ਸੋਸ਼ਲ ਮੀਡੀਆ ''ਤੇ ਨੇਹਾ ਕੱਕੜ ਨੂੰ ਲੋਕਾਂ ਨੇ ਦੱਸਿਆ ''ਕਾਪੀ ਕੈਟ'' ਤਾਂ ਗਾਇਕਾ ਨੇ ਇੰਝ ਦਿੱਤਾ ਠੋਕਵਾਂ ਜਵਾਬ

10/30/2020 9:19:21 AM

ਜਲੰਧਰ (ਬਿਊਰੋ) - ਮਸ਼ਹੂਰ ਗਾਇਕਾ ਨੇਹਾ ਕੱਕੜ ਅਤੇ ਰੋਹਨਪ੍ਰੀਤ ਸਿੰਘ ਵਿਆਹ ਦੇ ਪਵਿੱਤਰ ਬੰਧਨ 'ਚ ਬੱਝ ਚੁੱਕੇ ਹਨ। ਨੇਹਾ ਕੱਕੜ ਆਏ ਦਿਨ ਕਿਸੇ ਨਾ ਕਿਸੇ ਵਜ੍ਹਾ ਕਰਕੇ ਚਰਚਾ 'ਚ ਆ ਰਹੀ ਹੈ। ਨੇਹਾ ਕੱਕੜ ਦੇ ਵਿਆਹ ਦੀਆਂ ਤਸਵੀਰਾਂ ਸਾਹਮਣੇ ਆਉਣ ਤੋਂ ਬਾਅਦ ਇਹ ਚਰਚਾ ਹੈ ਕਿ ਉਸ ਨੇ ਲਗਭਗ ਜੋ ਡਰੈੱਸਾਂ ਆਪਣੇ ਵਿਆਹ ਤੇ ਰਿਪਸੈਪਸ਼ਨ ਪਾਰਟੀ 'ਚ ਪਾਈਆਂ ਸਨ, ਤਕਰੀਬਨ ਸਾਰੀਆਂ ਕਾਪੀ ਕੀਤੀਆਂ ਹੋਈਆਂ ਹਨ। ਨੇਹਾ ਨੇ ਵਿਆਹ ਦੇ ਮੌਕੇ 'ਤੇ ਜੋ ਲਹਿੰਗਾ ਪਾਇਆ ਹੋਇਆ ਸੀ ਉਸ ਨੂੰ ਲੈ ਕੇ ਸੋਸ਼ਲ ਮੀਡੀਆ 'ਤੇ ਉਹ ਕਾਫੀ ਟਰੋਲ ਹੋ ਰਹੀ ਹੈ। ਨੇਹਾ ਨੂੰ ਸੋਸ਼ਲ ਮੀਡੀਆ 'ਤੇ ਕਾਪੀ ਕੈਟ ਕਿਹਾ ਜਾ ਰਿਹਾ ਹੈ ।

PunjabKesari

ਨੇਹਾ ਕੱਕੜ ਦੀ ਦੁਲਹਨ ਵਾਲਾ ਲੁੱਕ ਵੇਖ ਕੇ ਲੋਕਾਂ ਨੇ ਕਹਿਣਾ ਸ਼ੁਰੂ ਕਰ ਦਿੱਤਾ ਕਿ ਨੇਹਾ ਨੇ ਅਨੁਸ਼ਕਾ ਸ਼ਰਮਾ, ਪ੍ਰਿਯੰਕਾ ਚੋਪੜਾ ਅਤੇ ਦੀਪਿਕਾ ਪਾਦੂਕੋਣ ਤੇ ਸੋਹਾ ਅਲੀ ਖ਼ਾਨ ਦੇ ਬ੍ਰਾਇਡਲ ਲੁੱਕ ਦੀ ਨਕਲ ਕੀਤੀ ਹੈ। ਇਸ ਸਭ ਦੇ ਚਲਦੇ ਹੁਣ ਨੇਹਾ ਨੇ ਇਸ ਮਾਮਲੇ 'ਤੇ ਇਕ ਤਸਵੀਰ ਸ਼ੇਅਰ ਕਰਕੇ ਚੁੱਪੀ ਤੋੜ ਦਿੱਤੀ ਹੈ। ਉਸ ਨੇ ਟਰੋਲਰਾਂ ਨੂੰ ਢੁੱਕਵਾਂ ਜਵਾਬ ਦਿੱਤਾ ਹੈ। ਨੇਹਾ ਨੇ ਆਪਣੇ ਵਿਆਹ ਦੇ ਲਹਿੰਗੇ ਦੀ ਤਸਵੀਰ ਸੋਸ਼ਲ ਮੀਡੀਆ 'ਤੇ ਪੋਸਟ ਕੀਤੀ ਹੈ ਅਤੇ ਤਸਵੀਰਾਂ ਸ਼ੇਅਰ ਕਰਦੇ ਹੋਏ ਉਸ ਨੇ ਕੈਪਸ਼ਨ ਲਿਖਿਆ, 'ਲੋਕ ਜ਼ਿੰਦਗੀ 'ਚ 'ਸਭਿਯਾਸਾਚੀ' ਦਾ ਲਹਿੰਗਾ ਪਹਿਨਣ ਲਈ ਮਰਦੇ ਹਨ ਅਤੇ ਸਾਨੂੰ ਇਹ ਖ਼ੁਦ ਸਭਿਯਾਸਾਚੀ ਨੇ ਹੋਤਫ਼ੇ 'ਚ ਦਿੱਤੇ ਹਨ।

PunjabKesari

ਸੁਫ਼ਨੇ ਸਾਕਾਰ ਹੁੰਦੇ ਹਨ ਪਰ ਜੇ ਤੁਸੀਂ ਸਖ਼ਤ ਮਿਹਨਤ ਕਰੋਗੇ ਤਾਂ ਉਹ ਚੰਗੀ ਤਰ੍ਹਾਂ ਨਾਲ ਕੰਮ ਕਰਨਗੇ। ਧੰਨਵਾਦ ਮਾਂ ਰਾਣੀ। ਸ਼ੁਕਰ ਹੈ ਵਾਹਿਗੁਰੂ ਦਾ।' ਇਸ ਤੋਂ ਇਲਾਵਾ ਉਨ੍ਹਾਂ ਇਕ ਪੋਸਟ ਵਿਚ ਲਿਖਿਆ, #Sabyasachi Couple!!!  ਧੰਨਵਾਦ ਸਭਿਯਾਸਾਚੀ ਸਰ ਸਭ ਤੋਂ ਵਧੀਆ ਪਹਿਰਾਵਾ ਦੇਣ ਲਈ।'

PunjabKesari
ਇਸ ਪੋਸਟ ਦੇ ਜ਼ਰੀਏ ਲੋਕ ਹੁਣ ਅੰਦਾਜ਼ੇ ਲਗਾ ਰਹੇ ਹਨ ਕਿ ਨੇਹਾ ਕੱਕੜ ਨੇ ਇਸ ਪੋਸਟ ਦੇ ਜ਼ਰੀਏ ਸਪੱਸ਼ਟ ਕਰਨ ਦੀ ਕੋਸ਼ਿਸ਼ ਕੀਤੀ ਹੈ ਕਿ ਉਸ ਨੇ ਇਹ ਲਹਿੰਗਾ ਖ਼ੁਦ ਨਹੀਂ ਖਰੀਦਿਆ ਸਗੋਂ ਉਸ ਨੂੰ ਇਹ ਤੋਹਫ਼ੇ 'ਚ ਮਿਲਿਆ ਹੈ, ਜਿਸ ਨੂੰ ਉਸ ਨੇ ਬਹੁਤ ਪਿਆਰ ਨਾਲ ਨਿਭਾਇਆ ਹੈ।

PunjabKesari


sunita

Content Editor sunita