ਸਿਧਰਾਥ ਨੂੰ ਛੱਡ ਹੁਣ ਇਸ ਮੁਕਾਬਲੇਬਾਜ਼ ਨਾਲ ਰੋਮਾਂਟਿਕ ਹੋਈ ਨਿੱਕੀ ਤੰਬੋਲੀ (ਵੀਡੀਓ)
10/18/2020 11:14:11 AM
ਨਵੀਂ ਦਿੱਲੀ (ਬਿਊਰੋ) : ਰਿਐਲਿਟੀ ਟੀ. ਵੀ. ਸ਼ੋਅ 'ਬਿੱਗ ਬੌਸ 14' ਦੀ ਇਕ ਵੀਡੀਓ ਕਲਰਸ ਇੰਸਟਾਗ੍ਰਾਮ 'ਤੇ ਸਾਂਝੀ ਕੀਤੀ ਗਈ ਹੈ, ਜਿਸ 'ਚ ਰਾਹੁਲ ਵੈਦ ਅਤੇ ਜਾਨ ਕੁਮਾਰ ਸਾਨੂੰ ਵਿਚਕਾਰ ਇਕ ਮਿਊਜੀਕਲ ਮੁਕਾਬਲਾ ਦੇਖਣ ਨੂੰ ਮਿਲਦਾ ਹੈ। ਇਸ ਮੌਕੇ 'ਤੇ ਹਿਨਾ ਖ਼ਾਨ ਅਤੇ ਨਿੱਕੀ ਤੰਬੋਲੀ ਦਾ ਰੀਐਕਸ਼ਨ ਦੇਖਣ ਵਾਲਾ ਹੁੰਦਾ ਹੈ। ਵੀਡੀਓ 'ਚ ਦਰਸ਼ਕਾਂ ਨੂੰ ਘਰਵਾਲਿਆਂ ਦੀ ਬਹਿਸ ਵਿਚਕਾਰ ਕੁਝ ਵੱਖਰਾ ਵੇਖਣ ਦਾ ਮੌਕਾ ਮਿਲਿਆ। ਦਰਸ਼ਕਾਂ ਨੂੰ ਰਾਹੁਲ ਵੈਦ ਅਤੇ ਜਾਨ ਕੁਮਾਰ ਸਾਨੂੰ ਵਿਚਕਾਰ ਹੋਏ ਮੁਕਾਬਲੇ ਦੀ ਝਲਕ ਦੇਖਣ ਨੂੰ ਮਿਲ ਰਹੀ ਹੈ। ਰਾਹੁਲ 'ਸਮਝਾਵਾਂ' ਗੀਤ ਗਾ ਰਹੇ ਹਨ ਅਤੇ ਉਥੇ ਹੀ ਜਾਨ 'ਬਾਜ਼ੀਗਰ' ਫ਼ਿਲਮ ਦਾ ਟਾਈਟਲ ਟਰੈਕ ਗਾ ਰਹੇ ਹਨ। ਜਦੋਂ ਰਾਹੁਲ ਗਾਣਾ ਗਾ ਰਹੇ ਹੁੰਦੇ ਹਨ ਤਾਂ ਹਿਨਾ ਕੈਮਰੇ ਨੂੰ ਦੇਖ ਕੇ ਫਲਾਇੰਗ ਕਿੱਸ ਦਿੰਦੀ ਹੈ। ਉਥੇ ਹੀ ਜਾਨ ਜਦੋਂ ਗਾਉਣਾ ਸ਼ੁਰੂ ਕਰਦੇ ਹਨ ਤਾਂ ਨਿੱਕੀ ਆਪਣੇ-ਆਪ ਨੂੰ ਰੋਕ ਨਹੀਂ ਪਾਉਂਦੀ ਅਤੇ ਜਾਨ ਕੁਮਾਰ ਸਾਨੂੰ ਨੂੰ ਗਲੇ ਲਗਾ ਕੇ ਗੱਲ੍ਹ 'ਤੇ ਇਕ ਕਿੱਸ ਕਰ ਦਿੰਦੀ ਹੈ। ਇਸ ਨੂੰ ਵੇਖ ਕੇ ਸਿਧਾਰਥ ਸ਼ੁਕਲਾ ਵੀ ਖੁਸ਼ ਹੋ ਜਾਂਦੇ ਹਨ।
ਦੱਸਯੋਗ ਹੈ ਕਿ ਨਿੱਕੀ ਤੰਬੋਲੀ ਅਤੇ ਜਾਨ ਦੀ ਕੈਮਿਸਟਰੀ ਲੋਕਾਂ ਨੂੰ ਪਸੰਦ ਆ ਰਹੀ ਹੈ। ਇਸ ਤੋਂ ਪਹਿਲਾਂ ਦੇ ਐਪੀਸੋਡ 'ਚ ਜਾਨ ਨੂੰ ਨਿੱਕੀ ਨਾਲ ਫਲਰਟ ਕਰਦੇ ਹੋਏ ਵੀ ਦੇਖਿਆ ਗਿਆ ਸੀ। ਹਾਲਾਂਕਿ ਉਦੋਂ ਉਹ ਉਸ ਨੂੰ ਆਪਣਾ ਭਾਈ (ਭਰਾ) ਜਾਨ ਕਹਿ ਕੇ ਬੁਲਾਉਂਦੀ ਸੀ। ਜਾਨ ਨਿੱਕੀ ਨੂੰ ਦੱਸਦੇ ਹਨ ਕਿ ਉਹ ਉਸ ਨੂੰ ਪਸੰਦ ਕਰਦਾ ਹੈ ਅਤੇ ਜਦੋਂ ਸ਼ੋਅ ਖ਼ਤਮ ਹੋ ਜਾਵੇਗਾ ਤਾਂ ਉਹ ਉਸ ਨਾਲ 'ਕਾਫੀ ਡੇਟ' 'ਤੇ ਜਾਣਾ ਚਾਹੁੰਦਾ ਹੈ। ਉਥੇ ਹੀ 'ਵੀਕੈਂਡ ਕਾ ਵਾਰ' 'ਚ ਸਲਮਾਨ ਖ਼ਾਨ ਘਰਵਾਲਿਆਂ ਨਾਲ ਮੁਲਾਕਾਤ ਕਰਨਗੇ ਅਤੇ ਉਨ੍ਹਾਂ ਨੂੰ ਬੀਤੇ ਹਫ਼ਤੇ ਦੀਆਂ ਚੰਗੀਆਂ ਤੇ ਮਾੜੀਆਂ ਗੱਲਾਂ ਦੱਸਣਗੇ।
