26 ਜੁਲਾਈ ਨੂੰ ਹੋਵੇਗਾ ਇੰਡੀਅਨ ਆਈਡਲ ਸੀਜ਼ਨ-16 ਦਾ ਫਾਈਨਲ, ਟ੍ਰਾਫੀ ਲਈ ਭਿੜਨਗੇ 6 ਫਾਈਨਲਿਸਟ

ਐਂਟਰਟੇਨਮੈਂਟ ਡੈਸਕ - ਸੋਨੀ ਐਂਟਰਟੇਨਮੈਂਟ ਟੈਲੀਵਿਜ਼ਨ ਦਾ ਇੰਡੀਅਨ ਆਈਡਲ ਸੀਜ਼ਨ-16 ਗ੍ਰੈਂਡ ਫਿਨਾਲੇ ਵੱਲ ਵਧ ਰਿਹਾ ਹੈ, ਜੋ 26 ਜੁਲਾਈ ਨੂੰ ਹੋਵੇਗਾ। ਇਸ ਸੀਜ਼ਨ ਦੀ ਥੀਮ ‘ਯਾਦੋਂ ਕੀ ਪਲੇਅਲਿਸਟ’ ਦਾ ਜਸ਼ਨ ਮਨਾਉਂਦੇ ਹੋਏ ਇਹ ਫਿਨਾਲੇ ਇਕ ਸ਼ਾਨਦਾਰ ਸ਼ਾਮ ਦਾ ਵਾਅਦਾ ਕਰਦੀ ਹੈ, ਜਿਸ ਵਿਚ ਸੰਗੀਤ, ਪੁਰਾਣੀਆਂ ਯਾਦਾਂ ਅਤੇ ਸੈਲੀਬ੍ਰੇਸ਼ਨ ਹੋਵੇਗਾ। ਅੰਸ਼ਿਕਾ ਚੋਂਕਰ, ਜੋਤਿਰਮੀ ਨਾਇਕ, ਮਨਰਾਜ ਵੀਰ ਸਿੰਘ, ਮੈਸਕਮ ਬੋਸੂ, ਸੁਹੈਲ ਸੂਫ਼ੀ ਅਤੇ ਤਨਿਸ਼ਕ ਸ਼ੁਕਲਾ 6 ਫਾਈਨਲਿਸਟਾਂ ਦੇ ਰੂਪ ਵਿਚ ਉੱਭਰੇ ਹਨ ਅਤੇ ਹਰ ਕੋਈ ਵੱਕਾਰੀ ਇੰਡੀਅਨ ਆਈਡਲ ਸੀਜ਼ਨ 16 ਟ੍ਰਾਫ਼ੀ ਚੁੱਕਣ ਦੀ ਉਮੀਦ ਕਰ ਰਿਹਾ ਹੈ।

ਜੱਜ ਵਿਸ਼ਾਲ ਦਦਲਾਨੀ, ਸ਼੍ਰੇਆ ਘੋਸ਼ਾਲ ਅਤੇ ਬਾਦਸ਼ਾਹ ਦੇ ਮਾਰਗਦਰਸ਼ਨ ਵਿਚ ਅਤੇ ਆਦਿਤਿਆ ਨਾਰਾਇਣ ਵੱਲੋਂ ਹੋਸਟ ਕੀਤੇ ਗਏ ਇਸ ਸੀਜ਼ਨ ਨੇ ਅਸਾਧਾਰਨ ਪ੍ਰਤਿਭਾ, ਜਨੂਨ ਅਤੇ ਦ੍ਰਿੜ੍ਹਤਾ ਦਾ ਉਤਸਵ ਮਨਾਇਆ, ਜਿਸ ਨਾਲ ਹਰ ਪੇਸ਼ਕਾਰੀ ਦੇਸ਼ ਭਰ ਦੇ ਦਰਸ਼ਕਾਂ ਲਈ ਇਕ ਸੰਭਾਲ ਕੇ ਰੱਖਣਯੋਗ ਯਾਦ ਬਣ ਗਈ। ਫਿਨਾਲੇ ਦੀ ਸ਼ੋਭਾ ਨੂੰ ਹੋਰ ਵਧਾਉਂਦੇ ਹੋਏ, ਜੱਜ ਸ਼੍ਰੇਆ ਘੋਸ਼ਾਲ ਅਤੇ ਬਾਦਸ਼ਾਹ ਦੇ ਨਾਲ ਵਿਸ਼ੇਸ਼ ਮਹਿਮਾਨਾਂ ਦੀ ਸ਼ਾਨਦਾਰ ਲਾਈਨਅੱਪ ਹੋਵੇਗੀ, ਜਿਸ ਵਿਚ ਊਸ਼ਾ ਉਥੁਪ, ਉਦਿਤ ਨਾਰਾਇਣ, ਪਾਪੋਨ, ਕੁਮਾਰ ਸਾਨੂ, ਸ਼ਹਿਨਾਜ਼ ਗਿੱਲ ਅਤੇ ਉਰਮਿਲਾ ਮਾਤੋਂਡਕਰ ਸ਼ਾਮਲ ਹੋਣਗੇ।