ਕਾਜੋਲ-ਰਾਣੀ ਮੁਖਰਜੀ ਨੇ ਲਗਾਇਆ ਮਾਂ ਦੁਰਗਾ ਦਾ ਪੰਡਾਲ, ਇਨ੍ਹਾਂ ਮਸ਼ਹੂਰ ਹਸਤੀਆਂ ਨੇ ਵੀ ਲਗਵਾਈ ਹਾਜ਼ਰੀ
Thursday, Oct 10, 2024 - 08:26 PM (IST)
ਮੁੰਬਈ- ਪਿਛਲੇ ਕਈ ਸਾਲਾਂ ਤੋਂ ਕਾਜੋਲ ਜੁਹੂ ਵਿੱਚ ਆਪਣਾ ਦੁਰਗਾ ਪੂਜਾ ਪੰਡਾਲ ਲਗਾ ਰਹੀ ਹੈ। ਜਿਸ ਨੂੰ ਉੱਤਰੀ ਬੰਬਈ ਸਰਬੋਜਨੀਨ ਦੁਰਗਾ ਪੂਜਾ ਵਜੋਂ ਜਾਣਿਆ ਜਾਂਦਾ ਹੈ। ਹਾਲਾਂਕਿ, ਇਸ ਸਾਲ ਕਾਜੋਲ ਅਤੇ ਰਾਣੀ ਮੁਖਰਜੀ ਨੇ ਮਿਲ ਕੇ ਜੁਹੂ ਵਿੱਚ ਐੱਸ.ਐੱਨ.ਡੀ.ਟੀ. (SNDT) ਮਹਿਲਾ ਯੂਨੀਵਰਸਿਟੀ ਦੇ ਕੋਲ ਇੱਕ ਦੁਰਗਾ ਪੂਜਾ ਪੰਡਾਲ ਦਾ ਆਯੋਜਨ ਕੀਤਾ।
ਇਸ ਪ੍ਰੋਗਰਾਮ 'ਚ ਬਾਲੀਵੁੱਡ ਦੇ ਕਈ ਸਿਤਾਰਿਆਂ ਨੇ ਸ਼ਿਰਕਤ ਕੀਤੀ।
ਤੁਹਾਨੂੰ ਦੱਸ ਦੇਈਏ ਕਿ ਕਾਜੋਲ ਅਤੇ ਰਾਣੀ ਮੁਖਰਜੀ ਦਾ ਪਰਿਵਾਰ ਉੱਤਰੀ ਬਾਂਬੇ ਦੇ ਸਰਬੋਜਨੀਨ ਦੁਰਗਾ ਪੂਜਾ ਪੰਡਾਲ ਦਾ ਪ੍ਰਬੰਧਨ ਕਰਦਾ ਹੈ।
ਹਰ ਸਾਲ ਚਚੇਰੇ ਭਰਾ ਦੁਰਗਾ ਮੂਰਤੀ ਦਾ ਸੁਆਗਤ ਕਰਦੇ ਹਨ ਅਤੇ ਆਪਣੇ ਪਰਿਵਾਰ ਤੇ ਸ਼ਹਿਰ ਦੇ ਬਾਕੀ ਲੋਕਾਂ ਦੀ ਮੇਜ਼ਬਾਨੀ ਕਰਦੇ ਹਨ। ਟਿਊਲਿਪ ਸਟਾਰ ਹੋਟਲ ਵਿੱਚ ਹਰ ਸਾਲ ਦੀ ਤਰ੍ਹਾਂ ਪੰਡਾਲ ਦਾ ਆਯੋਜਨ ਕੀਤਾ ਗਿਆ।
ਹਾਲਾਂਕਿ, ਪ੍ਰੋਪਰਟੀ ਵਿਕਣ ਕਾਰਨ ਪਰਿਵਾਰ ਨੇ ਇਸ ਸਾਲ ਪ੍ਰੋਗਰਾਮ ਨੂੰ ਜੁਹੂ ਸਥਿਤ ਐੱਸ.ਐੱਨ.ਡੀ.ਟੀ. ਮਹਿਲਾ ਯੂਨੀਵਰਸਿਟੀ ਦੇ ਮੈਦਾਨ ਵਿੱਚ ਤਬਦੀਲ ਕਰ ਦਿੱਤਾ।
ਜਯਾ ਬੱਚਨ ਤੋਂ ਇਲਾਵਾ ਹਰ ਸਾਲ ਸੁਮੋਨਾ ਚੱਕਰਵਰਤੀ, ਵਤਸਲ ਸੇਠ, ਇਸ਼ਿਤਾ ਦੱਤਾ, ਤਨੀਸ਼ਾ ਮੁਖਰਜੀ ਅਤੇ ਸ਼ਰਵਰੀ ਸਮੇਤ ਕਈ ਮਸ਼ਹੂਰ ਹਸਤੀਆਂ ਮਾਂ ਦੇ ਦਰਸ਼ਨਾਂ ਲਈ ਪੰਡਾਲ 'ਚ ਆਉਂਦੇ ਹਨ।
