ਆਰ. ਮਾਧਵਨ ਦੀ ਫਿਲਮ ਟੈਸਟ ਦਾ ਨਵਾਂ ਟੀਜ਼ਰ ਰਿਲੀਜ਼

ਮੁੰਬਈ (ਏਜੰਸੀ)- ਮਸ਼ਹੂਰ ਅਦਾਕਾਰ ਆਰ. ਮਾਧਵਨ ਦੀ ਆਉਣ ਵਾਲੀ ਫਿਲਮ ਟੈਸਟ ਦਾ ਨਵਾਂ ਟੀਜ਼ਰ ਰਿਲੀਜ਼ ਹੋ ਗਿਆ ਹੈ। ਫਿਲਮ 'ਟੈਸਟ' ਦਾ ਟੀਜ਼ਰ ਹਾਲ ਹੀ ਵਿੱਚ ਰਿਲੀਜ਼ ਹੋਇਆ ਸੀ, ਜਿਸ ਵਿੱਚ ਅਦਾਕਾਰਾ ਨਯਨਤਾਰਾ ਦੇ ਕਿਰਦਾਰ ਦਾ ਖੁਲਾਸਾ ਹੋਇਆ। ਹੁਣ ਇਸ ਫਿਲਮ ਦਾ ਇੱਕ ਹੋਰ ਟੀਜ਼ਰ ਸਾਹਮਣੇ ਆਇਆ ਹੈ, ਜਿਸ ਵਿੱਚ ਆਰ. ਮਾਧਵਨ ਦੇ ਕਿਰਦਾਰ ਦੀ ਇੱਕ ਝਲਕ ਦਿਖਾਈ ਦਿੱਤੀ ਹੈ। ਇਸ ਫਿਲਮ ਵਿੱਚ ਅਦਾਕਾਰ ਸਿਧਾਰਥ ਵੀ ਨਜ਼ਰ ਆਉਣਗੇ। ਫਿਲਮ 'ਟੈਸਟ' ਵਿੱਚ ਆਰ. ਮਾਧਵਨ ਨੇ ਸਰਵਨਨ ਨਾਮ ਦੇ ਇੱਕ ਵਿਅਕਤੀ ਦੀ ਭੂਮਿਕਾ ਨਿਭਾਈ ਹੈ। ਸਰਵਨਨ ਨੂੰ ਕਈ ਸੰਘਰਸ਼ਾਂ ਅਤੇ ਚੁਣੌਤੀਆਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ।

ਆਰ. ਮਾਧਵਨ ਨੇ ਕਿਹਾ, 'ਸਰਵਨਨ ਇੱਕ ਅਜਿਹਾ ਵਿਅਕਤੀ ਹੈ ਜੋ ਬਹੁਤ ਪ੍ਰਤਿਭਾਸ਼ਾਲੀ ਹੈ। ਇਹ ਗੁਣ ਉਸਦੀ ਤਾਕਤ ਵੀ ਹੈ ਅਤੇ ਇਹ ਉਸਦੇ ਲਈ ਸਮੱਸਿਆਵਾਂ ਵੀ ਪੈਦਾ ਕਰਦਾ ਹੈ। ਫਿਲਮ ਵਿੱਚ, ਉਸਨੂੰ ਆਪਣੇ ਵਿਵਹਾਰ ਦੇ ਕਾਰਨ, ਅਭਿਲਾਸ਼ੀ ਹੋਣ ਕਾਰਨ ਇਕ ਵੱਡੀ ਕੀਮਤ ਵੀ ਚੁਕਾਉਣੀ ਪੈਂਦੀ ਹੈ। ਬਹੁਤ ਸਾਰੇ ਦਰਸ਼ਕ ਇਸ ਕਹਾਣੀ ਅਤੇ ਕਿਰਦਾਰ ਨਾਲ ਖੁਦ ਨੂੰ ਜੋੜ ਸਕਦੇ ਹਨ। ਮੈਂ ਦਰਸ਼ਕਾਂ ਵੱਲੋਂ ਨੈੱਟਫਲਿਕਸ 'ਤੇ ਫਿਲਮ 'ਟੈਸਟ' ਦੇਖਣ ਦੀ ਉਡੀਕ ਕਰ ਰਿਹਾ ਹਾਂ।' ਫਿਲਮ 'ਟੈਸਟ' 4 ਅਪ੍ਰੈਲ ਨੂੰ ਨੈੱਟਫਲਿਕਸ 'ਤੇ ਰਿਲੀਜ਼ ਹੋਵੇਗੀ। ਦਰਸ਼ਕ ਇਸ ਫਿਲਮ ਨੂੰ ਤਾਮਿਲ, ਤੇਲਗੂ, ਮਲਿਆਲਮ, ਕੰਨੜ ਅਤੇ ਹਿੰਦੀ ਵਿੱਚ ਦੇਖ ਸਕਣਗੇ। ਫਿਲਮ ਟੈਸਟ ਦਾ ਨਿਰਦੇਸ਼ਨ ਐੱਸ. ਸ਼ਸ਼ੀਕਾਂਤ ਨੇ ਕੀਤਾ ਹੈ।