ਕਰਿਸ਼ਮਾ ਕਪੂਰ ਵਧਦੀ ਉਮਰ ਨੂੰ ਇੰਝ ਦਿੰਦੀ ਹੈ ਮਾਤ, ਐਂਟੀ ਏਜਿੰਗ ਲਈ ਲੈਂਦੀ ਹੈ ਇਹ ਡਾਈਟ
06/25/2021 10:19:32 AM
ਮੁੰਬਈ (ਬਿਊਰੋ) - ਬਾਲੀਵੁੱਡ ਦੀ ਖੂਬਸੂਰਤ ਅਤੇ ਆਕਰਸ਼ਕ ਅਦਾਕਾਰਾ ਕਰਿਸ਼ਮਾ ਕਪੂਰ ਕੁਝ ਦਿਨਾਂ ਬਾਅਦ 47 ਸਾਲ ਦੀ ਹੋ ਜਾਵੇਗੀ। ਕਰਿਸ਼ਮਾ ਨੂੰ ਫ਼ਿਲਮ ਇੰਡਸਟਰੀ 'ਚ 'ਲੋਲੋ' ਦੇ ਨਾਂ ਨਾਲ ਵੀ ਜਾਣਿਆ ਜਾਂਦਾ ਹੈ। ਉਹ ਭਾਵੇਂ ਫਿਲਹਾਲ ਫ਼ਿਲਮ ਇੰਡਸਟਰੀ 'ਚ ਜ਼ਿਆਦਾ ਸਰਗਰਮ ਨਹੀਂ ਹੈ ਪਰ ਉਹ ਹਮੇਸ਼ਾ ਸੋਸ਼ਲ ਮੀਡੀਆ 'ਤੇ ਆਪਣੇ ਫੈਨਸ ਨਾਲ ਜੁੜੀ ਰਹਿੰਦੀ ਹੈ।
ਕਰਿਸ਼ਮਾ ਕਪੂਰ ਨੂੰ ਫੈਸ਼ਨ ਅਤੇ ਫਿੱਟਨੈੱਸ ਲਈ ਪਸੰਦ ਕੀਤਾ ਜਾਂਦਾ ਹੈ। ਉਮਰ ਵਧਣ ਤੋਂ ਬਾਅਦ ਵੀ ਕਰਿਸ਼ਮਾ ਕਪੂਰ ਆਪਣੇ ਆਕਰਸ਼ਕ ਚਿਹਰੇ ਅਤੇ ਸੁੰਦਰ ਫਿੱਗਰ ਨੂੰ ਬਹੁਤ ਚੰਗੀ ਤਰ੍ਹਾਂ ਸੰਭਾਲਦੀ ਹੈ। ਕਰਿਸ਼ਮਾ ਕਪੂਰ ਆਪਣੇ ਆਪ ਨੂੰ ਤੰਦਰੁਸਤ ਅਤੇ ਸਿਹਤਮੰਦ ਰੱਖਣ ਲਈ ਬਹੁਤ ਚੰਗੀ ਖੁਰਾਕ ਦੀ ਪਾਲਣਾ ਕਰਦੀ ਹੈ।
ਦੱਸ ਦਈਏ ਕਿ ਕਰਿਸ਼ਮਾ ਕਪੂਰ ਰੋਜ਼ਾਨਾ ਨਿਯਮਤ ਰੂਪ ਵਿਚ ਯੋਗਾ ਕਰਨ ਅਤੇ ਵੋਕ ਵਿਚ ਵਿਸ਼ਵਾਸ ਰੱਖਦੀ ਹੈ। ਕਰਿਸ਼ਮਾ ਫਲਾਂ ਦੀ ਬਹੁਤ ਸ਼ੌਕੀਨ ਹੈ। ਖਾਸ ਕਰਕੇ ਉਹ ਫਲ ਜੋ ਐਂਟੀ ਆਕਸੀਡੈਂਟਾਂ ਨਾਲ ਭਰਪੂਰ ਹੁੰਦੇ ਹਨ, ਜੋ ਸਰੀਰ ਨੂੰ ਗਰਮੀ ਦੇ ਨੁਕਸਾਨ ਤੋਂ ਬਚਾਉਂਦੇ ਹਨ।
ਕਰਿਸ਼ਮਾ ਆਪਣੇ ਚਿਹਰੇ ਦੀ ਚਮਕ ਵਧਾਉਣ ਲਈ ਕੁਦਰਤੀ ਸਕ੍ਰੱਬ ਅਪਲਾਈ ਕਰਦੀ ਹੈ। ਇਸ ਦੇ ਲਈ ਉਹ ਬਰਾਊਨ ਸ਼ੂਗਰ ਅਤੇ ਜੈਤੂਨ ਦਾ ਤੇਲ ਲਗਾਉਂਦੀ ਹੈ। ਫਿਰ ਬਰਾਬਰ ਮਾਤਰਾ ਵਿਚ ਚੀਨੀ ਅਤੇ ਤੇਲ ਲੈਂਦੀ ਹੈ। ਇਨ੍ਹਾਂ ਸਭ ਨੂੰ ਚੰਗੀ ਤਰ੍ਹਾਂ ਮਿਕਸ ਕਰਕੇ ਉਹ ਇਸ ਨੂੰ ਆਪਣੇ ਚਿਹਰੇ 'ਤੇ ਲਗਾਉਂਦੀ ਹੈ।
