Good News; ਵਿਆਹ ਦੇ ਤਿੰਨ ਸਾਲ ਬਾਅਦ ਮਾਂ ਬਣੀ ਮਸ਼ਹੂਰ Singer, ਬੇਟੇ ਨੂੰ ਦਿੱਤਾ ਜਨਮ
Tuesday, Dec 16, 2025 - 11:23 AM (IST)
ਮੁੰਬਈ: 'ਇੰਡੀਅਨ ਆਈਡਲ 12' ਦੀ ਫਾਈਨਲਿਸਟ ਅਤੇ ਮਸ਼ਹੂਰ ਗਾਇਕਾ ਸਾਇਲੀ ਕਾਂਬਲੇ ਮਾਂ ਬਣ ਗਈ ਹੈ। ਉਨ੍ਹਾਂ ਦੇ ਘਰ ਬੇਟੇ ਨੇ ਜਨਮ ਲਿਆ ਹੈ। ਗਾਇਕਾ ਨੇ ਇਹ ਖੁਸ਼ਖਬਰੀ ਸੋਸ਼ਲ ਮੀਡੀਆ ਅਕਾਊਂਟ ਰਾਹੀਂ ਆਪਣੇ ਪ੍ਰਸ਼ੰਸਕਾ ਨਾਲ ਸਾਂਝੀ ਕੀਤੀ ਹੈ। ਉਨ੍ਹਾਂ ਨੇ ਇੱਕ ਪੋਸਟ ਸਾਂਝੀ ਕੀਤੀ ਜਿਸ ਵਿੱਚ ਲਿਖਿਆ, "ਇੱਕ ਨਿੱਕਾ ਜਿਹਾ ਚਮਤਕਾਰ, ਉਮਰ ਭਰ ਦਾ ਪਿਆਰ। ਸਾਨੂੰ ਇਕ ਬੇਟੇ ਦਾ ਆਸ਼ੀਰਵਾਦ ਪ੍ਰਾਪਤ ਹੋਇਆ ਹੈ। ਸਾਰੀਆਂ ਪ੍ਰਾਰਥਨਾਵਾਂ ਅਤੇ ਆਸ਼ੀਰਵਾਦ ਲਈ ਤੁਹਾਡਾ ਧੰਨਵਾਦ। ਧਵਲ ਅਤੇ ਸਾਇਲੀ 12/12/2025।"
ਇਹ ਵੀ ਪੜ੍ਹੋ: ਮਨੋਰੰਜਨ ਇੰਡਸਟਰੀ 'ਚ ਛਾਇਆ ਮਾਤਮ ; ਅਮਰੀਕਾ ਦੇ ਮਸ਼ਹੂਰ ਅਦਾਕਾਰ ਦਾ ਹੋਇਆ ਦੇਹਾਂਤ
ਗਰਭ ਅਵਸਥਾ ਦੌਰਾਨ ਵੀ ਕੰਮ ਪ੍ਰਤੀ ਸਮਰਪਣ
ਜ਼ਿਕਰਯੋਗ ਹੈ ਕਿ ਸਾਇਲੀ ਨੇ ਆਪਣੇ ਪਤੀ ਧਵਲ ਪਾਟਿਲ ਨਾਲ ਇਸੇ ਸਾਲ ਅਕਤੂਬਰ ਵਿੱਚ ਆਪਣੇ ਪਹਿਲੇ ਬੱਚੇ ਦੀ ਉਮੀਦ ਬਾਰੇ ਘੋਸ਼ਣਾ ਕੀਤੀ ਸੀ। ਸਾਇਲੀ ਨੇ ਗੋਦ ਭਰਾਈ ਦੀਆਂ ਤਸਵੀਰਾਂ ਵੀ ਸਾਂਝੀਆਂ ਕੀਤੀਆਂ ਸਨ। ਦਿਲਚਸਪ ਗੱਲ ਇਹ ਹੈ ਕਿ ਗਰਭ ਅਵਸਥਾ ਦੇ 8ਵੇਂ ਮਹੀਨੇ ਵਿੱਚ ਹੋਣ ਦੇ ਬਾਵਜੂਦ ਵੀ ਸਾਇਲੀ ਨਵਰਾਤਰੀ ਸਮਾਗਮਾਂ ਵਿੱਚ ਸਰਗਰਮੀ ਨਾਲ ਪ੍ਰਦਰਸ਼ਨ ਕਰਦੀ ਰਹੀ, ਜਿਸ ਨੇ ਸੰਗੀਤ ਪ੍ਰਤੀ ਉਨ੍ਹਾਂ ਦੇ ਸਮਰਪਣ ਨੂੰ ਦਰਸਾਇਆ।
2022 ਵਿੱਚ ਹੋਇਆ ਵਿਆਹ
ਇਹ ਧਿਆਨ ਦੇਣ ਯੋਗ ਹੈ ਕਿ ਸਾਇਲੀ ਕਾਂਬਲੇ ਅਤੇ ਧਵਲ ਪਾਟਿਲ ਦਾ ਵਿਆਹ ਅਪ੍ਰੈਲ 2022 ਵਿੱਚ ਹੋਇਆ ਸੀ। ਉਨ੍ਹਾਂ ਦਾ ਵਿਆਹ ਮਰਾਠੀ ਰੀਤੀ-ਰਿਵਾਜਾਂ ਅਨੁਸਾਰ ਹੋਇਆ ਸੀ, ਜਿਸ ਵਿੱਚ ਪਰਿਵਾਰ ਅਤੇ ਨਜ਼ਦੀਕੀ ਦੋਸਤ ਸ਼ਾਮਲ ਹੋਏ ਸਨ। ਹੁਣ ਆਪਣੇ ਵਿਆਹ ਤੋਂ 3 ਸਾਲ ਬਾਅਦ ਇਸ ਜੋੜਾ ਨੇ ਆਪਣੇ ਪਹਿਲੇ ਬੱਚੇ ਦਾ ਸਵਾਗਤ ਕੀਤਾ ਹੈ।
ਇਹ ਵੀ ਪੜ੍ਹੋ: ਇਕ ਗਾਣੇ ਨਾਲ ਸਟਾਰ ਬਣੀ Actress, ਬਿੱਗ ਬੌਸ ਤੋਂ ਮਿਲੀ ਪਛਾਣ, 42 ਸਾਲ ਦੀ ਉਮਰ 'ਚ ਹੋਇਆ ਦੇਹਾਂਤ
