6 ਮਹੀਨਿਆਂ 'ਚ ਟੁੱਟਿਆ ਵਿਆਹ, ਦਬਾਅ 'ਚ ਕਰਵਾਇਆ ਗਰਭਪਾਤ, ਇਸ ਅਦਾਕਾਰਾ ਦੀ ਜ਼ਿੰਦਗੀ ਨਹੀਂ ਕਿਸੇ ਪਹੇਲੀ ਤੋਂ ਘੱਟ

ਐਂਟਰਟੇਨਮੈਂਟ ਡੈਸਕ- ਇੰਡਸਟਰੀ ਵਿੱਚ ਕਈ ਅਦਾਕਾਰਾਂ ਨੇ ਦੂਜੇ ਧਰਮਾਂ ਵਿਚ ਵਿਆਹ ਕਰਾਇਆ ਹੈ। ਇਨ੍ਹਾਂ 'ਚ ਸ਼ਰਮੀਲਾ ਟੈਗੋਰ, ਕਰੀਨਾ ਕਪੂਰ, ਸੋਨਾਕਸ਼ੀ ਸਿਨਹਾ ਵਰਗੀਆਂ ਅਭਿਨੇਤਰੀਆਂ ਸ਼ਾਮਲ ਹਨ। ਇਸ ਦੇ ਨਾਲ ਹੀ ਧਰਮਿੰਦਰ ਨੇ ਹੇਮਾ ਮਾਲਿਨੀ ਨਾਲ ਵਿਆਹ ਕਰਨ ਲਈ ਆਪਣਾ ਧਰਮ ਵੀ ਬਦਲ ਲਿਆ ਸੀ। ਪਰ ਇੱਕ ਹੋਰ ਅਦਾਕਾਰਾ ਨੇ ਪਿਆਰ ਲਈ ਅਜਿਹਾ ਹੀ ਕੀਤਾ ਅਤੇ ਦੁੱਖ ਦੀ ਗੱਲ ਹੈ ਕਿ ਉਸ ਨੂੰ ਵਿਆਹ ਤੋਂ ਬਾਅਦ ਵੀ ਦਰਦ ਦਾ ਸਾਹਮਣਾ ਕਰਨਾ ਪਿਆ। ਇਸ ਅਦਾਕਾਰਾ ਦਾ ਨਾਂ ਹੈ ਮੰਦਾਨਾ ਕਰੀਮੀ।

ਇਹ ਵੀ ਪੜ੍ਹੋ: ਆਪਣਾ ਨਾਮ ਬਦਲਣਾ ਚਾਹੁੰਦੇ ਹਨ ਅੱਲੂ ਅਰਜੁਨ! 'ਪੁਸ਼ਪਾ 2' ਦੀ ਸਫਲਤਾ ਹੈ ਕਾਰਨ

ਕੌਣ ਹੈ ਮੰਦਾਨਾ ਕਰੀਮੀ?

ਮੰਦਾਨਾ ਕਰੀਮੀ ਨੇ ਫਿਲਮਾਂ ਦੇ ਨਾਲ-ਨਾਲ ਰਿਐਲਿਟੀ ਸ਼ੋਅਜ਼ ਵਿੱਚ ਵੀ ਆਪਣੀ ਮੌਜੂਦਗੀ ਦਰਜ ਕਰਵਾਈ ਹੈ। ਉਹ 'ਬਿੱਗ ਬੌਸ' ਅਤੇ ਕੰਗਨਾ ਰਣੌਤ ਦੇ ਰਿਐਲਿਟੀ ਸ਼ੋਅ 'ਲਾਕ ਅੱਪ' 'ਚ ਵੀ ਨਜ਼ਰ ਆਈ ਸੀ। ਹੁਣ ਮੰਦਾਨਾ ਐਕਟਿੰਗ ਦੀ ਦੁਨੀਆ ਤੋਂ ਦੂਰ ਹੋ ਚੁੱਕੀ ਹੈ ਅਤੇ ਪਤੀ ਤੋਂ ਤਲਾਕ ਲੈਣ ਮਗਰੋਂ ਉਸ ਨੇ ਆਪਣਾ ਕਾਰੋਬਾਰ ਸ਼ੁਰੂ ਕੀਤਾ ਹੈ।

ਪਤੀ ਅਤੇ ਸਹੁਰਾ ਪਰਿਵਾਰ ਖਿਲਾਫ ਦੋਸ਼

ਮੰਦਾਨਾ ਕਰੀਮੀ ਨੇ ਫਿਲਮੀ ਦੁਨੀਆ 'ਚ ਜ਼ਿਆਦਾ ਕੰਮ ਨਹੀਂ ਕੀਤਾ ਹੈ ਪਰ ਉਸ ਨੂੰ ਪਛਾਣ ਜ਼ਰੂਰ ਮਿਲੀ ਹੈ। ਉਸ ਨੇ 'ਭਾਗ ਜੌਨੀ', 'ਮੈਂ ਔਰ ਚਾਰਲਸ' ਅਤੇ 'ਕਿਆ ਕੂਲ ਹੈਂ ਹਮ 3' ਵਰਗੀਆਂ ਫਿਲਮਾਂ 'ਚ ਕੰਮ ਕੀਤਾ ਹੈ ਅਤੇ ਕੁਝ ਰਿਐਲਿਟੀ ਸ਼ੋਅਜ਼ ਦਾ ਹਿੱਸਾ ਵੀ ਰਹਿ ਚੁੱਕੀ ਹੈ। ਮੰਦਾਨਾ ਇੱਕ ਮੁਸਲਿਮ ਪਰਿਵਾਰ ਨਾਲ ਸਬੰਧ ਰੱਖਦੀ ਹੈ ਅਤੇ ਉਸਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਇੱਕ ਮਾਡਲ ਵਜੋਂ ਕੀਤੀ ਸੀ। 2017 ਵਿੱਚ, ਉਸਨੇ ਕਾਰੋਬਾਰੀ ਗੌਰਵ ਗੁਪਤਾ ਨਾਲ ਵਿਆਹ ਕੀਤਾ, ਜੋ ਹਰ ਕਿਸੇ ਲਈ ਹੈਰਾਨੀਜਨਕ ਕਦਮ ਸੀ। ਗੌਰਵ ਨਾਲ ਹਿੰਦੂ ਰੀਤੀ-ਰਿਵਾਜ਼ਾਂ ਅਨੁਸਾਰ ਵਿਆਹ ਕਰਨ ਵਾਲੀ ਉਹ ਪਹਿਲੀ ਮੁਸਲਿਮ ਅਭਿਨੇਤਰੀ ਬਣੀ। ਪਰ ਵਿਆਹ ਤੋਂ ਸਿਰਫ 6 ਮਹੀਨੇ ਬਾਅਦ ਹੀ ਦੋਵਾਂ ਵਿਚਾਲੇ ਤਣਾਅ ਪੈਦਾ ਹੋ ਗਿਆ। ਮੰਦਾਨਾ ਨੇ ਆਪਣੇ ਪਤੀ ਅਤੇ ਸਹੁਰਾ ਪਰਿਵਾਰ 'ਤੇ ਘਰੇਲੂ ਹਿੰਸਾ ਦਾ ਦੋਸ਼ ਲਗਾਇਆ ਅਤੇ ਉਨ੍ਹਾਂ ਦਾ ਰਿਸ਼ਤਾ ਖਤਮ ਹੋ ਗਿਆ।

ਇਹ ਵੀ ਪੜ੍ਹੋ: ਕਈ ਪੌਸ਼ਟਿਕ ਤੱਤਾਂ ਭਰਪੂਰ ਹੁੰਦੀ ਹੈ ਬਾਸੀ ਰੋਟੀ, ਜਾਣੋ ਖਾਣ ਦੇ ਫਾਇਦੇ

10 ਲੱਖ ਮੈਨਟੇਨੈਂਸ ਅਤੇ 2 ਕਰੋੜ ਦਾ ਗੁਜਾਰਾ ਭੱਤਾ

ਮੰਦਾਨਾ ਨੇ ਵਿਆਹ ਤੋਂ ਬਾਅਦ ਦੱਸਿਆ ਕਿ ਉਸ ਦੇ ਸਹੁਰੇ ਵਾਲੇ ਉਸ 'ਤੇ ਧਰਮ ਬਦਲਣ ਲਈ ਦਬਾਅ ਪਾ ਰਹੇ ਸਨ ਅਤੇ ਵਿਆਹ ਤੋਂ ਬਾਅਦ ਉਸ ਨੂੰ ਤੰਗ-ਪ੍ਰੇਸ਼ਾਨ ਕੀਤਾ ਗਿਆ। ਉਸ ਦਾ ਦੋਸ਼ ਸੀ ਕਿ ਵਿਆਹ ਤੋਂ ਬਾਅਦ ਉਸ ਦੇ ਸਹੁਰਿਆਂ ਨੇ ਉਸ ਨੂੰ ਘਰੋਂ ਕੱਢ ਦਿੱਤਾ। ਮੰਦਾਨਾ ਨੇ ਆਪਣੇ ਪਤੀ ਤੋਂ 10 ਲੱਖ ਰੁਪਏ ਪ੍ਰਤੀ ਮਹੀਨਾ ਮੈਨਟੇਨੈਂਸ ਅਤੇ 2 ਕਰੋੜ ਰੁਪਏ ਦਾ ਗੁਜਾਰਾ ਭੱਤਾ ਮੰਗਣ ਦਾ ਦਾਅਵਾ ਕੀਤਾ ਸੀ।

ਗਰਭਪਾਤ ਲਈ ਦਬਾਅ

ਗੌਰਵ ਤੋਂ ਵੱਖ ਹੋਣ ਤੋਂ ਬਾਅਦ ਮੰਦਾਨਾ ਕਰੀਮੀ ਨੇ ਆਪਣਾ ਦਿਲ ਇੱਕ ਨਿਰਦੇਸ਼ਕ ਨੂੰ ਦੇ ਦਿੱਤਾ ਅਤੇ ਫਿਰ ਤੋਂ ਵਿਆਹ ਦੇ ਸੁਪਨੇ ਦੇਖਣ ਲੱਗੀ। ਪਰ ਇੱਥੇ ਵੀ ਉਸ ਦੀ ਕਿਸਮਤ ਨੇ ਉਸ ਦਾ ਸਾਥ ਨਹੀਂ ਦਿੱਤਾ। ਜਦੋਂ ਮੰਦਾਨਾ ਨੇ ਆਪਣੇ ਨਿਰਦੇਸ਼ਕ ਬੁਆਏਫ੍ਰੈਂਡ ਨੂੰ ਦੱਸਿਆ ਕਿ ਉਹ ਗਰਭਵਤੀ ਹੈ ਤਾਂ ਉਸ ਨੇ ਇਸ ਨੂੰ ਮੰਨਣ ਤੋਂ ਇਨਕਾਰ ਕਰ ਦਿੱਤਾ। ਨਿਰਦੇਸ਼ਕ ਨੇ ਮੰਦਾਨਾ 'ਤੇ ਗਰਭਪਾਤ ਕਰਵਾਉਣ ਲਈ ਦਬਾਅ ਪਾਇਆ ਅਤੇ ਆਖਿਰਕਾਰ ਮੰਦਾਨਾ ਨੂੰ ਗਰਭਪਾਤ ਕਰਵਾਉਣਾ ਪਿਆ, ਕਿਉਂਕਿ ਨਿਰਦੇਸ਼ਕ ਬੱਚੇ ਦੀ ਜ਼ਿੰਮੇਵਾਰੀ ਲੈਣ ਲਈ ਤਿਆਰ ਨਹੀਂ ਸੀ।

ਮੰਦਾਨਾ ਕਰੀਮੀ ਦੀ ਜ਼ਿੰਦਗੀ 'ਚ ਪਿਆਰ ਅਤੇ ਰਿਸ਼ਤਿਆਂ ਦੀਆਂ ਸਮੱਸਿਆਵਾਂ ਚਲਦੀਆਂ ਰਹੀਆਂ ਅਤੇ ਅੱਜ ਉਹ ਕਾਰੋਬਾਰ 'ਚ ਸਫਲਤਾ ਵੱਲ ਵਧਦੀ ਹੋਈ ਆਪਣੀ ਜ਼ਿੰਦਗੀ ਨੂੰ ਨਵੇਂ ਤਰੀਕੇ ਨਾਲ ਜੀਅ ਰਹੀ ਹੈ।

ਇਹ ਵੀ ਪੜ੍ਹੋ: ਨਸ਼ੇ ਨੇ ਇਸ ਮਸ਼ਹੂਰ ਗਾਇਕ ਨੂੰ ਕੀਤਾ ਬਰਬਾਦ, ਗਵਾਈ ਅੱਖਾਂ ਦੀ ਰੌਸ਼ਨੀ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8