ਬਹੁਤ ਆਲੀਸ਼ਾਨ ਹੈ ਕਰੀਨਾ ਕਪੂਰ ਦਾ ਮੁੰਬਈ ਵਾਲਾ ਬੰਗਲਾ, ਵੇਖੋ ਅੰਦਰਲੀਆਂ ਖ਼ੂਬਸੂਰਤ ਤਸਵੀਰਾਂ
Sunday, Oct 09, 2022 - 12:41 PM (IST)
ਮੁੰਬਈ (ਬਿਊਰੋ) : ਬਾਲੀਵੁੱਡ ਦੀ ਬੇਬੋ ਕਰੀਨਾ ਕਪੂਰ ਖੂਬਸੂਰਤੀ ਦੇ ਨਾਲ-ਨਾਲ ਬਿਹਤਰੀਨ ਕੰਮ ਲਈ ਵੀ ਜਾਣੀ ਜਾਂਦੀ ਹੈ। ਕਰੀਨਾ ਕਪੂਰ ਖ਼ਾਨ ਸੋਸ਼ਲ ਮੀਡੀਆ 'ਤੇ ਕਾਫ਼ੀ ਸਰਗਰਮ ਰਹਿੰਦੀ ਹੈ ਅਤੇ ਅਕਸਰ ਆਪਣੀਆਂ ਤਸਵੀਰਾਂ ਅਤੇ ਵੀਡੀਓਜ਼ ਇੰਸਟਾਗ੍ਰਾਮ 'ਤੇ ਪ੍ਰਸ਼ੰਸਕਾਂ ਨਾਲ ਸ਼ੇਅਰ ਕਰਦੀ ਰਹਿੰਦੀ ਹੈ।
ਹਾਲ ਹੀ 'ਚ ਕਰੀਨਾ ਨੇ ਇਕ ਵੀਡੀਓ ਸ਼ੇਅਰ ਕੀਤੀ ਹੈ, ਜਿਸ 'ਚ ਕਰੀਨਾ ਨੇ ਇਕ ਵਾਰ ਫਿਰ ਤੋਂ ਆਪਣੇ ਨਵੇਂ ਘਰ ਦੀ ਝਲਕ ਦਿਖਾਈ ਹੈ।
ਕਰੀਨਾ ਮੁੰਬਈ ਦੇ ਬਾਂਦਰਾ 'ਚ ਇਕ ਲਗਜ਼ਰੀ ਅਪਾਰਟਮੈਂਟ 'ਚ ਰਹਿੰਦੀ ਹੈ। ਕਰੀਨਾ ਕਪੂਰ ਦਾ ਨਵਾਂ ਘਰ 4 ਮੰਜ਼ਿਲਾ ਇਮਾਰਤ ਵਾਲਾ 3BHK ਫਲੈਟ ਹੈ। ਇਸ ਦਾ ਨਾਂ ਫਾਰਚਿਊਨ ਹਾਈਟਸ ਹੈ।
ਰਸੋਈ ਦੀ ਗੱਲ ਕਰੀਏ ਤਾਂ ਬੇਬੋ ਨੇ ਆਪਣੀ ਰਸੋਈ ਨੂੰ ਯੂਰਪ ਸਟਾਈਲ 'ਚ ਡਿਜ਼ਾਈਨ ਕੀਤਾ ਹੈ।
ਪੂਰੇ ਘਰ ਦੀ ਕੀਮਤ 12 ਤੋਂ 14 ਕਰੋੜ ਰੁਪਏ ਹੈ। ਉਸ ਨੇ ਆਪਣਾ ਘਰ ਦਰਸ਼ਨੀ ਸ਼ਾਹ ਦੁਆਰਾ ਡਿਜ਼ਾਈਨ ਕਰਵਾਇਆ ਹੈ, ਜਿਥੇ ਸਾਰੀਆਂ ਸਹੂਲਤਾਂ ਦਾ ਧਿਆਨ ਰੱਖਿਆ ਗਿਆ ਹੈ।
ਬੇਬੋ ਦੇ ਘਰ ਦੇ ਨਾਲ-ਨਾਲ ਉਸ ਦੀ ਬਾਲਕੋਨੀ ਵੀ ਬਹੁਤ ਖੂਬਸੂਰਤ ਹੈ, ਜਿਸ 'ਚ ਉਹ ਅਕਸਰ ਯੋਗਾ ਕਰਦੀ ਨਜ਼ਰ ਆਉਂਦੀ ਹੈ।
ਇਸ ਦੇ ਨਾਲ ਹੀ ਕਰੀਨਾ ਕਪੂਰ ਖ਼ਾਨ ਦੇ ਘਰ 'ਚ ਇਕੱਠੇ ਹੋਣ ਲਈ ਇੱਕ ਵੱਡਾ ਡਾਇਨਿੰਗ ਏਰੀਆ ਵੀ ਹੈ ਅਤੇ ਘਰ ਦੀ ਛੱਤ 'ਤੇ ਇੱਕ ਸਵੀਮਿੰਗ ਪੂਲ ਵੀ ਹੈ।
ਇਸ ਦੇ ਨਾਲ ਹੀ ਘਰ 'ਚ ਇੱਕ ਵੱਡੀ ਲਾਇਬ੍ਰੇਰੀ ਵੀ ਬਣਾਈ ਗਈ ਹੈ, ਜਿੱਥੇ ਸੈਫ ਅਲੀ ਖ਼ਾਨ ਨੂੰ ਕਈ ਵਾਰ ਕਿਤਾਬਾਂ ਪੜ੍ਹਦੇ ਦੇਖਿਆ ਗਿਆ ਹੈ।
ਨੋਟ - ਇਸ ਖ਼ਬਰ ਸਬੰਧੀ ਤੁਹਾਡੀ ਕੀ ਹੈ ਰਾਏ, ਕੁਮੈਂਟ ਕਰਕੇ ਜ਼ਰੂਰ ਦੱਸੋ।
