ਕੰਗਨਾ ਨੇ ਬਾਲੀਵੁੱਡ ਦੀਆਂ ਦਿੱਗਜ ਅਦਾਕਾਰਾਂ ’ਤੇ ਕੀਤੀ ਟਿੱਪਣੀ, ਕਿਹਾ- ‘ਮੈਨੂੰ ਲੈ ਕੇ ਅਜਿਹੀ ਸਾਜ਼ਿਸ਼ ਕਿਉਂ’

04/02/2021 1:17:48 PM

ਮੁੰਬਈ (ਬਿਊਰੋ)– ਬਾਲੀਵੁੱਡ ਅਦਾਕਾਰਾ ਕੰਗਨਾ ਰਣੌਤ ਆਪਣੀ ਅਗਲੀ ਫ਼ਿਲਮ ‘ਥਲਾਇਵੀ’ ਨੂੰ ਲੈ ਕੇ ਕਾਫੀ ਰੁੱਝੀ ਹੋਈ ਹੈ ਪਰ ਇਸ ਵਿਚਾਲੇ ਉਹ ਟਵਿਟਰ ’ਤੇ ਵੀ ਸਰਗਰਮ ਰਹਿੰਦੀ ਹੈ। ਹੁਣ ਇਕ ਵਾਰ ਮੁੜ ਕੰਗਨਾ ਨੇ ਨਵਾਂ ਟਵੀਟ ਕੀਤਾ ਹੈ ਤੇ ਇਸ ’ਚ ਉਸ ਨੇ ਕੋਈ ਸਲਾਹ ਨਹੀਂ ਦਿੱਤੀ ਹੈ, ਸਗੋਂ ਇਕ ਸਵਾਲ ਚੁੱਕਿਆ ਹੈ।

ਕੰਗਨਾ ਨੇ ਸਵਾਲ ਕੀਤਾ ਹੈ ਕਿ ਬਾਲੀਵੁੱਡ ’ਚ ਕੋਈ ਇਕ ਅਦਾਕਾਰਾ ਅਜਿਹੀ ਨਹੀਂ ਹੈ, ਜਿਸ ਦਾ ਉਸ ਨੇ ਸਾਥ ਨਹੀਂ ਦਿੱਤਾ ਪਰ ਉਸ ਦੇ ਸਮਰਥਨ ’ਚ ਉਨ੍ਹਾਂ ’ਚੋਂ ਕੋਈ ਵੀ ਅੱਗੇ ਨਹੀਂ ਆਈ, ਅਜਿਹਾ ਕਿਉਂ? ਕੰਗਨਾ ਦੇ ਇਸ ਟਵੀਟ ਕਰਕੇ ਜਿਥੇ ਕਈ ਲੋਕ ਸਵਾਲ ਚੁੱਕ ਰਹੇ ਹਨ, ਉਥੇ ਕਈ ਇਸ ਦਾ ਵਿਰੋਧ ਵੀ ਕਰ ਰਹੇ ਹਨ।

ਕੰਗਨਾ ਨੇ ਟਵੀਟ ਕੀਤਾ, ‘ਇਸ ਗੱਲ ਦਾ ਸਬੂਤ ਹੈ ਕਿ ਬਾਲੀਵੁੱਡ ਦੀ ਕੋਈ ਇਕ ਅਦਾਕਾਰਾ ਵੀ ਅਜਿਹੀ ਨਹੀਂ ਹੈ, ਜਿਸ ਦਾ ਮੈਂ ਸਮਰਥਨ ਨਹੀਂ ਕੀਤਾ ਪਰ ਉਨ੍ਹਾਂ ’ਚੋਂ ਕਿਸੇ ਇਕ ਨੇ ਵੀ ਮੇਰਾ ਸਮਰਥਨ ਤੇ ਸਾਥ ਨਹੀਂ ਦਿੱਤਾ, ਕੀ ਤੁਸੀਂ ਕਦੇ ਸੋਚਿਆ ਕਿ ਅਜਿਹਾ ਕਿਉਂ ਹੈ? ਉਹ ਮੇਰੀ ਵਾਰੀ ਇਕੋ ਜਿਹੀਆਂ ਕਿਉਂ ਹੋ ਜਾਂਦੀਆਂ ਹਨ? ਮੈਨੂੰ ਲੈ ਕੇ ਅਜਿਹੀ ਸਾਜ਼ਿਸ਼ ਕਿਉਂ? ਸੋਚੋ ਜ਼ਰਾ।’

ਅਸਲ ’ਚ ਕੰਗਨਾ ਦੇ ਫੈਨ ਪੇਜ ਨੇ ਇਕ ਵੀਡੀਓ ਸਾਂਝੀ ਕੀਤੀ ਸੀ। ਇਸ ਵੀਡੀਓ ’ਚ ਕੰਗਨਾ ਸਾਰੀਆਂ ਅਦਾਕਾਰਾਂ ਦੀ ਸ਼ਾਨਦਾਰ ਅਭਿਨੈ ਲਈ ਤਾਰੀਫ਼ ਕਰ ਰਹੀ ਹੈ। ਇਸ ’ਚ ਕੰਗਨਾ ਆਲੀਆ ਭੱਟ, ਕਰੀਨਾ ਕਪੂਰ ਤੋਂ ਲੈ ਕੇ ਅਨੁਸ਼ਕਾ ਤੇ ਕੈਟਰੀਨਾ ਤਕ ਦੀ ਤਾਰੀਫ਼ ਕਰਦੀ ਨਜ਼ਰ ਆ ਰਹੀ ਹੈ ਤੇ ਇਸ ਟਵੀਟ ’ਚ ਸਵਾਲ ਕੀਤਾ ਗਿਆ ਸੀ ਕਿ ਕੋਈ ਕੰਗਨਾ ਦੀ ਤਾਰੀਫ਼ ਕਿਉਂ ਨਹੀਂ ਕਰਦਾ? ਜਿਸ ਤੋਂ ਬਾਅਦ ਜਵਾਬ ’ਚ ਕੰਗਨਾ ਨੇ ਇਕ ਟਵੀਟ ਕੀਤਾ ਸੀ।

ਨੋਟ– ਕੰਗਨਾ ਦੇ ਇਸ ਟਵੀਟ ’ਤੇ ਆਪਣੀ ਰਾਏ ਕੁਮੈਂਟ ਕਰਕੇ ਜ਼ਰੂਰ ਸਾਂਝੀ ਕਰੋ।


Rahul Singh

Content Editor

Related News