''ਡੌਨ 3'' ''ਚ ਸ਼ਾਹਰੁਖ ਦੀ ਜਗ੍ਹਾ ਰਣਵੀਰ ਨੂੰ ਲੈਣ ''ਤੇ ਫਰਹਾਨ ਅਖਤਰ ਨੇ ਤੋੜੀ ਚੁੱਪੀ, ਦੱਸਿਆ ਕਿ ਐਕਟਰ ਕਿਉਂ ਹੈ ਬਿਹਤਰ

ਨਵੀਂ ਦਿੱਲੀ (ਬਿਊਰੋ) : ਫਰਹਾਨ ਅਖ਼ਤਰ ਦੀ ਆਉਣ ਵਾਲੀ ਫ਼ਿਲਮ 'ਡੌਨ 3' ਸੁਰਖੀਆਂ 'ਚ ਬਣੀ ਹੋਈ ਹੈ। ਫ਼ਿਲਮ ਦੀ ਰਿਲੀਜ਼ਿੰਗ ਤੋਂ ਜ਼ਿਆਦਾ ਇਸ ਦੀ ਸਟਾਰਕਾਸਟ ਨੂੰ ਲੈ ਕੇ ਲੋਕਾਂ 'ਚ ਦਿਲਚਸਪੀ ਵਧੀ ਹੈ। ਕੁਝ ਦਿਨ ਪਹਿਲਾਂ ਫਰਹਾਨ ਅਖ਼ਤਰ ਨੇ ਇਹ ਖ਼ੁਲਾਸਾ ਕਰਕੇ ਹਲਚਲ ਮਚਾ ਦਿੱਤੀ ਸੀ ਕਿ ਉਹ 'ਡੌਨ 3' 'ਚ ਸ਼ਾਹਰੁਖ ਖ਼ਾਨ ਦੀ ਥਾਂ ਰਣਵੀਰ ਸਿੰਘ ਨੂੰ ਲੈਣਗੇ।

'ਡੌਨ 3' ਦੇ ਟੀਜ਼ਰ ਨੇ ਨੇਟੀਜ਼ਨਾਂ 'ਚ ਹਲਚਲ ਮਚਾ ਦਿੱਤੀ ਹੈ। ਕੁਝ ਲੋਕਾਂ ਨੇ ਫ਼ਿਲਮ ਲਈ ਆਪਣੀ ਦਿਲਚਸਪੀ ਦਿਖਾਈ ਤਾਂ ਕੁਝ ਲੋਕਾਂ ਨੇ ਸ਼ਾਹਰੁਖ ਖ਼ਾਨ ਦੀ ਜਗ੍ਹਾ ਰਣਵੀਰ ਸਿੰਘ ਨੂੰ ਲੈਣ ਦੇ ਮਾਮਲੇ 'ਤੇ ਖੂਬ ਟਰੋਲ ਕੀਤਾ। ਰਣਵੀਰ ਸਿੰਘ ਇਸ ਮਾਮਲੇ 'ਚ ਸਭ ਤੋਂ ਜ਼ਿਆਦਾ ਪ੍ਰੇਸ਼ਾਨ ਸਨ। ਇਸ ਦੇ ਨਾਲ ਹੀ ਹੁਣ 'ਡੌਨ 3' ਦੇ ਨਿਰਦੇਸ਼ਕ ਫਰਹਾਨ ਅਖ਼ਤਰ ਨੇ ਸ਼ਾਹਰੁਖ ਖ਼ਾਨ ਦੀ ਜਗ੍ਹਾ ਰਣਵੀਰ ਸਿੰਘ ਨੂੰ ਲੈਣ ਦੇ ਫੈਸਲੇ 'ਤੇ ਚੁੱਪੀ ਤੋੜੀ ਹੈ। ਫਰਹਾਨ ਅਖ਼ਤਰ ਨੇ ਨਿੱਜੀ ਚੈਨਲ ਨਾਲ ਗੱਲਬਾਤ ਦੌਰਾਨ ਫ਼ਿਲਮ ਦੀ ਕਾਸਟ 'ਚ ਇਸ ਬਦਲਾਅ ਬਾਰੇ ਗੱਲ ਕੀਤੀ। ਉਨ੍ਹਾਂ ਦੱਸਿਆ ਕਿ ਰਣਵੀਰ ਸਿੰਘ ਖ਼ੁਦ ਵੀ 'ਡੌਨ' ਦਾ ਕਿਰਦਾਰ ਨਿਭਾਉਣ ਤੋਂ ਝਿਜਕ ਰਹੇ ਸਨ। ਉਹ ਮਹਾਨ ਅਭਿਨੇਤਾ ਅਮਿਤਾਭ ਬੱਚਨ ਤੇ ਸ਼ਾਹਰੁਖ ਖ਼ਾਨ ਦੁਆਰਾ ਨਿਭਾਈ ਗਈ ਇਸ ਸ਼ਾਨਦਾਰ ਭੂਮਿਕਾ ਨੂੰ ਅੱਗੇ ਵਧਾਉਣ ਲਈ ਡਰਦਾ ਸੀ। ਫਰਹਾਨ ਨੇ ਇਹ ਵੀ ਖੁਲਾਸਾ ਕੀਤਾ ਕਿ ਸ਼ਾਹਰੁਖ ਵੀ ਅਜਿਹੀ ਸਥਿਤੀ 'ਚ ਸਨ ਜਦੋਂ ਉਨ੍ਹਾਂ ਨੂੰ ਇੱਕ 'ਡੌਨ' ਦੀ ਭੂਮਿਕਾ ਨਿਭਾਉਣੀ ਪਈ ਸੀ।

ਇਹ ਖ਼ਬਰ ਵੀ ਪੜ੍ਹੋ : ‘ਮਸਤਾਨੇ’ ਫ਼ਿਲਮ ਲਈ ਤਰਸੇਮ ਜੱਸੜ ਨੇ ਕੀ-ਕੀ ਤਿਆਗਿਆ? ਜਾਣੋ ਵੀਡੀਓ ’ਚ

ਸ਼ਾਹਰੁਖ ਨੂੰ ਵੀ ਪਰੇਸ਼ਾਨੀ ਹੋਈ ਸੀ
ਫਰਹਾਨ ਅਖ਼ਤਰ ਨੇ 'ਡੌਨ 3' ਬਾਰੇ ਕਿਹਾ, "ਮੈਂ ਇਸ ਨੂੰ ਅੱਗੇ ਲਿਜਾਣ ਲਈ ਬਹੁਤ ਉਤਸ਼ਾਹਿਤ ਹਾਂ। ਤੁਸੀਂ ਕਲਪਨਾ ਕਰ ਸਕਦੇ ਹੋ ਕਿ ਹਰ ਕਿਸੇ ਦੀ ਤਰ੍ਹਾਂ, ਉਹ ਵੀ ਇਸ ਗੱਲ ਤੋਂ ਘਬਰਾਏ ਹੋਇਆ ਤੇ ਉਤਸ਼ਾਹਿਤ ਸਨ ਕਿ ਤੁਸੀਂ ਮਹਾਨ ਅਭਿਨੇਤਾ ਦੇ ਨਿਭਾਏ ਹੋਏ ਕਿਰਦਾਰ 'ਚ ਕਦਮ ਰੱਖਣ ਜਾ ਰਹੇ ਹੋ। ਜਦੋਂ ਸ਼ਾਹਰੁਖ ਫ਼ਿਲਮ ਕਰ ਰਹੇ ਸਨ ਤਾਂ ਵੀ ਅਸੀਂ ਇਸ ਭਾਵਨਾਤਮਕ ਪ੍ਰੋਸੈੱਸ 'ਚੋਂ ਲੰਘੇ ਸੀ। ਜਦੋਂ ਸ਼ਾਹਰੁਖ ਨੇ ਕੀਤਾ ਤਾਂ ਸਾਰਿਆਂ ਨੇ ਕਿਹਾ ਹੇ ਭਗਵਾਨ, ਤੁਸੀਂ ਮਿਸਟਰ ਬੱਚਨ ਦੀ ਥਾਂ ਕਿਵੇਂ ਲੈ ਸਕਦੇ ਹੋ? ਇਹ ਸਭ ਉਦੋਂ ਵੀ ਹੋਇਆ ਸੀ।"

ਇਹ ਖ਼ਬਰ ਵੀ ਪੜ੍ਹੋ : ਰਿਤਿਕ-ਦੀਪਿਕਾ ਦੀ ਫ਼ਿਲਮ ‘ਫਾਈਟਰ’ ਦਾ ਮੋਸ਼ਨ ਪੋਸਟਰ ਰਿਲੀਜ਼, ਏਅਰਫੋਰਸ ਅਫਸਰ ਦੀ ਭੂਮਿਕਾ ’ਚ ਆਏ ਨਜ਼ਰ

'ਡੌਨ 3' ਲਈ ਰਣਵੀਰ ਸਹੀ ਕਿਉਂ ਹਨ?
ਇਸ ਬਾਰੇ ਗੱਲ ਕਰਦੇ ਹੋਏ ਕਿ ਰਣਵੀਰ 'ਡੌਨ 3' ਲਈ ਪਰਫੈਕਟ ਕਿਉਂ ਹੈ, ਫਰਹਾਨ ਨੇ ਕਿਹਾ, "ਇਹ ਇਸ ਬਾਰੇ ਹੈ ਕਿ ਕਿਵੇਂ ਇੱਕ ਅਭਿਨੇਤਾ ਆਉਂਦਾ ਹੈ ਅਤੇ ਉਸ ਦੇ ਕਿਰਦਾਰ ਨੂੰ ਢਾਲਦਾ ਹੈ ਤੇ ਉਸ ਨੂੰ ਆਪਣਾ ਸਟਾਈਲ ਦਿੰਦੈ। ਰਣਵੀਰ ਕੋਲ ਇਹ ਸਭ ਹੈ। ਉਹ ਸ਼ਾਨਦਾਰ ਹੈ। ਉਹ ਇੱਕ ਅਦਾਕਾਰ ਹੈ। ਮੈਂ ਬਹੁਤ ਵਧੀਆ ਕੰਮ ਕਰਨ ਜਾ ਰਿਹਾ ਹਾਂ। ਮੈਨੂੰ ਲੱਗਦਾ ਹੈ ਕਿ ਇਹ ਯਕੀਨੀ ਬਣਾਉਣਾ ਮੇਰੀ ਜ਼ਿਆਦਾ ਜ਼ਿੰਮੇਵਾਰੀ ਹੈ ਕਿ ਸਕ੍ਰਿਪਟ ਅਤੇ ਫਿਲਮ ਮੇਰੇ ਵਿਜ਼ਨ ਦੇ ਮੁਤਾਬਕ ਕੰਮ ਕਰੇ।" ਫ਼ਿਲਮ 'ਡੌਨ 3' ਬਾਰੇ ਅਪਡੇਟ ਦਿੰਦੇ ਹੋਏ ਫਰਹਾਨ ਨੇ ਕਿਹਾ ਕਿ ਫ਼ਿਲਮ ਜਨਵਰੀ 2025 'ਚ ਫਲੋਰ 'ਤੇ ਜਾਵੇਗੀ।
 

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8