ਗੁਰੂ ਰੰਧਾਵਾ ਦੀ ਧੁਨ ''ਤੇ ਨੋਰਾ ਫਤੇਹੀ ਨੇ ਲਾਏ ਠੁਮਕੇ, ਦੇਖੋ ਵੀਡੀਓ

ਜਲੰਧਰ (ਬਿਊਰੋ) : ਬਾਲੀਵੁੱਡ ਅਦਾਕਾਰਾ ਨੋਰਾ ਫਤੇਹੀ ਹਮੇਸ਼ਾ ਆਪਣੇ ਜ਼ਬਰਦਸਤ ਡਾਂਸ ਅਤੇ ਸਟਾਈਲ ਨੂੰ ਲੈ ਕੇ ਸੁਰਖੀਆਂ 'ਚ ਰਹਿੰਦੀ ਹੈ। ਉਨ੍ਹਾਂ ਦੀਆਂ ਤਸਵੀਰਾਂ ਤੋਂ ਲੈ ਕੇ ਵੀਡੀਓ ਤੱਕ, ਉਹ ਸੋਸ਼ਲ ਮੀਡੀਆ 'ਤੇ ਬਹੁਤ ਵਾਇਰਲ ਹੁੰਦੇ ਹਨ। ਉਨ੍ਹਾਂ ਦਾ ਅਤੇ ਗੁਰੂ ਰੰਧਾਵਾ ਦਾ ਮੋਸਟ ਅਵੇਟਿਡ ਗੀਤ 'ਨਾਚ ਮੇਰੀ ਰਾਣੀ' (Naach Meri Rani Song Release) ਰਿਲੀਜ਼ ਹੋ ਗਿਆ ਹੈ। ਪ੍ਰਸ਼ੰਸਕ ਲੰਬੇ ਸਮੇਂ ਤੋਂ ਇਸ ਗਾਣੇ ਦੀ ਉਡੀਕ ਕਰ ਰਹੇ ਸਨ। ਹਰ ਕੋਈ ਇਕ ਵਾਰ ਫਿਰ ਨੋਰਾ ਫਤੇਹੀ ਦੇ ਠੁਮਕੇ ਅਤੇ ਗੁਰੂ ਰੰਧਾਵਾ ਦੇ ਹੈਰਾਨਕੁਨ ਅੰਦਾਜ਼ ਨੂੰ ਵੇਖਣਾ ਚਾਹੁੰਦੇ ਸਨ।

ਹੁਣ ਪ੍ਰਸ਼ੰਸਕਾਂ ਦੀ ਉਡੀਕ ਮੁੱਕ ਗਈ ਹੈ। ਟੀ-ਸੀਰੀਜ਼ ਦੇ ਬੈਨਰ ਹੇਠ ਬਣੀ ਇਹ ਗੀਤ ਯੂਟਿਊਬ 'ਤੇ ਕਾਫ਼ੀ ਧੂਮ ਮਚਾ ਰਿਹਾ ਹੈ। ਗੁਰੂ ਰੰਧਾਵਾ ਦਾ ਇਹ ਗੀਤ, ਡਾਸਿੰਗ ਸਟੈਪਸ ਅਤੇ ਸੰਗੀਤ ਦਾ ਇਕ ਸੰਪੂਰਨ ਕੰਬੋ ਹੈ, ਜਿਸ ਨੂੰ ਸੁਣਨ ਤੋਂ ਬਾਅਦ ਕੋਈ ਵੀ ਖੁਸ਼ੀ ਨਾਲ ਨੱਚਣ ਲਗ ਜਾਵੇਗਾ। ਗੀਚ ਵਿਚ ਨੋਰਾ ਪਹਿਲੇ ਰੋਬੋਟ ਦੇ ਰੂਪ ਵਿਚ ਦਿਖਾਈ ਦਿੱਤੀ ਹੈ, ਜਿਸ ਕਾਰਨ ਇਸ ਗੀਤ ਵਿਚ ਰੋਬੋਟਿਕਸ ਦੀ ਛੋਹ ਵੀ ਦੇਖਣ ਨੂੰ ਮਿਲ ਰਹੀ ਹੈ। ਨੋਰਾ ਫਤੇਹੀ ਨੇ ਗੀਤ ਵਿਚ ਆਪਣੇ ਡਾਂਸ ਦਾ ਜਾਦੂ ਫੈਲਾ ਰਹੀ ਹੈ, ਹਰ ਕੋਈ ਉਸ ਦਾ ਦਾ ਕਾਇਲ ਹੁੰਦਾ ਜਾ ਰਿਹਾ ਹੈ। ਤੁਸੀਂ ਨੋਰਾ ਦੇ ਡਾਂਸਿੰਗ ਸਟੈਪ ਵੇਖ ਕੇ ਤੁਸੀ ਵੀ ਨੋਰਾ ਦੇ ਪ੍ਰਸ਼ੰਸਕ ਬਣ ਜਾਓਗੇ। 

ਦੱਸ ਦੇਈਏ ਕਿ ਗੁਰੂ ਰੰਧਾਵਾ ਤੋਂ ਇਲਾਵਾ ਇਸ ਗੀਤ ਨੂੰ ਨਿਕਿਤਾ ਗਾਂਧੀ ਨੇ ਆਵਾਜ਼ ਦਿੱਤੀ ਹੈ। ਗੀਤ ਦਾ ਸੰਗੀਤ ਤਨਿਸ਼ਕ ਬਗੀਚੀ ਨੇ ਦਿੱਤਾ ਹੈ। ਇਸ ਗਾਣੇ ਨੂੰ ਰਿਲੀਜ਼ ਹੋਏ 3 ਘੰਟੇ ਹੋਏ ਹਨ ਅਤੇ ਹੁਣ ਤੱਕ 22 ਲੱਖ ਤੋਂ ਵੀ ਜ਼ਿਆਦਾ ਵਿਊਜ਼ ਮਿਲ ਚੁੱਕੇ ਹਨ।