ਰੇਖਾ ਤੇ ਮਾਧੁਰੀ ਨੇ ਰੀਕ੍ਰਿਏਟ ਕੀਤਾ ‘ਸਿਲਸਿਲਾ’ ਫ਼ਿਲਮ ਦਾ ਖ਼ੂਬਸੂਰਤ ਦ੍ਰਿਸ਼, ਰੇਖਾ ਨੇ ਕਿਹਾ- ‘ਅਮਿਤ ਮੇਰਾ ਪਿਆਰ ਹੈ’
Friday, Jul 16, 2021 - 04:16 PM (IST)
ਮੁੰਬਈ (ਬਿਊਰੋ)– ਕਲਰਜ਼ ਦੇ ਡਾਂਸ ਰਿਐਲਿਟੀ ਸ਼ੋਅ ‘ਡਾਂਸ ਦੀਵਾਨੇ 3’ ਦਾ ਆਉਣ ਵਾਲਾ ਐਪੀਸੋਡ ਦਰਸ਼ਕਾਂ ਲਈ ਪਿਆਰ ਨਾਲ ਭਰਪੂਰ ਹੋਣ ਜਾ ਰਿਹਾ ਹੈ ਕਿਉਂਕਿ ਇਸ ਹਫਤੇ ਬਾਲੀਵੁੱਡ ਅਦਾਕਾਰਾ ਰੇਖਾ ਸ਼ੋਅ ’ਚ ਮੁੱਖ ਮਹਿਮਾਨ ਵਜੋਂ ਨਜ਼ਰ ਆਵੇਗੀ। ਜਦੋਂ ਰੇਖਾ ਇਕ ਮਹਿਫਿਲ ’ਚ ਆਉਂਦੀ ਹੈ ਤਾਂ ਹਰ ਕੋਈ ਜਾਣਦਾ ਹੈ ਕਿ ਉਹ ਇਕ ਖ਼ੁਸ਼ਨੁਮਾ ਮਾਹੌਲ ਬਣਾ ਦਿੰਦੀ ਹੈ। ਬਸ ਇਹ ਸਮਝ ਲਓ ਕਿ ‘ਡਾਂਸ ਦੀਵਾਨੇ 3’ ਦੇ ਆਉਣ ਵਾਲੇ ਐਪੀਸੋਡ ’ਚ ਰੇਖਾ ਰੰਗ ਜਮਾਉਣ ਵਾਲੀ ਹੈ। ਕਲਰਜ਼ ਟੀ. ਵੀ. ਨੇ ਐਪੀਸੋਡ ਦੇ ਕੁਝ ਪ੍ਰੋਮੋਜ਼ ਸਾਂਝੇ ਕੀਤੇ ਹਨ, ਜਿਸ ’ਚ ਰੇਖਾ ਸਾਰੇ ਬੱਚਿਆਂ ਨਾਲ ਡਾਂਸ ਕਰਦੀ ਤੇ ਮਸਤੀ ਕਰਦੀ ਦਿਖਾਈ ਦੇ ਰਹੀ ਹੈ।
ਇਹ ਖ਼ਬਰ ਵੀ ਪੜ੍ਹੋ : ਕਰਨ ਔਜਲਾ ਨੇ ਮੁੜ ਲਿਆ ਸਿੱਧੂ ਮੂਸੇ ਵਾਲਾ ਨਾਲ ਪੰਗਾ, ਪੋਸਟ ’ਚ ਦੇਖੋ ਕੀ ਲਿਖ ਦਿੱਤਾ
ਸ਼ੋਅ ’ਚ ਰੇਖਾ ਇਕ ਆਫ ਵ੍ਹਾਈਟ ਰੰਗ ਦੀ ਸਾੜ੍ਹੀ ’ਚ ਦਿਖਾਈ ਦੇਵੇਗੀ, ਜਿਸ ਨਾਲ ਉਸ ਨੇ ਭਾਰੀ ਗਹਿਣੇ ਪਾਏ ਹੋਏ ਹਨ। ਰੇਖਾ ਇਸ ਸਾੜ੍ਹੀ ’ਚ ਪਹਿਲਾਂ ਦੀ ਤਰ੍ਹਾਂ ਖ਼ੂਬਸੂਰਤ ਲੱਗ ਰਹੀ ਹੈ। ਇਥੇ ਰੇਖਾ ਨੇ ਮਸਤੀ ਕਰਨ ਦੇ ਨਾਲ-ਨਾਲ ਆਪਣੀ ਹਿੱਟ ਫ਼ਿਲਮ ‘ਸਿਲਸਿਲਾ’ ਦਾ ਸੀਨ ਵੀ ਰੀਕ੍ਰਿਏਟ ਕੀਤਾ। ਇਸ ਦੀ ਵੀਡੀਓ ਸੋਸ਼ਲ ਮੀਡੀਆ ’ਤੇ ਕਾਫੀ ਵਾਇਰਲ ਹੋ ਰਹੀ ਹੈ।
ਇਸ ਫ਼ਿਲਮ ’ਚ ਜਯਾ ਬੱਚਨ, ਅਮਿਤਾਭ ਬੱਚਨ ਤੇ ਰੇਖਾ ਨੇ ਮੁੱਖ ਭੂਮਿਕਾਵਾਂ ਨਿਭਾਈਆਂ ਸਨ। ਇਸ ਦੇ ਨਾਲ ਹੀ ਇਸ ਨੂੰ ਸ਼ੋਅ ਦੀ ਜੱਜ ਮਾਧੁਰੀ ਦੀਕਸ਼ਿਤ ਤੇ ਰੇਖਾ ਵਲੋਂ ਰੀਕ੍ਰਿਏਟ ਕੀਤਾ ਗਿਆ ਸੀ। ਕਲਰਜ਼ ਟੀ. ਵੀ. ਨੇ ਇਸ ਦੀ ਇਕ ਛੋਟੀ ਜਿਹੀ ਵੀਡੀਓ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ’ਤੇ ਸਾਂਝੀ ਕੀਤੀ ਹੈ।
ਇਸ ਵੀਡੀਓ ’ਚ ਮਾਧੁਰੀ ਤੇ ਰੇਖਾ ਇਕ-ਦੂਜੇ ਵੱਲ ਪਿੱਠ ਕਰਕੇ ਖੜ੍ਹੀਆਂ ਹਨ। ਮਾਧੁਰੀ ਕਹਿੰਦੀ ਹੈ, ‘ਆਪ ਕਿਆ ਚਾਹਤੀ ਹੈਂ, ਉਨਕਾ ਦਾਮਨ ਛੋਡ਼ ਦੀਜੀਏ।’ ਇਸ ਤੋਂ ਬਾਅਦ ਰੇਖਾ ਕਹਿੰਦੀ ਹੈ, ‘ਮੇਰੇ ਚਾਹਨੇ ਸੇ ਕਿਆ ਹੋਗਾ, ਉਨਹੇਂ ਛੋਡ਼ਨਾ ਮੇਰੇ ਬਸ ਮੇਂ ਨਹੀਂ, ਮੈਂ ਕੈਸੇ ਕਰ ਸਕਤੀ ਹੂੰ।’ ਮਾਧੁਰੀ ਅੱਗੇ ਕਹਿੰਦੀ ਹੈ, ‘ਅਮਿਤ ਮੇਰੇ ਪਤੀ ਹੈਂ, ਮੇਰੇ ਧਰਮ ਹੈ।’ ਇਸ ’ਤੇ ਰੇਖਾ ਕਹਿੰਦੀ ਹੈ, ‘ਵੋ ਮੇਰਾ ਪਿਆਰ ਹੈ, ਔਰ ਪਿਆਰ ਮੇਰੀ ਕਿਸਮਤ ਬਨ ਚੁਕਾ ਹੈ।’ ਇਸ ਤੋਂ ਬਾਅਦ ਫ਼ਿਲਮ ‘ਸਿਲਸਿਲਾ’ ਦਾ ਬੈਕਗਰਾਊਂਡ ਮਿਊਜ਼ਿਕ ਵੱਜਦਾ ਹੈ।
ਨੋਟ– ਰੇਖਾ ਤੇ ਮਾਧੁਰੀ ਦੀ ਇਸ ਦਿਲਕਸ਼ ਵੀਡੀਓ ’ਤੇ ਆਪਣੀ ਰਾਏ ਜ਼ਰੂਰ ਸਾਂਝੀ ਕਰੋ।
