ਜਾਵੇਦ ਅਖਤਰ ਦੇ ਟਵੀਟ ’ਤੇ ਹੰਗਾਮਾ, ਰਾਹੁਲ ਗਾਂਧੀ ਨੂੰ ਪੀ. ਐੱਮ. ਵਜੋਂ ਦੇਖਣ ਵਾਲਿਆਂ ਨੂੰ ਦਿੱਤਾ ਜਵਾਬ

ਮੁੰਬਈ (ਬਿਊਰੋ)– ਬਾਲੀਵੁੱਡ ਦੇ ਮਸ਼ਹੂਰ ਲੇਖਕ ਜਾਵੇਦ ਅਖਤਰ ਦੇ ਇਕ ਟਵੀਟ ਨੇ ਸੋਸ਼ਲ ਮੀਡੀਆ ’ਤੇ ਹੰਗਾਮਾ ਖੜ੍ਹਾ ਕਰ ਦਿੱਤਾ ਹੈ। ਜਾਵੇਦ ਅਖਤਰ ਨੇ ਇਹ ਟਵੀਟ ਕਾਂਗਰਸੀ ਨੇਤਾ ਸਲਮਾਨ ਖੁਰਸ਼ੀਦ ਨੂੰ ਸੰਬੋਧਨ ਕਰਦਿਆਂ ਕੀਤਾ ਹੈ ਤੇ ਇਸ ’ਚ ਉਨ੍ਹਾਂ ਨੇ ਸਿੱਧੇ ਤੌਰ ’ਤੇ ਰਾਹੁਲ ਗਾਂਧੀ ਨੂੰ ਨਿਸ਼ਾਨਾ ਬਣਾਇਆ ਹੈ।

ਜਾਵੇਦ ਅਖਤਰ ਨੇ ਰਾਹੁਲ ਗਾਂਧੀ ਨੂੰ ਭਾਰਤ ਦੇ ਪ੍ਰਧਾਨ ਮੰਤਰੀ ਵਜੋਂ ਪੂਰੀ ਤਰ੍ਹਾਂ ਰੱਦ ਕਰ ਦਿੱਤਾ ਹੈ ਤੇ ਪ੍ਰਧਾਨ ਮੰਤਰੀ ਵਜੋਂ ਨਰਿੰਦਰ ਮੋਦੀ ਦੀ ਨਿਰੰਤਰਤਾ ਲਈ ਵੀ ਆਪਣਾ ਪੱਖ ਰੱਖਿਆ ਹੈ। ਇਸ ਤਰ੍ਹਾਂ ਉਨ੍ਹਾਂ ਦਾ ਟਵੀਟ ਸੋਸ਼ਲ ਮੀਡੀਆ ’ਤੇ ਕਾਫ਼ੀ ਪੜ੍ਹਿਆ ਜਾ ਰਿਹਾ ਹੈ।

Mr Salman Khurshid , your oxymoron “ king of democracy” is utterly pathetic. Rahul Gandhi can at best be acceptable as one of the Opposition leaders but any one who fantasizes RG as PM is doing his best to keep Mr Modi as prime minister of India forever.

— Javed Akhtar (@Javedakhtarjadu) May 24, 2021

ਜਾਵੇਦ ਅਖਤਰ ਨੇ ਆਪਣੇ ਟਵੀਟ ’ਚ ਲਿਖਿਆ, ‘ਸ਼੍ਰੀਮਾਨ ਸਲਮਾਨ ਖੁਰਸ਼ੀਦ, ‘ਲੋਕਤੰਤਰ ਦੇ ਰਾਜੇ’ ਨਾਲ ਭਰਪੂਰ ਤੁਹਾਡੇ ਵਿਪਰੀਤ ਬਿਲਕੁਲ ਤਰਸਯੋਗ ਹਨ। ਰਾਹੁਲ ਗਾਂਧੀ ਸ਼ਾਇਦ ਇਕ ਵਿਰੋਧੀ ਧਿਰ ਦੇ ਨੇਤਾ ਵਜੋਂ ਸਵੀਕਾਰ ਹੋਣਗੇ ਪਰ ਜਿਹੜਾ ਵੀ ਰਾਹੁਲ ਗਾਂਧੀ ਨੂੰ ਪ੍ਰਧਾਨ ਮੰਤਰੀ ਵਜੋਂ ਦੇਖਦਾ ਹੈ, ਉਹ ਸ਼੍ਰੀ ਮੋਦੀ ਨੂੰ ਸਦਾ ਲਈ ਭਾਰਤ ਦੇ ਪ੍ਰਧਾਨ ਮੰਤਰੀ ਵਜੋਂ ਬਰਕਰਾਰ ਰੱਖਣ ਦੀ ਪੂਰੀ ਕੋਸ਼ਿਸ਼ ਕਰ ਰਿਹਾ ਹੈ।’

The once and future king of democracy. pic.twitter.com/UwpCabdgwm

— Salman Khurshid (@salman7khurshid) May 21, 2021

ਤੁਹਾਨੂੰ ਦੱਸ ਦੇਈਏ ਕਿ 21 ਮਈ ਨੂੰ ਸਲਮਾਨ ਖੁਰਸ਼ੀਦ ਨੇ ਦੋ ਤਸਵੀਰਾਂ ਸਾਂਝੀਆਂ ਕੀਤੀਆਂ ਹਨ। ਇਹ ਤਸਵੀਰ ਮਰਹੂਮ ਰਾਜੀਵ ਗਾਂਧੀ ਤੇ ਕਾਂਗਰਸੀ ਨੇਤਾ ਰਾਹੁਲ ਗਾਂਧੀ ਦੀ ਸੀ। ਉਸ ਨੇ ਇਸ ਦੇ ਨਾਲ ਕੈਪਸ਼ਨ ’ਚ ਲਿਖਿਆ, ‘ਇਕ ਵਾਰ ਤੇ ਭਵਿੱਖ ਦੇ ਲੋਕਤੰਤਰ ਦਾ ਰਾਜਾ।’ ਇਸ ਲਈ ਜਾਵੇਦ ਅਖਤਰ ਨੇ ਇਸ ਪੋਸਟ ਜ਼ਰੀਏ ਸਲਮਾਨ ਖੁਰਸ਼ੀਦ ਦੀ ਉਸੇ ਪੋਸਟ ਦਾ ਜਵਾਬ ਦਿੱਤਾ ਹੈ।

ਨੋਟ– ਜਾਵੇਦ ਅਖਤਰ ਦੇ ਇਸ ਟਵੀਟ ਨੂੰ ਤੁਸੀਂ ਕਿਵੇਂ ਦੇਖਦੇ ਹੋ? ਕੁਮੈਂਟ ਕਰਕੇ ਜ਼ਰੂਰ ਦੱਸੋ।