ਅੱਜ ਮੁੰਬਈ 'ਚ 'ਮਿਸ ਵਰਲਡ' ਦਾ ਫਿਨਾਲੇ, 27 ਸਾਲ ਪਹਿਲਾਂ ਹੋਏ ਇਸ ਈਵੈਂਟ ਨੇ ਅਮਿਤਾਭ ਨੂੰ ਕਰ 'ਤਾ ਸੀ ਦੀਵਾਲੀਆ

ਮੁੰਬਈ (ਬਿਊਰੋ) - ਮਿਸ ਵਰਲਡ ਦੀ ਮੇਜ਼ਬਾਨੀ 28 ਸਾਲਾਂ ਬਾਅਦ ਭਾਰਤ ਵਾਪਸ ਆਈ ਹੈ। 9 ਮਾਰਚ ਯਾਨੀਕਿ ਅੱਜ ਦੁਨੀਆ ਦੀਆਂ ਨਜ਼ਰਾਂ ਭਾਰਤ 'ਤੇ ਹੋਣਗੀਆਂ ਕਿਉਂਕਿ 'ਮਿਸ ਵਰਲਡ 2023' ਦਾ ਫਿਨਾਲੇ ਅੱਜ ਸ਼ਾਮ ਮੁੰਬਈ ਦੇ 'ਜੀਓ ਵਰਲਡ ਕਨਵੈਨਸ਼ਨ ਸੈਂਟਰ' 'ਚ ਹੋਵੇਗਾ। 'ਫੈਮਿਨਾ ਮਿਸ ਇੰਡੀਆ 2022' ਦੀ ਜੇਤੂ ਸਿਨੀ ਸ਼ੈੱਟੀ ਭਾਰਤ ਵਲੋਂ ਪ੍ਰਤੀਨਿਧਤਾ ਕਰ ਰਹੀ ਹੈ। ਭਾਰਤ ਨੇ 27 ਸਾਲ ਪਹਿਲਾਂ ਬੈਂਗਲੁਰੂ 'ਚ ਇਸ ਮੁਕਾਬਲੇ ਦੀ ਮੇਜ਼ਬਾਨੀ ਕੀਤੀ ਸੀ ਅਤੇ ਆਯੋਜਕ ਅਮਿਤਾਭ ਬੱਚਨ ਕਾਰਪੋਰੇਸ਼ਨ ਲਿਮਿਟੇਡ (ABCL) ਲਈ ਇਹ ਬਹੁਤ ਵਧੀਆ ਅਨੁਭਵ ਨਹੀਂ ਸੀ।

ਅਮਿਤਾਭ ਨੂੰ ਜ਼ਿੰਦਗੀ ਦੇ ਸਭ ਤੋਂ ਮਾੜੇ ਦੌਰ 'ਚੋਂ ਪਿਆ ਗੁਜ਼ਰਨਾ 
5 ਦਹਾਕਿਆਂ ਤੋਂ ਸਿਨੇਮਾ ਦੀ ਦੁਨੀਆ 'ਚ ਸਰਗਰਮ ਅਮਿਤਾਭ ਬੱਚਨ ਸਿਨੇਮਾ ਦੀ ਦੁਨੀਆ 'ਚ ਇਕ ਵੱਡਾ ਨਾਂ ਹੈ। 70 ਦੇ ਦਹਾਕੇ ਤੋਂ 'ਲੈਂਬੂਜੀ', 'ਸ਼ਹਿਨਸ਼ਾਹ', 'ਬਿਗ ਬੀ' ਅਤੇ 'ਮਹਾਂਨਾਇਕ' ਵਰਗੇ ਕਈ ਨਾਂ ਅਤੇ ਖਿਤਾਬ ਪ੍ਰਾਪਤ ਹੋਏ ਹਨ ਪਰ ਇਹ ਸਫ਼ਰ ਬਿਲਕੁਲ ਵੀ ਆਸਾਨ ਨਹੀਂ ਸੀ। ਔਖੇ ਸੰਘਰਸ਼ਾਂ ਰਾਹੀਂ ਮਿਲੀ ਕਾਮਯਾਬੀ ਤੋਂ ਬਾਅਦ ਇੱਕ ਸਮਾਂ ਅਜਿਹਾ ਵੀ ਆਇਆ ਜਦੋਂ ਉਨ੍ਹਾਂ ਨੂੰ ਆਪਣੀ ਜ਼ਿੰਦਗੀ ਦੇ ਸਭ ਤੋਂ ਮਾੜੇ ਦੌਰ 'ਚੋਂ ਗੁਜ਼ਰਨਾ ਪਿਆ ਅਤੇ ਇਸ ਦਾ ਕਾਰਨ 'ਮਿਸ ਵਰਲਡ' ਦੀ ਮੇਜ਼ਬਾਨੀ ਸੀ।
ਵੀਰ ਸੰਘਵੀ ਦੁਆਰਾ ਦਿੱਤੇ ਗਏ ਇੱਕ ਇੰਟਰਵਿਊ 'ਚ ਅਮਿਤਾਭ ਨੇ ਸਾਂਝਾ ਕੀਤਾ ਸੀ ਕਿ ਉਨ੍ਹਾਂ ਨੂੰ ਭਾਰਤ 'ਚ 'ਮਿਸ ਵਰਲਡ' ਮੁਕਾਬਲੇ ਦੀ ਮੇਜ਼ਬਾਨੀ ਕਰਨ ਲਈ ਸ਼ੋਅ ਦਾ ਆਯੋਜਨ ਕਰਨ ਵਾਲੀ ਕੰਪਨੀ ਤੋਂ ਇੱਕ ਪੇਸ਼ਕਸ਼ ਮਿਲੀ ਸੀ ਅਤੇ ਉਹ ਹਾਂ ਕਹਿਣ ਲਈ ਘਬਰਾ ਗਏ ਸਨ ਕਿਉਂਕਿ ਸਾਡੇ ਕੋਲ ਮੁਕਾਬਲੇ ਦੇ ਆਯੋਜਨ ਲਈ ਸਿਰਫ਼ ਚਾਰ ਮਹੀਨੇ ਸਨ। ਹਾਂ ਕਹਿਣ ਤੋਂ ਪਹਿਲਾਂ ਮੈਂ ਆਪਣੀ ਕੰਪਨੀ ABCL 'ਚ ਆਪਣੀ ਟੀਮ ਨਾਲ ਗੱਲ ਕੀਤੀ ਪਰ ਅੱਗੇ ਜੋ ਹੋਇਆ, ਉਹ ਪੂਰੀ ਤਰ੍ਹਾਂ ਕਲਪਨਾ ਤੋਂ ਬਾਹਰ ਸੀ। ਬੈਂਗਲੁਰੂ ਸ਼ਹਿਰ 'ਚ 'ਮਿਸ ਵਰਲਡ' ਮੁਕਾਬਲਾ ਕਰਵਾਉਣ ਦਾ ਐਲਾਨ, ਕਰਨਾਟਕ 'ਚ ਦੋ ਤਰ੍ਹਾਂ ਦੀਆਂ ਹਰਕਤਾਂ ਸ਼ੁਰੂ ਹੋ ਗਈਆਂ। ਇੱਕ ਪਾਸੇ ਨਾਰੀਵਾਦੀ ਔਰਤਾਂ ਨੇ ਕਿਹਾ ਕਿ ਅਜਿਹੇ ਸੁੰਦਰਤਾ ਮੁਕਾਬਲੇ ਵੱਡੀ ਗਿਣਤੀ 'ਚ ਔਰਤਾਂ ਨੂੰ ਜ਼ਲੀਲ ਕਰਨ ਦੀ ਕੋਸ਼ਿਸ਼ ਹਨ। ਮਹਿਲਾ ਜਾਗਰਣ ਸੰਗਠਨ ਦੀ ਪ੍ਰਧਾਨ ਆਰ. ਸ਼ਸ਼ੀਕਲਾ ਨੇ ਧਮਕੀ ਦਿੱਤੀ ਕਿ ਜੇਕਰ ਅਸੀਂ ਮਿਸ ਵਰਲਡ ਨੂੰ ਰੋਕਣ 'ਚ ਅਸਫ਼ਲ ਰਹੇ ਤਾਂ ਅਸੀਂ ਖੁਦਕੁਸ਼ੀ ਕਰ ਲਵਾਂਗੇ। ਦੂਜੇ ਪਾਸੇ ਕੁਝ ਲੋਕਾਂ ਦਾ ਕਹਿਣਾ ਸੀ ਕਿ ਅਜਿਹੇ ਪ੍ਰੋਗਰਾਮ ਸਮਾਜ ਦੀ ਸੰਸਕ੍ਰਿਤੀ ਅਤੇ ਸੱਭਿਅਤਾ ਨੂੰ ਖ਼ਤਰੇ 'ਚ ਪਾ ਦੇਣਗੇ। ਵਿਰੋਧ ਇੰਨਾ ਵੱਧ ਗਿਆ ਕਿ ਅੰਤ 'ਚ 'ਮਿਸ ਵਰਲਡ' ਦੇ ਕਈ ਮੁਕਾਬਲਿਆਂ 'ਚੋਂ ਇੱਕ ਸਵਿਮਸੂਟ ਮੁਕਾਬਲਾ ਬੈਂਗਲੁਰੂ ਦੀ ਬਜਾਏ ਸੇਸ਼ੇਲਸ 'ਚ ਆਯੋਜਿਤ ਕੀਤਾ ਗਿਆ।

ਇਹ ਖ਼ਬਰ ਵੀ ਪੜ੍ਹੋ : 3 ਸਾਲਾ ਬੱਚੀ ਨੂੰ ਫ਼ੋਨ ਚਲਾਉਣਾ ਪਿਆ ਭਾਰੀ, ਅਚਾਨਕ ਫਟੀ ਬੈਟਰੀ ਤੇ ਫਿਰ...

ਭਾਰਤ ਕਰਨ ਝੱਲਿਆ ਵੱਡਾ ਘਾਟਾ
ਅਜਿਹੀ ਪ੍ਰਤੀਕਿਰਿਆ ਹੈਰਾਨ ਕਰਨ ਵਾਲੀ ਸੀ ਕਿਉਂਕਿ ਸਿਰਫ਼ ਦੋ ਸਾਲ ਪਹਿਲਾਂ ਐਸ਼ਵਰਿਆ ਰਾਏ ਅਤੇ ਸੁਸ਼ਮਿਤਾ ਸੇਨ ਨੇ ਕ੍ਰਮਵਾਰ 'ਮਿਸ ਵਰਲਡ' ਅਤੇ 'ਮਿਸ ਯੂਨੀਵਰਸ' ਦਾ ਖਿਤਾਬ ਜਿੱਤਿਆ ਸੀ ਅਤੇ ਭਾਰਤ ਨੇ ਉਨ੍ਹਾਂ ਦਾ ਗਰਮਜੋਸ਼ੀ ਨਾਲ ਸਵਾਗਤ ਕੀਤਾ ਸੀ। 1996 'ਚ ਜਦੋਂ ਮਿਸ ਵਰਲਡ ਨੂੰ ਕੱਟੜਪੰਥੀਆਂ ਦਾ ਅਜਿਹਾ ਪ੍ਰਤੀਕਰਮ ਮਿਲਿਆ ਤਾਂ ਬਿੱਗ ਬੀ ਵੀ ਹੈਰਾਨ ਰਹਿ ਗਏ। ਅਮਿਤਾਭ ਨੇ ਦੱਸਿਆ ਕਿ ਭਾਰਤ 'ਚ 1947 ਤੋਂ 'ਮਿਸ ਇੰਡੀਆ' ਦਾ ਆਯੋਜਨ ਕੀਤਾ ਜਾ ਰਿਹਾ ਹੈ ਅਤੇ ਇਸ 'ਚ ਕਦੇ ਵੀ ਇੰਨੀ ਨਕਾਰਾਤਮਕਤਾ ਨਹੀਂ ਆਈ।
ਵੀਰ ਸੰਘਵੀ ਨਾਲ ਗੱਲਬਾਤ 'ਚ ਅਮਿਤਾਭ ਨੇ ਕਿਹਾ ਸੀ ਕਿ ਜਦੋਂ ਤੁਸੀਂ ਬੈਕਲੈਸ਼ ਦੀ ਗੱਲ ਕਰਦੇ ਹੋ ਤਾਂ ਤੁਸੀਂ ਇਕ ਛੋਟੇ ਪਰ ਵੋਕਲ ਗਰੁੱਪ ਦਾ ਜ਼ਿਕਰ ਕਰ ਰਹੇ ਹੋ ਜੋ ਮੁਕਾਬਲੇ ਦਾ ਵਿਰੋਧ ਕਰਦਾ ਹੈ। ਅਸੀਂ ਵੱਡੇ ਪੱਧਰ 'ਤੇ ਜਨਤਾ ਦੀ ਪ੍ਰਤੀਕਿਰਿਆ 'ਤੇ ਵਿਚਾਰ ਕਰਨ ਲਈ ਹਾਂ ਕਹਿਣ ਤੋਂ ਪਹਿਲਾਂ ਇੱਕ ਸਰਵੇਖਣ ਚਲਾਇਆ। ਉਸ ਸਰਵੇਖਣ 'ਚ ਕਿਹਾ ਗਿਆ ਸੀ ਕਿ ਲੋਕਾਂ ਨੇ ਮੁਕਾਬਲੇ ਨੂੰ ਮਨਜ਼ੂਰੀ ਦਿੱਤੀ ਸੀ। ਮੈਂ ਅਜੇ ਵੀ ਮੰਨਦਾ ਹਾਂ ਕਿ ਸਮੁੱਚੇ ਤੌਰ 'ਤੇ 'ਮਿਸ ਵਰਲਡ' ਨੂੰ ਵਿਆਪਕ ਜਨਤਕ ਸਮਰਥਨ ਮਿਲ ਰਿਹਾ ਹੈ ਜਾਂ ਘੱਟੋ ਘੱਟ, ਜਨਤਾ ਮੁਕਾਬਲੇ ਦੇ ਵਿਰੁੱਧ ਨਹੀਂ ਹੈ। ਇਸ ਲਈ ਇਸ ਪੱਖੋਂ ਸਰਵੇਖਣ ਸਹੀ ਸੀ। ਅਸੀਂ ਇਸ ਗੱਲ 'ਤੇ ਵਿਚਾਰ ਨਹੀਂ ਕੀਤਾ ਕਿ ਇੱਥੇ ਇੱਕ ਬਹੁਤ ਹੀ ਵੋਕਲ ਘੱਟ ਗਿਣਤੀ ਹੋਵੇਗੀ ਜੋ ਹਰ ਕੀਮਤ 'ਤੇ ਮਿਸ ਵਰਲਡ ਦਾ ਵਿਰੋਧ ਕਰੇਗੀ। ਅਮਿਤਾਭ ਨੇ ਕਿਹਾ ਸੀ ਕਿ ਇਹ ਦੁਨੀਆ ਨੂੰ ਇਹ ਦਿਖਾਉਣ ਦਾ ਮੌਕਾ ਸੀ ਕਿ ਭਾਰਤ ਵਿਸ਼ਵ ਪੱਧਰੀ ਸਮਾਗਮ ਦੀ ਮੇਜ਼ਬਾਨੀ ਕਰਨ ਦੇ ਸਮਰੱਥ ਹੈ, ਜਿਸ ਨੂੰ ਦੁਨੀਆ ਭਰ 'ਚ ਦੇਖਿਆ ਜਾਵੇਗਾ। ਉਨ੍ਹਾਂ ਨੇ ਕਿਹਾ ਸੀ ਕਿ ਜੇਕਰ ਅਸੀਂ 'ਮਿਸ ਵਰਲਡ' ਨੂੰ ਨਾਂਹ ਕਹੀ ਹੁੰਦੀ ਤਾਂ ਇਸ ਦਾ ਮਤਲਬ ਇਹ ਕੱਢਿਆ ਜਾਣਾ ਸੀ ਕਿ ਭਾਰਤ ਕਹਿ ਰਿਹਾ ਹੈ ਕਿ ਸਾਡੇ ਕੋਲ ਅਜਿਹਾ ਕਰਨ ਦੀ ਸਮਰੱਥਾ ਨਹੀਂ ਹੈ।

ਇਹ ਖ਼ਬਰ ਵੀ ਪੜ੍ਹੋ :  ਸ਼ਰਮਨਾਕ! ਐਲਵਿਸ਼ ਯਾਦਵ ਨੇ ਗੈਂਗ ਨਾਲ ਮਿਲ ਕੇ ਇਸ ਯੂਟਿਊਬਰ ਦੀ ਕੀਤੀ ਕੁੱਟਮਾਰ, ਐੱਫ. ਆਈ. ਆਰ. ਹੋਈ ਦਰਜ

90 ਕਰੋੜ ਦੇ ਕਰਜ਼ੇ 'ਚ ਫਸ ਗਏ ਸਨ ਅਮਿਤਾਭ
ਅਮਿਤਾਭ ਬੱਚਨ ਨੇ ਸੋਚਿਆ ਸੀ ਕਿ 'ਮਿਸ ਵਰਲਡ' ਵਰਗਾ ਈਵੈਂਟ ਆਯੋਜਿਤ ਕਰਨ ਨਾਲ ਉਨ੍ਹਾਂ ਨੂੰ ਭਾਰੀ ਮੁਨਾਫਾ ਮਿਲੇਗਾ ਪਰ ਅਜਿਹਾ ਨਹੀਂ ਹੋਇਆ। ਮਿਸ ਵਰਲਡ ਦਾ ਆਯੋਜਨ ਕਰਨ ਤੋਂ ਬਾਅਦ ਬੱਚਨ 70 ਕਰੋੜ ਦੇ ਕਰਜ਼ੇ 'ਚ ਫਸ ਗਈ। ਹਾਲਾਤ ਇਹ ਬਣ ਗਏ ਕਿ ਵੱਡੇ ਵੀ ਆਪਣਾ ਬਕਾਇਆ ਨਹੀਂ ਦੇ ਸਕੇ। ਬੈਂਕ ਨੇ ਉਨ੍ਹਾਂ ਨੂੰ ਪੈਸੇ ਦੀ ਵਸੂਲੀ ਲਈ ਨੋਟਿਸ ਭੇਜਿਆ, ਜਿਸ ਤੋਂ ਬਾਅਦ ਅਮਿਤਾਭ ਬੱਚਨ ਨੂੰ ਬੈਂਕ ਦਾ ਕਰਜ਼ਾ ਤੋੜਨ ਲਈ ਜੁਹੂ ਸਥਿਤ ਆਪਣਾ ਬੰਗਲਾ ਗਿਰਵੀ ਰੱਖਣਾ ਪਿਆ। ਕੰਪਨੀ ਖਿਲਾਫ ਕਈ ਮਾਮਲੇ ਕੋਰਟ ਤੱਕ ਪਹੁੰਚੇ ਅਤੇ ਬਿੱਗ ਬੀ ਨੂੰ ਮੁਕੱਦਮੇ ਦਾ ਸਾਹਮਣਾ ਕਰਨਾ ਪਿਆ। ਇਸ ਤੋਂ ਬਾਅਦ ਅਮਿਤਾਭ ਬੱਚਨ ਦੀ ਕੰਪਨੀ ABCL ਦੇ ਬੈਨਰ ਹੇਠ ਕਈ ਫ਼ਿਲਮਾਂ ਬਣੀਆਂ ਪਰ ਕਈ ਫਲਾਪ ਹੋ ਗਈਆਂ। ਇਸ ਕਾਰਨ ਉਸ ਦੀ ਕੰਪਨੀ ਹੋਰ ਕਰਜ਼ੇ 'ਚ ਡੁੱਬ ਗਈ। 1999 'ਚ 'ਏ ਬੀ ਸੀ ਐਲ' 'ਤੇ ਕੁੱਲ ਕਰਜ਼ਾ 90 ਕਰੋੜ ਰੁਪਏ ਤੱਕ ਪਹੁੰਚ ਗਿਆ ਸੀ। ਉਹ ਲੋਕਾਂ ਤੋਂ ਲਏ ਪੈਸੇ ਵਾਪਸ ਨਹੀਂ ਕਰ ਪਾ ਰਿਹਾ ਸੀ ਅਤੇ ਇਸ ਲਈ ਲੋਕ ਉਸ ਦੇ ਘਰ ਜਾ ਕੇ ਉਸ ਨਾਲ ਦੁਰਵਿਵਹਾਰ ਕਰਦੇ ਸਨ। ਹਾਲਾਂਕਿ, ਉਸ ਨੇ ਹਾਰ ਨਹੀਂ ਮੰਨੀ ਅਤੇ ਫਿਰ ਆਪਣੀ ਮਿਹਨਤ ਦੇ ਬਲ 'ਤੇ ਖੜੇ ਹੋ ਗਏ ਅਤੇ ਗੁਆਚਿਆ ਸਟਾਰਡਮ ਮੁੜ ਹਾਸਲ ਕੀਤਾ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।