ਪ੍ਰੀ ਹੋਲੀ ਪਾਰਟੀ ’ਚ ਪਰਿਵਾਰ ਨਾਲ ਪੂਲ ਪਾਰਟੀ ਕਰਦੀ ਨਜ਼ਰ ਆਈ ਨੇਹਾ ਕੱਕੜ
Friday, Mar 26, 2021 - 04:26 PM (IST)
ਮੁੰਬਈ (ਬਿਊਰੋ)– ਗਾਇਕਾ ਨੇਹਾ ਕੱਕੜ ਦੀ ਵਿਆਹ ਤੋਂ ਬਾਅਦ ਇਹ ਪਹਿਲੀ ਹੋਲੀ ਹੈ। ਨੇਹਾ ਨੇ ਪਤੀ ਰੋਹਨਪ੍ਰੀਤ ਸਿੰਘ ਨਾਲ ਪ੍ਰੀ ਹੋਲੀ ਸੈਲੀਬ੍ਰੇਟ ਕੀਤੀ। ਉਸ ਨੇ ਪਰਿਵਾਰ ਤੇ ਦੋਸਤਾਂ ਨਾਲ ਪੂਲ ਪਾਰਟੀ ਕਰਕੇ ਹੋਲੀ ਦਾ ਸੈਲੀਬ੍ਰੇਸ਼ਨ ਸ਼ੁਰੂ ਕਰ ਦਿੱਤਾ ਹੈ। ਨੇਹਾ ਨੇ ਸੋਸ਼ਲ ਮੀਡੀਆ ’ਤੇ ਵੀਡੀਓ ਸਾਂਝੀ ਕੀਤੀ ਹੈ। ਵੀਡੀਓ ’ਚ ਨੇਹਾ ਪਤੀ ਰੋਹਨਪ੍ਰੀਤ ਨਾਲ ਸਵੀਿਮੰਗ ਪੂਲ ’ਚ ਨਜ਼ਰ ਆ ਰਹੀ ਹੈ। ਦੋਵਾਂ ਨਾਲ ਉਨ੍ਹਾਂ ਦੇ ਪਰਿਵਾਰਕ ਮੈਂਬਰ ਤੇ ਦੋਸਤ ਵੀ ਮੌਜੂਦ ਹਨ।
ਵੀਡੀਓ ’ਚ ਨੇਹਾ ਕੱਕੜ ਭਰਾ ਟੋਨੀ ਕੱਕੜ ਨਾਲ ‘ਤੇਰਾ ਸੂਟ’ ਗੀਤ ’ਤੇ ਮਸਤੀ ਕਰਦੀ ਦਿਖਾਈ ਦੇ ਰਹੀ ਹੈ। ਰੋਹਨਪ੍ਰੀਤ ਨੇ ਨੇਹਾ ਨੂੰ ਗੋਦ ’ਚ ਚੁੱਕਿਆ ਹੋਇਆ ਹੈ। ਵੀਡੀਓ ਸਾਂਝੀ ਕਰਦਿਆਂ ਉਸ ਨੇ ਲਿਖਿਆ, ‘ਮਾਰੋ ਪਿਚਕਾਰੀ ਹੋ ਕੇ ਲੈਫਟ, ਹੋ ਕੇ ਰਾਈਟ... ਪਰਿਵਾਰ ਨਾਲ ਘਰ ’ਤੇ ਹੀ ਪ੍ਰੀ ਹੋਲੀ ਫਨ।’
ਨੇਹਾ ਕੱਕੜ ਦਾ ਵਿਆਹ ਅਕਤੂਬਰ 2020 ’ਚ ਹੋਇਆ ਸੀ। ਵਿਆਹ ਦਿੱਲੀ ’ਚ ਹੋਇਆ। ਨੇਹਾ ਨੇ ਵਿਆਹ ਦੀਆਂ ਤਸਵੀਰਾਂ ਸਾਂਝੀਆਂ ਕੀਤੀਆਂ ਸਨ। ਉਸ ਦਾ ਵਿਆਹ ਕਾਫੀ ਚਰਚਾ ’ਚ ਰਿਹਾ ਸੀ। ਨੇਹਾ ਦਾ ਬ੍ਰਾਈਡਲ ਲੁੱਕ ਵੀ ਵਾਇਰਲ ਹੋ ਗਿਆ ਸੀ।
ਦੱਸਣਯੋਗ ਹੈ ਕਿ ਨੇਹਾ ਇਨ੍ਹੀਂ ਦਿਨੀਂ ‘ਇੰਡੀਅਨ ਆਈਡਲ’ ਨੂੰ ਜੱਜ ਕਰ ਰਹੀ ਹੈ। ਸ਼ੋਅ ’ਚ ਹਾਲ ਹੀ ’ਚ ਨੀਤੂ ਕਪੂਰ ਆਈ ਸੀ। ਉਸ ਨੇ ਨੇਹਾ ਨੂੰ ਸ਼ਗਣ ਦਾ ਲਿਫਾਫਾ ਵੀ ਦਿੱਤਾ ਸੀ।
ਨੋਟ– ਨੇਹਾ ਦੀ ਪਰਿਵਾਰ ਨਾਲ ਪ੍ਰੀ ਹੋਲੀ ਪਾਰਟੀ ਤੁਹਾਨੂੰ ਕਿਵੇਂ ਦੀ ਲੱਗੀ? ਕੁਮੈਂਟ ਕਰਕੇ ਜ਼ਰੂਰ ਦੱਸੋ।
