ਲੋਕਾਂ ਨੇ ਕੀਤਾ ਸੈਫ-ਕਰੀਨਾ ਦੇ ਦੂਜੇ ਪੁੱਤਰ ਦਾ ਨਾਮਕਰਨ, ਬੋਲੇ ‘ਤੈਮੂਰ ਤੋਂ ਬਾਅਦ ਬਾਬਰ ਆਇਆ’
2/21/2021 1:20:26 PM
ਮੁੰਬਈ: ਬਾਲੀਵੁੱਡ ਦੀ ਮਸ਼ਹੂਰ ਜੋੜੀ ਕਰੀਨਾ ਕਪੂਰ ਖ਼ਾਨ ਅਤੇ ਸੈਫ ਅਲੀ ਖ਼ਾਨ ਦੇ ਘਰ ਖੁਸ਼ੀਆਂ ਨੇ ਦਸਤਕ ਦਿੱਤੀ ਹੈ। ਹਾਲ ਹੀ ’ਚ ਕਰੀਨਾ ਨੇ ਦੂਜੇ ਪੁੱਤਰ ਨੂੰ ਜਨਮ ਦਿੱਤਾ। ਇਹ ਖੁਸ਼ ਖ਼ਬਰੀ ਸੁਣ ਕੇ ਪ੍ਰਸ਼ੰਸਕ ਉਨ੍ਹਾਂ ਨੂੰ ਸੋਸ਼ਲ ਮੀਡੀਆ ’ਤੇ ਵਧਾਈਆਂ ਦੇ ਰਹੇ ਹਨ। ਉੱਧਰ ਕਈ ਲੋਕ ਉਨ੍ਹਾਂ ਦੇ ਦੂਜੇ ਬੱਚੇ ਦੇ ਨਾਂ ਨੂੰ ਲੈ ਕੇ ਮਜ਼ੇ ਲੈ ਰਹੇ ਹਨ। ਸੋਸ਼ਲ ਮੀਡੀਆ ’ਤੇ ਯੂਜ਼ਰਸ ਦੇ ਕੁਮੈਂਟਸ ਦੀ ਲਾਈਨ ਲੱਗੀ ਹੋਈ ਹੈ।
ਦਰਅਸਲ ਸ਼ੈਫ ਅਲੀ ਖ਼ਾਨ ਦੇ ਵੱਡੇ ਪੁੱਤਰ ਦਾ ਨਾਂ ਇਬਰਾਹਿਮ ਹੈ, ਦੂਜੇ ਪੁੱਤਰ ਨੂੰ ਬਾਬਰ ਬੁਲਾ ਰਹੇ ਹਨ।
ਇਕ ਯੂਜ਼ਰ ਨੇ ਕੁਮੈਂਟ ਕਰਦੇ ਹੋਏ ਲਿਖਿਆ ਕਿ ਇਬਰਾਹਿਮ ਲੋਧੀ, ਤੈਮੂਰ ਅਤੇ ਬਾਬਰ, ਮਾਫ਼ ਕਰਨਾ ਕਿਸੇ ਨੂੰ ਬੁਰਾ ਤਾਂ ਨਹੀਂ ਲੱਗਾ, ਇਸ ਨੂੰ ਮਾਮੂਲੀ ਤੌਰ ’ਤੇ ਲਓ ਅਤੇ ਮੈਨੂੰ ਮਾਫ਼ ਕਰੋ।
ਕਿਸੇ ਨੇ ਕਿਹਾ ਕਿ ਗਜਨਵੀ ਇਜ ਬੈਕ, ਤਾਂ ਕਿਸੇ ਨੇ ਲਿਖਿਆ ਕਿ-ਕਾਸ਼ ਕਰੀਨਾ ਕਪੂਰ ਧੀ ਨੂੰ ਜਨਮ ਦਿੰਦੀ।
ਦੱਸ ਦੇਈਏ ਕਿ ਕਰੀਨਾ ਕਪੂਰ ਇਸ ਵਾਰ ਪੁੱਤਰ ਨੂੰ ਜਨਮ ਦੇਣ ਦੇ ਨਾਲ ਦੂਜੇ ਬੱਚੇ ਦੀ ਮਾਂ ਬਣ ਚੁੱਕੀ ਹੈ, ਉੱਧਰ ਸੈਫ ਅਲੀ ਖ਼ਾਨ ਚੌਥੇ ਬੱਚੇ ਦੇ ਪਿਤਾ ਬਣ ਗਏ ਹਨ। ਅਦਾਕਾਰਾ ਨੇ 21 ਫਰਵਰੀ ਨੂੰ ਮੁੰਬਈ ਦੇ ਬ੍ਰੀਚ ਕੈਂਡੀ ਹਸਪਤਾਲ ’ਚ ਪੁੱਤਰ ਨੂੰ ਜਨਮ ਦਿੱਤਾ। ਹਾਲਾਂਕਿ ਸੈਫ ਅਤੇ ਕਰੀਨਾ ਵੱਲੋਂ ਹਾਲੇ ਇਸ ਬਾਰੇ ’ਚ ਕੋਈ ਆਫੀਸ਼ਲ ਅਨਾਊਂਸਮੈਂਟ ਨਹੀਂ ਕੀਤੀ ਗਈ ਹੈ।
