ਤਾਲਾਬੰਦੀ ਤੋਂ ਬਾਅਦ ਹਾਲੀਵੁੱਡ ਫ਼ਿਲਮ ‘ਗੌਡਜ਼ਿਲਾ ਵਰਸਿਜ਼ ਕੌਂਗ’ ਨੂੰ ਮਿਲੀ ਵੱਡੀ ਓਪਨਿੰਗ, ਰਚਿਆ ਇਤਿਹਾਸ

ਮੁੰਬਈ (ਬਿਊਰੋ)– ਇਕ ਪਾਸੇ ਬਾਲੀਵੁੱਡ ਫ਼ਿਲਮਾਂ ਬਾਕਸ ਆਫਿਸ ’ਤੇ ਜੂਝ ਰਹੀਆਂ ਹਨ ਤੇ ਇਸ ਦੇ ਪਿੱਛੇ ਕੋਰੋਨਾ ਵਾਇਰਸ ਦੇ ਵਧਦੇ ਮਾਮਲਿਆਂ ਨੂੰ ਜ਼ਿੰਮੇਵਾਰ ਮੰਨਿਆ ਜਾ ਰਿਹਾ ਹੈ, ਉਥੇ ਹਾਲੀਵੁੱਡ ਫ਼ਿਲਮ ‘ਗੌਡਜ਼ਿਲਾ ਵਰਸਿਜ਼ ਕੌਂਗ’ ਦੀ ਓਪਨਿੰਗ ਨੇ ਇੰਡਸਟਰੀ ਨੂੰ ਹੈਰਾਨ ਕਰ ਦਿੱਤਾ ਹੈ। ਫ਼ਿਲਮ ਨੇ ਹਾਲ ਹੀ ’ਚ ਰਿਲੀਜ਼ ਹੋਈਆਂ ਬਾਲੀਵੁੱਡ ਫ਼ਿਲਮਾਂ ‘ਰੂਹੀ’ ਤੇ ‘ਮੁੰਬਈ ਸਾਗਾ’ ਤੋਂ ਬਿਹਤਰ ਓਪਨਿੰਗ ਲਈ ਹੈ।

ਐਡਮ ਵਿਨਗਾਰਡ ਵਲੋਂ ਨਿਰਦੇਸ਼ਿਤ ‘ਗੌਡਜ਼ਿਲਾ ਵਰਸਿਜ਼ ਕੌਂਗ’ 24 ਮਾਰਚ ਨੂੰ ਭਾਰਤੀ ਬਾਕਸ ਆਫਿਸ ’ਤੇ ਉਤਰੀ। ਦੇਸ਼ ’ਚ ਫ਼ਿਲਮ ਅੰਗਰੇਜ਼ੀ ਤੋਂ ਇਲਾਵਾ ਹਿੰਦੀ, ਤਾਮਿਲ ਤੇ ਤੇਲਗੂ ਭਾਸ਼ਾਵਾਂ ’ਚ ਰਿਲੀਜ਼ ਹੋਈ। ਫ਼ਿਲਮ ਦੀ ਕਮਾਈ ਨੂੰ ਲੈ ਕੇ ਜੋ ਖ਼ਬਰਾਂ ਸਾਹਮਣੇ ਆ ਰਹੀਆਂ ਹਨ, ਉਨ੍ਹਾਂ ਮੁਤਾਬਕ ਇਸ ਫ਼ਿਲਮ ਨੇ ਸਾਰੀਆਂ ਭਾਸ਼ਾਵਾਂ ’ਚ 6 ਕਰੋੜ ਰੁਪਏ ਤੋਂ ਵੱਧ ਦੀ ਓਪਨਿੰਗ ਲਈ ਹੈ।

ਫ਼ਿਲਮ ਸਮੀਖਿਅਕ ਤਰਣ ਆਦਰਸ਼ ਮੁਤਾਬਕ ਇਸ ਫ਼ਿਲਮ ਨੇ ਪਹਿਲੇ ਦਿਨ 6.40 ਕਰੋੜ ਰੁਪਏ ਦੀ ਧਮਾਕੇਦਾਰ ਕਮਾਈ ਕੀਤੀ ਹੈ। ਕਮਾਈ ਦੇ ਇਹ ਅੰਕੜੇ ਹੈਰਾਨ ਕਰ ਸਕਦੇ ਹਨ ਕਿਉਂਕਿ ਕੋਰੋਨਾ ਵਾਇਰਸ ਦੇ ਵਧਦੇ ਮਾਮਲਿਆਂ ਦੇ ਚਲਦਿਆਂ ਮੰਨਿਆ ਜਾ ਰਿਹਾ ਸੀ ਕਿ ਦਰਸ਼ਕ ਸਿਨੇਮਾਘਰਾਂ ਤੋਂ ਦੂਰੀ ਬਣਾ ਰਹੇ ਹਨ। ਫ਼ਿਲਮ ਦੀ ਕਮਾਈ ਉਨ੍ਹਾਂ ਦਿਨਾਂ ’ਚ ਹੈ, ਜਦੋਂ ਫ਼ਿਲਮ ਹਫਤੇ ਦੇ ਵਿਚਕਾਰ ਰਿਲੀਜ਼ ਹੋਈ ਹੈ। ਫ਼ਿਲਮ ਨੂੰ ਘਰੇਲੂ ਬਾਕਸ ਆਫਿਸ ’ਤੇ 1770 ਸਕ੍ਰੀਨਜ਼ ’ਤੇ ਉਤਾਰਿਆ ਗਿਆ ਹੈ।

Some news to cheer you up... Despite midweek release [Wed]... Despite #Covid19 pandemic... #GodzillaVsKong embarks on an EXCELLENT START on Day 1... #South markets contribute major chunk... #Hindi markets ordinary... Wed ₹ 6.40 cr NETT [1770 screens]. #India biz. All versions. pic.twitter.com/0qG3BuGkaW

— taran adarsh (@taran_adarsh) March 25, 2021

ਹਾਲਾਂਕਿ ਰਿਪੋਰਟ ਮੁਤਾਬਕ ਫ਼ਿਲਮ ਦੀ ਕਲੈਕਸ਼ਨ ਦਾ ਵੱਡਾ ਹਿੱਸਾ ਦੱਖਣੀ ਭਾਰਤ ਤੋਂ ਆਇਆ ਹੈ, ਜਿਥੇ ਫ਼ਿਲਮ ਨੂੰ ਖੂਬ ਦੇਖਿਆ ਜਾ ਰਿਹਾ ਹੈ। ਆਂਧਰਾ ਬਾਕਸ ਆਫਿਸ ਡਾਟ ਕਾਮ ਮੁਤਾਬਕ ਫ਼ਿਲਮ ਨੇ ਤਾਮਿਲਨਾਡੂ ’ਚ ਬਿਹਤਰੀਨ ਓਪਨਿੰਗ ਲਈ ਹੈ। ਦਾਅਵਾ ਹੈ ਕਿ ਫ਼ਿਲਮ ਨੇ ਹਾਲ ਹੀ ’ਚ ਰਿਲੀਜ਼ ਹੋਈਆਂ ਕਈ ਫ਼ਿਲਮਾਂ ਤੋਂ ਬਿਹਤਰ ਸ਼ੁਰੂਆਤ ਕੀਤੀ ਹੈ।

#GodzillaVsKong has taken a Best opening for any Holly/Bolly Release in recent times with its South Indian numbers alone 2 times bigger than All India BO of post-lockdown Holly/Bolly films!. This marks a turnaround for Hollywood and is a sign of things to come in near future!. pic.twitter.com/c8UdWwOkuP

— AndhraBoxOffice.Com (@AndhraBoxOffice) March 25, 2021

ਦੱਸਣਯੋਗ ਹੈ ਕਿ ‘ਰੂਹੀ’ ਫ਼ਿਲਮ ਨੇ ਪਹਿਲੇ ਦਿਨ 3 ਕਰੋੜ ਤੇ ‘ਮੁੰਬਈ ਸਾਗਾ’ ਨੇ ਪਹਿਲੇ ਦਿਨ 2.82 ਕਰੋੜ ਰੁਪਏ ਦੀ ਕਮਾਈ ਕੀਤੀ ਸੀ।

ਨੋਟ– ਕੀ ਤੁਸੀਂ ਇਸ ਫ਼ਿਲਮ ਨੂੰ ਸਿਨੇਮਾਘਰਾਂ ’ਚ ਦੇਖਣਾ ਪਸੰਦ ਕਰੋਗੇ? ਕੁਮੈਂਟ ਕਰਕੇ ਜ਼ਰੂਰ ਦੱਸੋ।