
Friday, Apr 02, 2021 - 02:17 PM (IST)
ਮੁੰਬਈ (ਬਿਊਰੋ)– ਸੋਨੀ ਟੀ. ਵੀ. ਦੇ ਰਿਐਲਿਟੀ ਸ਼ੋਅ ‘ਇੰਡੀਅਨ ਆਈਡਲ 12’ ਦਾ ਆਗਾਮੀ ਐਪੀਸੋਡ ਖ਼ਾਸ ਹੋਣ ਵਾਲਾ ਹੈ। ਆਗਾਮੀ ਐਪੀਸੋਡ ’ਚ ਰੇਖਾ ਮਹਿਮਾਨ ਬਣ ਕੇ ਪਹੁੰਚਣ ਵਾਲੀ ਹੈ। ਰੇਖਾ ਇਸ ਗਾਇਕੀ ਰਿਐਲਿਟੀ ਸ਼ੋਅ ਦੀ ਸਟੇਜ ’ਤੇ ਖੂਬ ਧਮਾਲ ਮਚਾਉਣ ਵਾਲੀ ਹੈ। ਨਾਲ ਹੀ ਸ਼ੋਅ ਦੀ ਜੱਜ ਨੇਹਾ ਕੱਕੜ ਨੂੰ ਰੇਖਾ ਕੋਲੋਂ ਖ਼ਾਸ ਤੋਹਫ਼ਾ ਮਿਲਣ ਵਾਲਾ ਹੈ।
ਰੇਖਾ ਕੋਲੋਂ ਤੋਹਫ਼ਾ ਹਾਸਲ ਕਰਨ ਤੋਂ ਬਾਅਦ ‘ਇੰਡੀਅਨ ਆਈਡਲ 12’ ਦੀ ਜੱਜ ਨੇਹਾ ਕੱਕੜ ਦੀ ਖੁਸ਼ੀ ਦਾ ਕੋਈ ਟਿਕਾਣਾ ਨਹੀਂ ਰਿਹਾ।
ਬੀਤੇ ਸਾਲ ਹੀ ਨੇਹਾ ਕੱਕੜ ਵਿਆਹ ਦੇ ਬੰਧਨ ’ਚ ਬੱਝੀ ਹੈ। ਅਜਿਹੇ ’ਚ ‘ਇੰਡੀਅਨ ਆਈਡਲ 12’ ਦੀ ਸਟੇਜ ’ਤੇ ਉਸ ਨੂੰ ਰੇਖਾ ਕੋਲੋਂ ਵਿਆਹ ਦੇ ਸ਼ਗਨ ਦੇ ਰੂਪ ’ਚ ਸਾੜ੍ਹੀ ਮਿਲ ਗਈ ਹੈ।
‘ਇੰਡੀਅਨ ਆਈਡਲ 12’ ਦੀ ਸਟੇਜ ’ਤੇ ਰੇਖਾ ਨੇ ਖ਼ੁਦ ਹੀ ਨੇਹਾ ਕੱਕੜ ਨੂੰ ਆਪਣੇ ਹੱਥਾਂ ਨਾਲ ਸਾੜ੍ਹੀ ਪਹਿਨਾ ਦਿੱਤੀ।
ਸਾੜ੍ਹੀ ਪਹਿਨਾਉਣ ਤੋਂ ਬਾਅਦ ਰੇਖਾ ਨੇ ਨੇਹਾ ਕੱਕੜ ਨੂੰ ਆਸ਼ੀਰਵਾਦ ਦਿੱਤਾ ਤੇ ਉਸ ਦੀ ਵਿਆਹੁਤਾ ਜ਼ਿੰਦਗੀ ਲਈ ਢੇਰ ਸਾਰੀਆਂ ਸ਼ੁਭਕਾਮਨਾਵਾਂ ਵੀ ਦਿੱਤੀਆਂ।
ਰੇਖਾ ਜਿਸ ਵੀ ਮਹਿਫਿਲ ’ਚ ਜਾਂਦੀ ਹੈ, ਉਥੇ ਆਪਣੀ ਮੌਜੂਦਗੀ ਨਾਲ ਚਾਰ ਚੰਨ ਲਗਾ ਦਿੰਦੀ ਹੈ। ‘ਇੰਡੀਅਨ ਆਈਡਲ 12’ ਦੀ ਸਟੇਜ ’ਤੇ ਰੇਖਾ ਨੇ ਸਨਮੁਖਪ੍ਰਿਆ ਦੇ ਗੀਤ ’ਤੇ ਰੱਜ ਕੇ ਡਾਂਸ ਵੀ ਕੀਤਾ।
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਜ਼ਰੂਰ ਸਾਂਝੀ ਕਰੋ।
