ਹਾਈ ਕੋਰਟ ਵੱਲੋਂ ਸ਼ੇਖਰ ਸੁਮਨ ਤੇ ਭਾਰਤੀ ਸਿੰਘ ਨੂੰ ਵੱਡੀ ਰਾਹਤ; 2010 ਦੇ ਪੁਰਾਣੇ ਮਾਮਲੇ ''ਚ FIR ਰੱਦ

ਮੁੰਬਈ (ਏਜੰਸੀ)- ਬੰਬੇ ਹਾਈ ਕੋਰਟ ਨੇ ਅਦਾਕਾਰ ਸ਼ੇਖਰ ਸੁਮਨ ਅਤੇ ਭਾਰਤੀ ਸਿੰਘ ਵਿਰੁੱਧ ਦਰਜ FIR ਰੱਦ ਕਰ ਦਿੱਤੀ ਹੈ। ਇਹ FIR  2010 ਦੇ ਇੱਕ ਮਾਮਲੇ ਨਾਲ ਸਬੰਧਤ ਹੈ, ਜਿਸ ਵਿੱਚ ਇੱਕ ਕਾਮੇਡੀ ਸ਼ੋਅ 'ਤੇ "ਯਾ ਅੱਲ੍ਹਾ! ਰਸਗੁੱਲਾ! ਦਹੀਂ ਭੱਲਾ" ਵਰਗੇ ਸ਼ਬਦ ਬੋਲੇ ਗਏ ਸਨ। ਅਦਾਲਤ ਨੇ ਕਿਹਾ ਕਿ ਕਾਮਿਕ ਐਕਟ ਵਿੱਚ ਸਿਰਫ਼ ਖਾਣ-ਪੀਣ ਦੀਆਂ ਚੀਜ਼ਾਂ ਦੇ ਨਾਂ ਲੈਣ ਨੂੰ ਧਰਮ ਦਾ ਅਪਮਾਨ ਨਹੀਂ ਮੰਨਿਆ ਜਾ ਸਕਦਾ। ਰਜ਼ਾ ਅਕੈਡਮੀ ਦੇ ਇੱਕ ਨੁਮਾਇੰਦੇ ਦੁਆਰਾ ਦਾਇਰ ਸ਼ਿਕਾਇਤ ਦੇ ਆਧਾਰ 'ਤੇ IPC ਦੀ ਧਾਰਾ 34 ਤਹਿਤ FIR ਦਰਜ ਕੀਤੀ ਗਈ ਸੀ।

ਇਹ ਵੀ ਪੜ੍ਹੋ: ਕਲਾਕਾਰਾਂ ਦੀ ਪੈਨਸ਼ਨ ਲਾਵੇ ਕੇਂਦਰ ਸਰਕਾਰ, ਰਾਹੁਲ ਰਾਏ ਦੀ ਵੀਡੀਓ ਵਾਇਰਲ ਹੋਣ ਮਗਰੋਂ AICWA ਦੀ ਮੰਗ

ਸ਼ਿਕਾਇਤ ਨਵੰਬਰ 2010 ਵਿੱਚ ਪ੍ਰਸਾਰਿਤ ਸ਼ੋਅ 'ਕਾਮੇਡੀ ਸਰਕਸ ਕਾ ਜਾਦੂ' ਦੇ ਇੱਕ ਐਪੀਸੋਡ ਨਾਲ ਸਬੰਧਤ ਸੀ। ਜਸਟਿਸ ਅਮਿਤ ਬੋਰਕਰ ਨੇ ਸ਼ੇਖਰ ਸੁਮਨ ਅਤੇ ਭਾਰਤੀ ਸਿੰਘ ਦੁਆਰਾ ਉਨ੍ਹਾਂ ਵਿਰੁੱਧ FIR ਰੱਦ ਕਰਨ ਦੀ ਮੰਗ ਕਰਨ ਵਾਲੀਆਂ ਪਟੀਸ਼ਨਾਂ ਨੂੰ ਮਨਜ਼ੂਰੀ ਦੇ ਦਿੱਤੀ, ਇਹ ਨੋਟ ਕਰਦੇ ਹੋਏ ਕਿ ਇਹ ਪ੍ਰੋਗਰਾਮ ਇੱਕ "ਹਲਕਾ ਮਨੋਰੰਜਨ" ਸ਼ੋਅ ਸੀ ਅਤੇ ਇਸਨੂੰ ਇਸਦੇ ਸਹੀ ਸੰਦਰਭ ਵਿੱਚ ਦੇਖਿਆ ਜਾਣਾ ਚਾਹੀਦਾ ਹੈ। ਬੈਂਚ ਨੇ ਕਿਹਾ ਕਿ ਧਾਰਾ 295-ਏ ਦੇ ਤਹਿਤ ਅਪਰਾਧ ਲਈ ਧਾਰਮਿਕ ਭਾਵਨਾਵਾਂ ਦਾ ਅਪਮਾਨ ਕਰਨ ਲਈ "ਜਾਣਬੁੱਝ ਕੇ ਅਤੇ ਦੁਰਭਾਵਨਾਪੂਰਨ ਇਰਾਦਾ" ਹੋਣਾ ਜ਼ਰੂਰੀ ਹੁੰਦਾ ਹੈ, ਜੋ ਇੱਥੇ ਨਜ਼ਰ ਨਹੀਂ ਆਇਆ।

ਇਹ ਵੀ ਪੜ੍ਹੋ: ਪੰਜਾਬੀ ਸੰਗੀਤ ਜਗਤ ਨੂੰ ਡੂੰਘਾ ਸਦਮਾ; ਮਸ਼ਹੂਰ ਗਾਇਕਾ ਦਾ ਹੋਇਆ ਦੇਹਾਂਤ

ਅਦਾਲਤ ਨੇ ਕਿਹਾ, ਕਿ ਇੱਕ ਕਾਮੇਡੀ ਸ਼ੋਅ ਦੀ ਤੁਲਨਾ ਕਿਸੇ ਸਿਆਸੀ ਬਿਆਨ ਨਾਲ ਨਹੀਂ ਕੀਤੀ ਜਾ ਸਕਦੀ। ਇਸ ਕਿਸਮ ਦੇ ਪ੍ਰਦਰਸ਼ਨ ਨੂੰ ਸਮੁੱਚੇ ਤੌਰ 'ਤੇ ਦੇਖਿਆ ਜਾਣਾ ਚਾਹੀਦਾ ਹੈ, ਨਾ ਕਿ ਕੁੱਝ ਚੁਣੇ ਹੋਏ ਸ਼ਬਦਾਂ ਦੇ ਆਧਾਰ 'ਤੇ। ਅਦਾਲਤ ਨੇ ਇਹ ਵੀ ਨੋਟ ਕੀਤਾ ਕਿ ਸ਼ਿਕਾਇਤਕਰਤਾ ਨੇ ਖੁਦ ਉਹ ਸ਼ੋਅ ਨਹੀਂ ਦੇਖਿਆ ਸੀ, ਸਗੋਂ ਰਜ਼ਾ ਅਕੈਡਮੀ ਨੂੰ ਮਿਲੀਆਂ ਕੁਝ ਪ੍ਰਤੀਨਿਧਤਾਵਾਂ ਦੇ ਆਧਾਰ 'ਤੇ ਸ਼ਿਕਾਇਤ ਕੀਤੀ ਸੀ। ਅਦਾਲਤ ਨੇ ਕਿਹਾ ਕਿ ਇਹ FIR ਬਿਨਾਂ ਕਿਸੇ ਸ਼ੁਰੂਆਤੀ ਪੁਸ਼ਟੀ ਜਾਂ ਜਾਂਚ ਦੇ ਦਰਜ ਕੀਤੀ ਗਈ ਸੀ।

ਇਹ ਵੀ ਪੜ੍ਹੋ: ਕਦੋਂ ਦਾਦਾ ਬਣਨਗੇ ਮਿਥੁਨ ਚਕਰਵਰਤੀ ? ਨੂੰਹ ਨੇ ਕੀਤਾ ਖੁਲਾਸਾ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e