55 ਸਾਲ ਦੇ ਹੋਏ ਸਲਮਾਨ ਖ਼ਾਨ, ਬਰਥਡੇ ’ਤੇ ਭਾਈਜਾਨ ਨੇ ਪ੍ਰਸ਼ੰਸਕਾਂ ਨੂੰ ਕੀਤੀ ਖ਼ਾਸ ਅਪੀਲ

ਮੁੰਬਈ: ਇੰਡਸਟਰੀ ਦੇ ਭਾਈਜਾਨ ਭਾਵ ਸਲਮਾਨ ਖ਼ਾਨ ਅੱਜ (27 ਦਸੰਬਰ) ਨੂੰ ਆਪਣਾ 55ਵਾਂ ਜਨਮਦਿਨ ਸੈਲੀਬਿਰੇਟ ਕਰ ਰਹੇ ਹਨ। ਸਲਮਾਨ ਇੰਡਸਟਰੀ ਦੇ ਬਿਹਤਰੀਨ ਸਿਤਾਰਿਆਂ ’ਚੋਂ ਇਕ ਹਨ। ਚਾਹੇ ਭਾਈਜਾਨ ਦਾ ਬਰਥਡੇ ਅੱਜ ਹੈ ਪਰ ਇਸ ਖ਼ਾਸ ਮੌਕੇ ਦੀ ਸੈਲੀਬਿਰੇਸ਼ਨ 26 ਦਸੰਬਰ ਨੂੰ ਹੀ ਸ਼ੁਰੂ ਹੋ ਗਈ ਸੀ।

ਸ਼ਨੀਵਾਰ ਰਾਤ ਸਲਮਾਨ ਨੇ ਆਪਣੇ ਪਨਵੇਲ ਫਾਰਮਹਾਊਸ ’ਚ ਮੀਡੀਆ ਦੇ ਨਾਲ ਆਪਣਾ ਬਰਥਡੇ ਸੈਲੀਬਿਰੇਟ ਕੀਤਾ। ਸੋਸ਼ਲ ਮੀਡੀਆ ’ਤੇ ਸੈਲੀਬਿਰੇਸ਼ਨ ਦੀਆਂ ਕੁਝ ਤਸਵੀਰਾਂ ਵਾਇਰਲ ਹੋ ਰਹੀਆਂ ਹਨ। 

ਤਸਵੀਰਾਂ ’ਚ ਸਲਮਾਨ ਪੈਪਰਾਜੀ ਦੇ ਨਾਲ ਕੇਕ ਕੱਟਦੇ ਹੋਏ ਦਿਖਾਈ ਦੇ ਰਹੇ ਹਨ। ਸਲਮਾਨ ਨੇ ਖੁੱਲ੍ਹੀ ਥਾਂ ’ਚ ਕੇਟ ਕੱਟਿਆ। ਇਸ ਦੌਰਾਨ ਉਨ੍ਹਾਂ ਦੇ ਨਾਲ ਬਾਡੀਗਾਰਡ ਵੀ ਮੌਜੂਦ ਰਹੇ। 

ਲੁੱਕ ਦੀ ਗੱਲ ਕਰੀਏ ਤਾਂ ਸਲਮਾਨ ਬਲਿਊ ਸ਼ਰਟ ਅਤੇ ਡੈਨਿਸ ’ਚ ਹੈਂਡਸਮ ਲੱਗ ਰਹੇ ਸਨ। ਸ਼ੁਰੂਆਤ ’ਚ ਉਨ੍ਹਾਂ ਨੇ ਮਾਸਕ ਪਾਇਆ ਹੋਇਆ ਸੀ ਪਰ ਕੇਕ ਕੱਟਦੇ ਸਮੇਂ ਉਤਾਰ ਦਿੱਤਾ ਸੀ। 

ਪ੍ਰਸ਼ੰਸਕਾਂ ਨੂੰ ਸਲਮਾਨ ਖ਼ਾਨ ਦੀ ਖ਼ਾਸ ਅਪੀਲ
ਇਸ ਸਾਲ ਸਲਮਾਨ ਆਪਣੇ ਬਰਥਡੇ ਮੌਕੇ ਆਪਣੇ ਪ੍ਰਸ਼ੰਸਕਾਂ ਨਾਲ ਰੂਬਰੂ ਨਹÄ ਹੋ ਪਾਉਣਗੇ। ਦਰਅਸਲ ਕੋਰੋਨਾ ਦੀ ਵਜ੍ਹਾ ਨਾਲ ਅਜਿਹਾ ਹੋਵੇਗਾ। 

ਸਲਮਾਨ ਨੇ ਬਰਥਡੇ ਤੋਂ ਪਹਿਲਾਂ ਆਪਣੇ ਘਰ ਦੇ ਬਾਹਰ ਇਕ ਨੋਟਿਸ ਲਗਾ ਦਿੱਤਾ ਸੀ ਜਿਸ ’ਚ ਉਨ੍ਹਾਂ ਨੇ ਪ੍ਰਸ਼ੰਸਕਾਂ ਨੂੰ ਕੋਰੋਨਾ ਮਹਾਮਾਰੀ ਦੇ ਚੱਲਦੇ ਘਰ ਦੇ ਬਾਹਰ ਭੀੜ ਇਕੱਠੀ ਨਾ ਕਰਨ ਦੀ ਅਪੀਲ ਕੀਤੀ।