ਵਿਆਹ ਦੀ 7ਵੀਂ ਵਰ੍ਹੇਗੰਢ ''ਤੇ ਪਤਨੀ ਅੰਕਿਤਾ ਦੇ ਨਾਂ ਕਰਨ ਦਾ ਪਿਆਰ ਭਰਿਆ ਨੋਟ
05/03/2022 5:40:37 PM
ਮੁੰਬਈ- ਟੀ.ਵੀ. ਇੰਡਸਟਰੀ ਦੇ ਪਿਆਰਾ ਜੋੜਾ ਕਰਨ ਪਟੇਲ ਅਤੇ ਅੰਕਿਤਾ ਭਾਰਗਵ ਅੱਜ ਭਾਵ 3 ਮਈ ਨੂੰ ਆਪਣੇ ਵਿਆਹ ਦੀ 7ਵੀਂ ਵਰ੍ਹੇਗੰਢ ਮਨਾ ਰਿਹਾ ਹੈ। ਇਸ ਖਾਸ ਮੌਕੇ 'ਤੇ ਕਰਨ ਨੇ ਲਵਿੰਗ ਵਾਈਫ ਦੇ ਨਾਂ 'ਤੇ ਇਕ ਪਿਆਰ ਭਰਿਆ ਨੋਟ ਸਾਂਝਾ ਕੀਤਾ।
ਕਰਨ ਨੇ ਇੰਸਟਾ 'ਤੇ ਆਪਣੇ ਵਿਆਹ ਦੀਆਂ ਤਸਵੀਰ ਸਾਂਝੀ ਕੀਤੀ ਹੈ। ਤਸਵੀਰ ਜੋੜੇ ਦੀ ਰਿਸੈਪਸ਼ਨ ਪਾਰਟੀ ਦੀ ਲੱਗ ਰਹੀ ਹੈ। ਇਸ ਨੂੰ ਸਾਂਝਾ ਕਰਦੇ ਹੋਏ ਉਨ੍ਹਾਂ ਨੇ ਕੈਪਸ਼ਨ 'ਚ ਲਿਖਿਆ-'ਇਸ ਦਿਨ, 7 ਸਾਲ ਪਹਿਲੇ, ਮੇਰੀ ਈਦ ਦਾ ਚੰਨ ਮੇਰਾ ਹੋ ਗਿਆ, ਪੂਰੀ ਜ਼ਿੰਦਗੀ ਲੇ ਲਈਏ...ਸਾਨੂੰ ਵਿਆਹ ਦੀ ਵਰ੍ਹੇਗੰਢ ਮੁਬਾਰਕ, ਲਵ ਯੂ ਅੰਕੀ...ਅਤੇ ਤੁਹਾਨੂੰ ਸਭ ਨੂੰ ਈਦ ਮੁਬਾਰਕ...'।
ਦੋਵਾਂ ਦੀ ਲਵ ਸਟੋਰੀ ਦੀ ਗੱਲ ਕਰੀਏ ਤਾਂ ਕਰਨ ਪਟੇਲ ਅੰਕਿਤਾ ਦੇ ਪਿਤਾ ਅਭੈ ਭਾਰਗਵ ਦੇ ਆਨ ਸਕ੍ਰੀਨ ਜਵਾਈ ਸਨ। ਜਦੋਂ ਇਕ ਦਿਨ ਅੰਕਿਤਾ ਆਪਣੇ ਪਿਤਾ ਨੂੰ ਮਿਲਣ 'ਯੇ ਹੈ ਮਹੋਬੱਤੇ' ਦੇ ਸੈੱਟ ਪਹੁੰਚੀ ਉਦੋਂ ਕਰਨ ਪਟੇਲ ਦੀ ਮੁਲਾਕਾਤ ਉਸ ਨਾਲ ਹੋਈ ਅਤੇ ਪਹਿਲੀ ਹੀ ਨਜ਼ਰ 'ਚ ਉਹ ਉਨ੍ਹਾਂ ਨੂੰ ਆਪਣਾ ਦਿਲ ਦੇ ਬੈਠੇ।
ਇਸ ਤੋਂ ਬਾਅਦ ਦੋਵਾਂ ਨੂੰ ਹੌਲੀ-ਹੌਲੀ ਇਕ ਦੂਜੇ ਨਾਲ ਪਿਆਰ ਹੋ ਗਿਆ। ਕੁਝ ਦਿਨਾਂ ਤੱਕ ਡੇਟਿੰਗ ਕਰਨ ਤੋਂ ਬਾਅਦ ਕਰਨ ਪਟੇਲ ਨੇ 3 ਮਈ 2015 ਤੋਂ ਅੰਕਿਤਾ ਭਾਰਗਵ ਨਾਲ ਧੂਮਧਾਮ ਨਾਲ ਵਿਆਹ ਰਚਾਇਆ। ਵਿਆਹ ਤੋਂ 4 ਸਾਲ ਬਾਅਦ 14 ਦਸੰਬਰ 2019 ਨੂੰ ਪਹਿਲੀ ਵਾਰ ਜੋੜੇ ਨੇ ਮਾਤਾ-ਪਿਤਾ ਬਣਨ ਦਾ ਸੁੱਖ ਪ੍ਰਾਪਤ ਹੋਇਆ ਸੀ। ਅੰਕਿਤਾ ਨੇ ਇਕ ਪਿਆਰੀ ਜਿਹੀ ਧੀ ਨੂੰ ਜਨਮ ਦਿੱਤਾ ਜਿਸ ਦਾ ਨਾਂ ਦੋਵਾਂ ਨੇ ਮੇਹਰ ਰੱਖਿਆ ਹੈ।
