ਨਿਰਮਾਤਾ ਨੇ ਕਲਕੀ ਕੋਚਲਿਨ ਤੋਂ ਕੀਤੀ ਸੀ ਅਜਿਹੀ ਡਿਮਾਂਡ, ਅਦਾਕਾਰਾ ਨੇ ਦਿੱਤਾ ਢੁੱਕਵਾਂ ਜਵਾਬ

Wednesday, Mar 26, 2025 - 06:40 PM (IST)

ਨਿਰਮਾਤਾ ਨੇ ਕਲਕੀ ਕੋਚਲਿਨ ਤੋਂ ਕੀਤੀ ਸੀ ਅਜਿਹੀ ਡਿਮਾਂਡ, ਅਦਾਕਾਰਾ ਨੇ ਦਿੱਤਾ ਢੁੱਕਵਾਂ ਜਵਾਬ

ਐਂਟਰਟੇਨਮੈਂਟ ਡੈਸਕ- ਆਪਣੀ ਸੁੰਦਰਤਾ ਨੂੰ ਬਣਾਈ ਰੱਖਣ ਲਈ ਬਹੁਤ ਸਾਰੀਆਂ ਬਾਲੀਵੁੱਡ ਅਭਿਨੇਤਰੀਆਂ ਪਲਾਸਟਿਕ ਸਰਜਰੀ, ਬੋਟੌਕਸ ਅਤੇ ਫਿਲਰ ਵਰਗੇ ਉਪਾਅ ਅਪਣਾਉਂਦੀਆਂ ਹਨ। ਪਰ, ਬਾਲੀਵੁੱਡ ਅਦਾਕਾਰਾ ਕਲਕੀ ਕੋਚਲਿਨ ਦੀ ਇਨ੍ਹਾਂ ਗੱਲਾਂ ਬਾਰੇ ਵੱਖਰੀ ਰਾਏ ਹੈ। ਹਾਲ ਹੀ ਵਿੱਚ, ਇੱਕ ਇੰਟਰਵਿਊ ਦੌਰਾਨ, ਉਸਨੇ ਖੁਲਾਸਾ ਕੀਤਾ ਕਿ ਇੱਕ ਨਿਰਮਾਤਾ ਨੇ ਉਸਨੂੰ ਬੋਟੌਕਸ ਅਤੇ ਫਿਲਰ ਕਰਵਾਉਣ ਦੀ ਸਲਾਹ ਦਿੱਤੀ ਸੀ, ਪਰ ਕਲਕੀ ਨੇ ਇਸ ਤੋਂ ਇਨਕਾਰ ਕਰ ਦਿੱਤਾ ਅਤੇ ਆਪਣੇ ਵਿਚਾਰ ਪ੍ਰਗਟ ਕੀਤੇ।

ਇੱਕ ਪੋਡਕਾਸਟ 'ਤੇ ਗੱਲ ਕਰਦੇ ਹੋਏ ਕਲਕੀ ਨੇ ਕਿਹਾ, 'ਇੱਕ ਨਿਰਮਾਤਾ ਨੇ ਮੈਨੂੰ ਆਪਣੀ ਸਾਬਕਾ ਪ੍ਰੇਮਿਕਾ ਦੇ ਬੋਟੋਕਸ ਕਰਵਾਉਣ ਬਾਰੇ ਦੱਸਿਆ ਅਤੇ ਫਿਰ ਮੈਨੂੰ ਵੀ ਅਜਿਹਾ ਕਰਨ ਲਈ ਕਿਹਾ। ਅਦਾਕਾਰਾ ਨੇ ਕਿਹਾ ਉਸ ਸਮੇਂ ਅਸੀਂ ਦੁਪਹਿਰ ਦਾ ਖਾਣਾ ਖਾ ਰਹੇ ਸੀ, ਇਹ ਗੱਲ ਸੁਣ ਕੇ ਮੈਂ ਉਸਨੂੰ ਕਾਂਟਾ ਚਮਚ ਨਾਲ ਮਾਰਨਾ ਚਾਹੁੰਦੀ ਸੀ ਪਰ ਮੈਂ ਖੁਦ ਨੂੰ ਰੋਕ ਲਿਆ ਅਤੇ ਇਸ ਤੋਂ ਇਨਕਾਰ ਕਰ ਦਿੱਤਾ। 

ਕਲਕੀ ਨੇ ਇਹ ਵੀ ਕਿਹਾ ਕਿ ਇਹ ਪਲ ਉਸ ਲਈ ਇੱਕ ਵੱਡਾ ਝਟਕਾ ਸੀ ਕਿਉਂਕਿ ਉਹ ਪਹਿਲਾਂ ਹੀ ਜਾਣਦੀ ਸੀ ਕਿ ਇਹ ਦਬਾਅ ਨਵੀਂ ਪੀੜ੍ਹੀ 'ਤੇ ਪਾਇਆ ਜਾਂਦਾ ਹੈ। ਅਦਾਕਾਰ ਨੇ ਕਿਹਾ ਮੈਨੂੰ ਲੱਗਦਾ ਹੈ ਕਿ ਜਦੋਂ ਮੈਂ 30 ਸਾਲਾਂ ਦਾ ਸੀ ਤਾਂ ਮੈਂ ਇਸਨੂੰ ਇੰਨੀ ਗੰਭੀਰਤਾ ਨਾਲ ਨਹੀਂ ਲੈਂਦੀ ਸੀ, ਪਰ ਜੋ 20 ਸਾਲ ਦੇ ਬੱਚੇ ਹਨ, ਉਨ੍ਹਾਂ ਨੂੰ ਦਬਾਅ ਮਹਿਸੂਸ ਹੋ ਰਿਹਾ ਹੈ ਕਿ ਉਨ੍ਹਾਂ ਦਾ ਚਿਹਰਾ ਬਦਲਣਾ ਚਾਹੀਦਾ ਹੈ।

ਕਲਕੀ ਨੇ ਅੱਗੇ ਕਿਹਾ ਕਿ ਉਹ ਆਪਣੀਆਂ ਝੁਰੜੀਆਂ ਨਾਲ ਸਹਿਜ ਹੈ ਅਤੇ ਇਸਨੂੰ ਆਪਣੀ ਉਮਰ ਦਾ ਹਿੱਸਾ ਮੰਨਦੀ ਹੈ। ਉਸਨੇ ਕਿਹਾ, 'ਹੁਣ ਮੈਨੂੰ ਆਪਣੀ ਉਮਰ ਦੇ ਨਾਲ ਰਹਿਣ ਦਾ ਤਰੀਕਾ ਅਪਣਾਉਣਾ ਪਵੇਗਾ। ਮੈਂ ਆਪਣੇ ਚਿਹਰੇ ਵਿੱਚ ਕੋਈ ਬਦਲਾਅ ਨਹੀਂ ਕਰਨਾ ਚਾਹੁੰਦੀ, ਇਸ ਲਈ ਮੈਂ ਆਪਣੀਆਂ ਝੁਰੜੀਆਂ ਤੋਂ ਖੁਸ਼ ਹਾਂ।' 


author

cherry

Content Editor

Related News