ਆਈ. ਪੀ. ਐੱਸ. ਅਧਿਕਾਰੀ ਨੇ ਕੱਢੀ ਅਕਸ਼ੇ ਕੁਮਾਰ ਦੀ ਇਸ ਤਸਵੀਰ ’ਚੋਂ ਵੱਡੀ ਗਲਤੀ, ਕੀ ਤੁਸੀਂ ਕੀਤੀ ਨੋਟ?

ਮੁੰਬਈ (ਬਿਊਰੋ)– ਰੋਹਿਤ ਸ਼ੈੱਟੀ ਦੇ ਨਿਰਦੇਸ਼ਨ ’ਚ ਬਣੀ ਫ਼ਿਲਮ ‘ਸੂਰਿਆਵੰਸ਼ੀ’ ਇਸ ਸਾਲ ਦੇ ਅਖੀਰ ’ਚ ਰਿਲੀਜ਼ ਹੋਣ ਲਈ ਬਿਲਕੁਲ ਤਿਆਰ ਹੈ। ਅਕਸ਼ੇ ਕੁਮਾਰ ਨੇ ਫ਼ਿਲਮ ਦੀ ਰਿਲੀਜ਼ ਡੇਟ ਨੂੰ ਇਕ ਤਸਵੀਰ ਨਾਲ ਸਾਂਝਾ ਕੀਤਾ, ਜਿਸ ’ਚ ਫ਼ਿਲਮ ਦੇ ਨਿਰਦੇਸ਼ਕ ਨੂੰ ਉਨ੍ਹਾਂ ਦੇ ਸਿਨੇਮਾਈ ਯੂਨੀਵਰਸ ਦੇ ਤਿੰਨਾਂ ਪੁਲਸ ਵਾਲਿਆਂ ਨਾਲ ਦਿਖਾਇਆ ਗਿਆ ਹੈ। ਸੋਸ਼ਲ ਮੀਡੀਆ ’ਤੇ ਇਸ ਤਸਵੀਰ ਨੇ ਸਾਰਿਆਂ ਦਾ ਧਿਆਨ ਖਿੱਚਿਆ, ਉਥੇ ਹੁਣ ਇਸ ਤਸਵੀਰ ’ਤੇ ਆਈ. ਪੀ. ਐੱਸ. ਅਧਿਕਾਰੀ ਆਰ. ਕੇ. ਵਿਜ ਨੇ ਇਕ ਵੱਡੀ ਗਲਤੀ ਕੱਢੀ ਹੈ, ਜਿਸ ਤੋਂ ਬਾਅਦ ਅਕਸ਼ੇ ਕੁਮਾਰ ਨੇ ਵੀ ਆਈ. ਪੀ. ਐੱਸ. ਦੀ ਗੱਲ ਦਾ ਜਵਾਬ ਦਿੱਤਾ।

ਆਗਾਮੀ ਐਕਸ਼ਨ ਨਾਲ ਭਰਪੂਰ ਡਰਾਮਾ ਫ਼ਿਲਮ ਦੀ ਰਿਲੀਜ਼ ਡੇਟ ਬਾਰੇ ਗੱਲ ਕਰਦਿਆਂ ਅਕਸ਼ੇ ਕੁਮਾਰ ਨੇ ਆਪਣੇ ਸੋਸ਼ਲ ਮੀਡੀਆ ਹੈਂਡਲ ’ਤੇ ਸਾਥੀ ਕਲਾਕਾਰਾਂ ਤੇ ਫ਼ਿਲਮ ਦੇ ਨਿਰਦੇਸ਼ਕ ਨਾਲ ਇਕ ਤਸਵੀਰ ਸਾਂਝੀ ਕੀਤੀ ਸੀ। ਤਿੰਨੇ ਕਲਾਕਾਰ ਪੁਲਸ ਦੀ ਵਰਦੀ ਪਹਿਨੇ ਦਿਖਾਈ ਦਿੱਤੇ, ਜਿਸ ’ਚ ਰਣਵੀਰ ਸਿੰਘ ਇਕ ਟੇਬਲ ’ਤੇ ਬੈਠੇ ਸਨ ਤੇ ਅਜੇ ਦੇਵਗਨ, ਅਕਸ਼ੇ ਕੁਮਾਰ ਤੇ ਰੋਹਿਤ ਸ਼ੈੱਟੀ ਨਾਲ ਉਨ੍ਹਾਂ ਦੇ ਨਾਲ ਖੜ੍ਹੇ ਹਨ।

ਸੀਨੀਅਰ ਆਈ. ਪੀ. ਐੱਸ. ਅਧਿਕਾਰੀ ਆਰ. ਕੇ. ਵਿਜ ਨੇ ਜਦੋਂ ਤਸਵੀਰ ਦੇਖੀ ਤਾਂ ਉਨ੍ਹਾਂ ਨੇ ਇਸ ’ਤੇ ਪ੍ਰਤੀਕਿਰਿਆ ਦਿੰਦਿਆਂ ਕਿਹਾ ਕਿ ਇਹ ਕਾਨੂੰਨੀ ਮਰਿਆਦਾ ਮੁਤਾਬਕ ਨਹੀਂ ਹੈ। ਹਰਿਆਣਾ ਦੇ ਐੱਸ. ਐੱਸ. ਪੀ. ਡੀ. ਜੀ. ਪੀ. ਨੇ ਟਵੀਟ ਕੀਤਾ, ‘ਇੰਸਪੈਕਟਰ ਸਾਹਿਬ ਬੈਠੇ ਹਨ ਤੇ ਐੱਸ. ਪੀ. ਸਾਹਿਬ ਖੜ੍ਹੇ, ਅਜਿਹਾ ਨਹੀਂ ਹੁੰਦਾ ਹੈ ਜਨਾਬ।’

इंस्पेक्टर साहेब बैठे हैं (तन कर) और एस पी साहब खड़े, ऐसे नही होता है जनाब 😊 https://t.co/iIvElW9pxC

— RK Vij (@ipsvijrk) September 25, 2021

ਇਸ ਤੋਂ ਬਾਅਦ ਅਕਸ਼ੇ ਕੁਮਾਰ ਨੇ ਸਪੱਸ਼ਟ ਕੀਤਾ ਕਿ ਇਹ ਸਿਰਫ ਪਰਦੇ ਦੇ ਪਿੱਛੇ ਦੀ ਇਕ ਤਸਵੀਰ ਸੀ ਤੇ ਉਹ ਫ਼ਿਲਮ ਦੀ ਸ਼ੂਟਿੰਗ ਦੌਰਾਨ ਨਿਯਮਾਂ ਤੇ ਪ੍ਰੋਟੋਕਾਲ ਦਾ ਪਾਲਣ ਕਰਨ ਬਾਰੇ ਪੂਰਾ ਧਿਆਨ ਰੱਖਦੇ ਹਨ। ਅਦਾਕਾਰ ਨੇ ਅੱਗੇ ਲਿਖਿਆ, ‘ਸਾਡੇ ਮਹਾਨ ਪੁਲਸ ਬਲਾਂ ਲਈ ਹਮੇਸ਼ਾ ਲਈ ਆਦਰ। ਉਮੀਦ ਹੈ ਕਿ ਜਦੋਂ ਤੁਸੀਂ ਇਸ ਨੂੰ ਦੇਖੋਗੇ ਤਾਂ ਤੁਹਾਨੂੰ ਫ਼ਿਲਮ ਪਸੰਦ ਆਵੇਗੀ।’

जनाब ये तो Behind the Scenes फ़ोटो है। हम कलाकार लोगों के लिए जैसे ही कैमरा ऑन हुआ, एकदम protocol वापस 😊
Regards forever to our great police forces. Hope you like the film when you watch it.

— Akshay Kumar (@akshaykumar) September 26, 2021

ਅਕਸ਼ੇ ਦੇ ਟਵੀਟ ਤੋਂ ਬਾਅਦ ਆਈ. ਪੀ. ਐੱਸ. ਅਧਿਕਾਰੀ ਨੇ ਮੁੜ ਟਵੀਟ ਕੀਤਾ ਤੇ ਕਿਹਾ ਕਿ ਉਨ੍ਹਾਂ ਨੇ ਇਸ ਦਾ ਜ਼ਿਕਰ ਹਲਕੇ ਅੰਦਾਜ਼ ’ਚ ਕੀਤਾ ਸੀ। ਇਸ ਦੇ ਨਾਲ ਹੀ ਉਨ੍ਹਾਂ ਅਕਸ਼ੇ ਕੁਮਾਰ ਦੀ ਤਾਰੀਫ਼ ਕੀਤੀ ਤੇ ਕਿਹਾ ਕਿ ਉਹ ਜ਼ਰੂਰ ਇਹ ਫ਼ਿਲਮ ਦੇਖਣਗੇ।

Thank you for your response and respect you showed for the forces @akshaykumar😊 My comment was also in a lighter vein 😊 Will definitely watch the film 👍 https://t.co/LYv5IalTVL

— RK Vij (@ipsvijrk) September 26, 2021

ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।