ਉਦੈਪੁਰ ’ਚ ਹੋ ਸਕਦੈ ਰਾਘਵ-ਪਰਿਣੀਤੀ ਦਾ ਵਿਆਹ! ਵਿਆਹ ਨੂੰ ਲੈ ਕੇ ਸਾਹਮਣੇ ਆਈ ਇਹ ਖ਼ਬਰ
06/10/2023 10:47:27 AM
ਮੁੰਬਈ (ਬਿਊਰੋ)– ਆਮ ਆਦਮੀ ਪਾਰਟੀ ਦੇ ਨੇਤਾ ਰਾਘਵ ਚੱਢਾ ਤੇ ਬਾਲੀਵੁੱਡ ਅਦਾਕਾਰਾ ਪਰਿਣੀਤੀ ਚੋਪੜਾ ਨੇ 13 ਮਈ ਨੂੰ ਦਿੱਲੀ ’ਚ ਮੰਗਣੀ ਕਰਵਾਈ ਸੀ ਤੇ ਹੁਣ ਪ੍ਰਸ਼ੰਸਕ ਜੋੜੇ ਦੇ ਵਿਆਹ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਇਸ ਦੌਰਾਨ ਇਹ ਦੋਵੇਂ ਲਵ ਬਰਡ ਰਾਜਸਥਾਨ ਪਹੁੰਚ ਗਏ ਹਨ ਤੇ ਮੰਨਿਆ ਜਾ ਰਿਹਾ ਹੈ ਕਿ ਦੋਵਾਂ ਨੇ ਆਪਣੇ ਵਿਆਹ ਦੀ ਲੋਕੇਸ਼ਨ ਤੈਅ ਕਰ ਲਈ ਹੈ। ਖ਼ਬਰ ਹੈ ਕਿ ਰਾਘਵ ਤੇ ਪਰਿਣੀਤੀ ਦਾ ਵਿਆਹ ਉਦੈਪੁਰ ’ਚ ਹੋਵੇਗਾ। ਉਮੀਦ ਹੈ ਕਿ ਇਸ ਸਾਲ ਦੇ ਅਖੀਰ ਤੱਕ ਪਰਿਣੀਤੀ ਤੇ ਰਾਘਵ ਵਿਆਹ ਕਰਵਾ ਸਕਦੇ ਹਨ।
ਉਦੈਪੁਰ ਦੇ ਓਬਰਾਏ ਉਦੈਵਿਲਾਸ ’ਚ ਹੋ ਸਕਦੈ ਪਰਿਣੀਤੀ-ਰਾਘਵ ਦਾ ਵਿਆਹ
ਮੀਡੀਆ ਰਿਪੋਰਟਾਂ ਮੁਤਾਬਕ ਪਰਿਣੀਤੀ ਚੋਪੜਾ ਤੇ ਰਾਘਵ ਚੱਢਾ ਨੇ ਆਪਣੇ ਸ਼ਾਨਦਾਰ ਵਿਆਹ ਲਈ ਰਾਜਸਥਾਨ ਦੇ ਕਈ ਪੈਲੇਸਾਂ ’ਤੇ ਵਿਚਾਰ ਕੀਤਾ। ਮੀਡੀਆ ਰਿਪੋਰਟਾਂ ਮੁਤਾਬਕ ਜੋੜਾ ਉਦੈਪੁਰ ਦੇ ਓਬਰਾਏ ਉਦੈਵਿਲਾਸ ’ਚ ਵਿਆਹ ਕਰਵਾ ਸਕਦਾ ਹੈ।
ਇਹ ਵਿਆਹ ਕਰੀਬੀ ਲੋਕਾਂ ਵਿਚਕਾਰ ਹੋਵੇਗਾ। ਯਾਨੀ ਕਿ ਫੰਕਸ਼ਨ ਸ਼ਾਨਦਾਰ ਹੋਵੇਗਾ ਪਰ ਇਸ ’ਚ ਸਿਰਫ ਨਜ਼ਦੀਕੀ ਹੀ ਸ਼ਾਮਲ ਹੋਣਗੇ।
ਭੈਣ ਪ੍ਰਿਅੰਕਾ ਦਾ ਵੀ ਵਿਆਹ ਰਾਜਸਥਾਨ ’ਚ ਹੋਇਆ ਸੀ
ਪਰਿਣੀਤੀ ਦੀ ਭੈਣ ਪ੍ਰਿਅੰਕਾ ਚੋਪੜਾ ਨੇ ਵੀ ਰਾਜਸਥਾਨ ਦੇ ਉਮੇਦ ਭਵਨ ਪੈਲੇਸ ’ਚ ਨਿਕ ਜੋਨਸ ਨਾਲ ਵਿਆਹ ਕਰਵਾਇਆ ਸੀ। ਦੋਵਾਂ ਦਾ ਵਿਆਹ ਹਿੰਦੂ ਤੇ ਈਸਾਈ ਰੀਤੀ-ਰਿਵਾਜ਼ਾਂ ਨਾਲ ਹੋਇਆ ਸੀ। ਪ੍ਰਿਅੰਕਾ ਤੇ ਨਿਕ ਤੋਂ ਇਲਾਵਾ ਬੀ-ਟਾਊਨ ਦੇ ਹੋਰ ਜੋੜਿਆਂ ਜਿਵੇਂ ਕੈਟਰੀਨਾ ਕੈਫ ਤੇ ਵਿੱਕੀ ਕੌਸ਼ਲ, ਕਿਆਰਾ ਅਡਵਾਨੀ ਤੇ ਸਿਧਾਰਥ ਮਲਹੋਤਰਾ ਨੇ ਵੀ ਰਾਜਸਥਾਨ ’ਚ ਵਿਆਹ ਕਰਵਾਇਆ ਹੈ, ਜੋ ਕਿ ਬਾਲੀਵੁੱਡ ਜੋੜਿਆਂ ਲਈ ਸਭ ਤੋਂ ਪਸੰਦੀਦਾ ਸਥਾਨ ਬਣਦਾ ਜਾ ਰਿਹਾ ਹੈ।
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।
