‘ਹਸੀਨ ਦਿਲਰੁਬਾ’ ਦੇ ਟ੍ਰੇਲਰ ’ਚ ਲੇਖਿਕਾ ਦਾ ਨਾਂ ਕ੍ਰੈਡਿਟ ’ਚ ਆਉਣ ’ਤੇ ਹੋਈ ਟਰੋਲਿੰਗ ਤਾਂ ਤਾਪਸੀ ਪਨੂੰ ਨੇ ਕੀਤਾ ਬਚਾਅ

ਮੁੰਬਈ (ਬਿਊਰੋ)– ਤਾਪਸੀ ਪਨੂੰ, ਵਿਕਰਾਂਤ ਮੇਸੀ ਤੇ ਹਰਸ਼ਵਰਧਨ ਰਾਣੇ ਦੀ ਫ਼ਿਲਮ ‘ਹਸੀਨ ਦਿਲਰੁਬਾ’ ਦਾ ਟ੍ਰੇਲਰ ਹਾਲ ਹੀ ’ਚ ਰਿਲੀਜ਼ ਹੋਇਆ ਹੈ। ਟ੍ਰੇਲਰ ’ਚ ਇਸ ਦੀ ਲੇਖਿਕਾ ਕਨਿਕਾ ਢਿੱਲੋਂ ਦਾ ਨਾਮ ਕ੍ਰੈਡਿਟ ਰੋਲ ’ਚ ਦਿੱਤਾ ਗਿਆ ਹੈ। ‘ਜੈ ਮੰਮੀ ਦੀ’ ਫ਼ਿਲਮ ਦੇ ਲੇਖਕ ਨੇ ਇਸ ਨੂੰ ਲੈ ਕੇ ਕਨਿਕਾ ’ਤੇ ਨਿੱਜੀ ਕੁਮੈਂਟ ਕੀਤਾ ਤਾਂ ਤਾਪਸੀ ਨੇ ਇਸ ਨੂੰ ਸੈਕਸਿਸਟ ਦੱਸਿਆ।

ਪਿਛਲੇ ਦਿਨੀਂ ਫ਼ਿਲਮ ਦਾ ਟ੍ਰੇਲਰ ਸੋਸ਼ਲ ਮੀਡੀਆ ’ਤੇ ਰਿਲੀਜ਼ ਕੀਤਾ ਗਿਆ ਸੀ। ਟ੍ਰੇਲਰ ਆਉਣ ਤੋਂ ਬਾਅਦ ‘ਜੈ ਮੰਮੀ ਦੀ’ ਫ਼ਿਲਮ ਦੇ ਰਾਈਟਰ ਨਵਜੋਤ ਗੁਲਾਟੀ ਨੇ ਟਵੀਟ ਕੀਤਾ, ‘ਜੇਕਰ ਤੁਹਾਨੂੰ ਬਤੌਰ ਸਕ੍ਰੀਨਰਾਈਟਰ ਆਪਣਾ ਨਾਮ ਟ੍ਰੇਲਰ ’ਚ ਸ਼ਾਮਲ ਕਰਵਾਉਣਾ ਹੈ (ਜੋ ਆਮ ਪ੍ਰਕਿਰਿਆ ਹੋਣੀ ਚਾਹੀਦੀ) ਤਾਂ ਤੁਹਾਨੂੰ ਪ੍ਰੋਡਕਸ਼ਨ ਹਾਊਸ ’ਚ ਵਿਆਹ ਕਰਵਾਉਣਾ ਪਵੇਗਾ। ਰਾਈਟਰ ਜਦੋਂ ਪਰਿਵਾਰ ਦਾ ਮੈਂਬਰ ਬਣ ਜਾਂਦਾ ਹੈ ਤਾਂ ਉਸ ਦੇ ਨਾਲ ਐਕਟਰ-ਸਟਾਰ ਦੀ ਤਰ੍ਹਾਂ ਵਿਵਹਾਰ ਕੀਤਾ ਜਾਂਦਾ ਹੈ।’ ਇਸ ਦੇ ਨਾਲ ਨਵਜੋਤ ਨੇ ਗੋਲਸ ਹੈਸ਼ਟੈਗ ਲਿਖਿਆ।

If you want top billing as a Screenwriter in a trailer(something that should be the norm)You need to marry into the production house. Once the Writer becomes a family member, is treated like an Actor-Star. #Goals

— Navjot Gulati (@Navjotalive) June 11, 2021

ਨਵਜੋਤ ਦੇ ਇਸ ਟਵੀਟ ਦਾ ਕਨਿਕਾ ਨੇ ਕਰਾਰਾ ਜਵਾਬ ਦਿੰਦਿਆਂ ਲਿਖਿਆ, ‘ਮਿਸਟਰ ਨਵਜੋਤ, ਤੁਹਾਡੇ ਵਰਗੇ ਲੇਖਕਾਂ ਕਾਰਨ ਦੂਸਰੇ ਲੇਖਕਾਂ ਨੂੰ ਮਹੱਤਵ ਨਹੀਂ ਮਿਲਦਾ, ਜੋ ਉਨ੍ਹਾਂ ਦਾ ਅਧਿਕਾਰ ਹੈ ਕਿਉਂਕਿ ਜਿਸ ਕਦਮ ਦਾ ਲੇਖਕ ਭਾਈਚਾਰੇ ਨੂੰ ਸਵਾਗਤ ਕਰਨਾ ਚਾਹੀਦਾ ਹੈ, ਉਸ ’ਤੇ ਤੁਹਾਡੇ ਵਰਗੇ ਲੇਖਕ ਮੂਰਖਤਾ ਵਾਲੀਆਂ ਗੱਲਾਂ ਕਰਦੇ ਹਨ। ਤੁਹਾਨੂੰ ਸ਼ਰਮ ਆਉਣੀ ਚਾਹੀਦੀ ਹੈ।’

And mr @Navjotalive because of writers like YOU - who display their STUPIDITY on something tht should be Applauded as a welcome step by the writing fraternity- other very deserving writers do not get top Billing as is their right—- shame on u! https://t.co/hDDhSlBEpS

— Kanika Dhillon (@KanikaDhillon) June 14, 2021

ਉਥੇ ਹੀ ਤਾਪਸੀ ਨੇ ਕਨਿਕਾ ਦੇ ਟਵੀਟ ਨੂੰ ਰੀ-ਟਵੀਟ ਕਰਕੇ ਲਿਖਿਆ, ‘ਔਰਤਾਂ ਖ਼ਿਲਾਫ਼ ਸਦੀਆਂ ਤੋਂ ਚੱਲ ਰਹੀ ਪੁਰਾਣੀ ਸੋਚ ਦੇ ਚਲਦਿਆਂ ਔਰਤਾਂ ਸਫ਼ਲਤਾ ਦਾ ਕ੍ਰੈਡਿਟ ਉਸ ਹਾਊਸ ਨੂੰ ਦੇਣ ਤੋਂ, ਜਿਸ ’ਚ ਉਸ ਦਾ ਵਿਆਹ ਹੋਇਆ ਹੈ, ਲੇਖਾਂ ਨੂੰ ਕ੍ਰੈਡਿਟ ਦੇਣ ਦਾ ਇਕ ਪ੍ਰਗਤੀਸ਼ੀਲ ਫ਼ੈਸਲਾ ਸੈਕਸਿਸਟ ਬਕਵਾਸ ’ਚ ਬਦਲ ਗਿਆ। ਕ੍ਰੈਡਿਟ ਦੀ ਬਰਾਬਰੀ ਲਈ ਤੁਹਾਡੀ ਜੱਦੋ-ਜਹਿਦ ’ਤੇ ਤੁਹਾਡੇ ਅੰਦਰ ਦੀ ਕੜਵਾਹਟ ਭਾਰੀ ਨਹੀਂ ਪੈ ਸਕਦੀ।’

A progressive call to credit a writer turned into a sexist rant by the age old misogyny of crediting a woman’s success to the house she marries in or the man she married. Your righteous call for equal credit can’t be overtaken by the bitterness in u. https://t.co/B7FrdSRakL

— taapsee pannu (@taapsee) June 14, 2021

ਦੱਸ ਦੇਈਏ ਕਿ ਕਨਿਕਾ ਨੇ ਆਨੰਦ ਐੱਲ. ਰਾਏ ਦੀਆਂ ਫ਼ਿਲਮਾਂ ਦੇ ਲੇਖਕ ਰਹੇ ਹਿਮਾਂਸ਼ੂ ਸ਼ਰਮਾ ਨਾਲ ਕੁਝ ਸਮਾਂ ਪਹਿਲਾਂ ਵਿਆਹ ਕਰਵਾਇਆ ਸੀ। ਆਨੰਦ ਦੀ ਕੰਪਨੀ ਯੈਲੋ ਪ੍ਰੋਡਕਸ਼ਨਜ਼ ਨੇ ‘ਹਸੀਨ ਦਿਲਰੁਬਾ’ ਦਾ ਨਿਰਮਾਣ ਕੀਤਾ ਹੈ। ਕਨਿਕਾ ਨੇ ‘ਮਨਮਰਜ਼ੀਆਂ’ ਤੇ ‘ਜਜਮੈਂਟਲ ਹੈ ਕਯਾ’ ਵਰਗੀਆਂ ਫ਼ਿਲਮਾਂ ਦਾ ਲੇਖਨ ਕੀਤਾ ਹੈ। ਵਿਨਿਲ ਮੈਥਿਊ ਨਿਰਦੇਸ਼ਿਤ ਥ੍ਰਿਲਰ ‘ਹਸੀਨ ਦਿਲਰੁਬਾ’ 2 ਜੁਲਾਈ ਨੂੰ ਨੈੱਟਫਲਿਕਸ ’ਤੇ ਰਿਲੀਜ਼ ਹੋਵੇਗੀ।

ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।