ਅੱਜ ਭਾਰਤੀ ਸਿੰਘ, ਰਿਆ ਚੱਕਰਵਰਤੀ ਤੇ ਐਲਵਿਸ਼ ਤੋਂ ਹੋਵੇਗੀ ਪੁੱਛਗਿੱਛ, ਖੁੱਲਣਗੇ ਕਈ ਰਾਜ਼

ਮੁੰਬਈ (ਬਿਊਰੋ) - ਕਾਮੇਡੀਅਨ ਭਾਰਤੀ ਅਤੇ ਰਿਆ ਚੱਕਰਵਰਤੀ ਨਾਲ ਐਲਵਿਸ਼ ਯਾਦਵ, ਲਕਸ਼ੈ ਚੌਧਰੀ, ਅਭਿਸ਼ੇਕ ਮਲਹਾਨ, ਪੂਰਵਾ ਝਾਅ ਇੱਕ ਨਵੇਂ ਕੇਸ 'ਚ ਉਲਝਦੇ ਨਜ਼ਰ ਆ ਰਹੇ ਹਨ। ਦਿੱਲੀ ਪੁਲਸ ਦੇ ਸਪੈਸ਼ਲ ਸੈੱਲ ਦੀ IFSO ਯੂਨਿਟ ਨੇ HiBox ਨਿਵੇਸ਼ ਘੁਟਾਲੇ ਦੇ ਮੁੱਖ ਦੋਸ਼ੀ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਇਸ ਮਾਮਲੇ ‘ਚ ਇਨ੍ਹਾਂ ਸਾਰੇ ਲੋਕਾਂ ਦੇ ਨਾਂ ਸਾਹਮਣੇ ਆਏ ਹਨ। ਉਹ ਕੰਪਨੀ ਦੇ ਮੁੱਖ ਸਾਜ਼ਿਸ਼ਕਰਤਾਵਾਂ 'ਚੋਂ ਇੱਕ ਹੈ, ਨਾਲ ਹੀ ਭੁਗਤਾਨ ਗੇਟਵੇ ਅਤੇ ਨਿਵੇਸ਼ ਭੁਗਤਾਨਾਂ ਲਈ ਵਰਤੇ ਜਾਂਦੇ ਚਾਰ ਬੈਂਕ ਖਾਤਿਆਂ ਦਾ ਮਾਲਕ ਹੈ। ਦਿੱਲੀ ਪੁਲਸ ਦੇ ਸਪੈਸ਼ਲ ਸੈੱਲ ਦੀ IFSO ਯੂਨਿਟ ਅਨੁਸਾਰ, ਇਨ੍ਹਾਂ YouTubers ਨੂੰ ਨੋਟਿਸ ਜਾਰੀ ਕੀਤਾ ਗਿਆ ਹੈ, ਇਨ੍ਹਾਂ 'ਚ ਐਲਵਿਸ਼ ਯਾਦਵ, ਲਕਸ਼ੈ ਚੌਧਰੀ, ਅਭਿਸ਼ੇਕ ਮਲਹਾਨ ਅਤੇ ਪੂਰਵਾ ਝਾਅ ਸ਼ਾਮਲ ਹਨ। ਸਾਰਿਆਂ ਨੂੰ 4 ਅਕਤੂਬਰ ਨੂੰ ਯਾਨੀਕਿ ਅੱਜ ਪੁੱਛਗਿੱਛ ਲਈ ਹਾਜ਼ਰ ਹੋਣਾ ਪਵੇਗਾ। ਅੱਜ ਇਨ੍ਹਾਂ ਸਾਰਿਆਂ ਤੋਂ ਪੁੱਛਗਿੱਛ ਕੀਤੀ ਜਾ ਸਕਦੀ ਹੈ।

ਇਹ ਖ਼ਬਰ ਵੀ ਪੜ੍ਹੋ - ਕੰਗਨਾ ਦੇ ਬਿਆਨ 'ਤੇ ਮੁੜ ਗਰਮਾਈ ਪੰਜਾਬ ਦੀ ਸਿਆਸਤ, ਕਰ ਰਹੇ ਅਜਿਹੀ ਮੰਗ

ਬੈਂਕ ਖਾਤੇ ਕੀਤਾ ਬਲਾਕ
ਇਸ ਦੇ ਚਾਰੋਂ ਬੈਂਕ ਖਾਤਿਆਂ ਨੂੰ ਬਲਾਕ ਕਰ ਦਿੱਤਾ ਗਿਆ ਹੈ ਅਤੇ ਲਗਭਗ 18 ਕਰੋੜ ਰੁਪਏ ਦੀ ਰਕਮ ਜ਼ਬਤ ਕੀਤੀ ਗਈ ਹੈ। ਕੁਝ ਸਹਿ-ਸਾਜ਼ਿਸ਼ਕਾਰ ਅਜੇ ਵੀ ਫ਼ਰਾਰ ਹਨ। FSO ਯੂਨਿਟ, ਸਪੈਸ਼ਲ ਸੈੱਲ, ਦਿੱਲੀ ਪੁਲਸ ਨੇ ਇੱਕ ਅਜਿਹੇ ਗਿਰੋਹ ਦਾ ਪਰਦਾਫ਼ਾਸ਼ ਕੀਤਾ ਹੈ, ਜੋ “HIBOX” ਐਪਲੀਕੇਸ਼ਨ 'ਚ ਨਿਵੇਸ਼ ਕਰਨ ਦੇ ਬਹਾਨੇ ਲੋਕਾਂ ਨੂੰ ਠੱਗਦਾ ਸੀ। IFSO ਯੂਨਿਟ, ਸਪੈਸ਼ਲ ਸੈੱਲ, ਦਿੱਲੀ ਪੁਲਸ ਦੁਆਰਾ “HIBOX” ਧੋਖਾਧੜੀ ਨਾਲ ਸਬੰਧਤ ਦੋ ਮਾਮਲਿਆਂ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਹੁਣ ਤੱਕ ਕੁੱਲ 151 ਸ਼ਿਕਾਇਤਾਂ ਮਿਲੀਆਂ ਹਨ। ਮੁੱਖ ਦੋਸ਼ੀ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ, ਜਿਸ ਦੇ ਚਾਰ ਬੈਂਕ ਖਾਤੇ ਸਨ, ਇਨ੍ਹਾਂ ਖਾਤਿਆਂ ‘ਚੋਂ 18 ਕਰੋੜ ਰੁਪਏ ਜ਼ਬਤ ਕੀਤੇ ਗਏ। ਕਰੀਬ 500 ਕਰੋੜ ਰੁਪਏ ਦੀ ਧੋਖਾਧੜੀ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਸੋਸ਼ਲ ਮੀਡੀਆ ਪ੍ਰਭਾਵਕਾਂ/ਯੂਟਿਊਬਰਾਂ ਨੂੰ ਨੋਟਿਸ ਜਾਰੀ ਕੀਤੇ ਗਏ ਹਨ।

ਇਹ ਖ਼ਬਰ ਵੀ ਪੜ੍ਹੋ - ਪੰਜਾਬ ਬਾਰੇ ਦਿੱਤੇ ਵਿਵਾਦਤ ਬਿਆਨ ਕਰਕੇ ਮੁੜ ਸੁਰਖੀਆਂ 'ਚ ਕੰਗਨਾ, ਫਿਰ ਮੰਗੇਗੀ ਮੁਆਫ਼ੀ!

ਮੋਬਾਇਲ ਐਪਲੀਕੇਸ਼ਨ ਰਾਹੀਂ ਹੋ ਰਹੀ ਸੀ ਧੋਖਾਧੜੀ
“EASEBUZZ” ਅਤੇ “PHONEPE” ਦੀ ਭੂਮਿਕਾ ਜਾਂਚ ਅਧੀਨ ਹੈ। IFSO ਯੂਨਿਟ ਨੇ ਇੱਕ ਵਿਅਕਤੀ ਨੂੰ ਗ੍ਰਿਫ਼ਤਾਰ ਕੀਤਾ ਹੈ, ਜੋ ਕਿ HIBOX ਮੋਬਾਈਲ ਐਪਲੀਕੇਸ਼ਨ ਰਾਹੀਂ 30,000 ਤੋਂ ਵੱਧ ਲੋਕਾਂ ਨੂੰ ਠੱਗਣ ਵਾਲੇ ਵੱਡੇ ਪੱਧਰ ‘ਤੇ ਧੋਖਾਧੜੀ ਦਾ ਮੁੱਖ ਦੋਸ਼ੀ ਹੈ। ਇਸ ਧੋਖਾਧੜੀ ਵਿੱਚ, ਨਿਵੇਸ਼ਕਾਂ ਨੂੰ 1% ਤੋਂ 5% ਤੱਕ ਰੋਜ਼ਾਨਾ ਵਿਆਜ ਦਰਾਂ ਦਾ ਝੂਠਾ ਭਰੋਸਾ ਦੇ ਕੇ ਉੱਚ ਰਿਟਰਨ ਦਾ ਵਾਅਦਾ ਕੀਤਾ ਗਿਆ ਸੀ। ਬਹੁਤ ਸਾਰੇ ਪੀੜਤਾਂ ਨੂੰ ਸੋਸ਼ਲ ਮੀਡੀਆ ਇੰਫਲੂਐਂਸਰਸ ਅਤੇ YouTubers ਦੁਆਰਾ ਇਸ ਐਪ 'ਚ ਨਿਵੇਸ਼ ਕਰਨ ਲਈ ਪ੍ਰੇਰਿਤ ਕੀਤਾ ਗਿਆ ਸੀ।

ਇਹ ਖ਼ਬਰ ਵੀ ਪੜ੍ਹੋ - ਹਿਨਾ ਖ਼ਾਨ ਦਾ ਇਹ ਕਦਮ ਮਾਪਿਆ 'ਤੇ ਪਿਆ ਭਾਰੀ, ਰਿਸ਼ਤੇਦਾਰਾਂ ਨੇ ਵੀ ਮੋੜ ਲਿਆ ਮੂੰਹ

ਸੂਤਰਾਂ ਮੁਤਾਬਕ ਸਪੈਸ਼ਲ ਸੈੱਲ ਇਸ ਮਾਮਲੇ ‘ਚ ਫੋਨ ਪੇ (ਫੋਨ ਪੇ) ਅਤੇ ਪੇਮੈਂਟ ਗੇਟਵੇ ਦੀ ਭੂਮਿਕਾ ਦੀ ਜਾਂਚ ਕਰ ਰਿਹਾ ਹੈ, ਇਹ ਦੋਵੇਂ ਪੇਮੈਂਟ ਮੋਡ ਹਨ, ਜੋ ਸਪੈਸ਼ਲ ਸੈੱਲ ਦੇ ਰਡਾਰ ‘ਤੇ ਹਨ। ਸਪੈਸ਼ਲ ਸੈੱਲ ਨੇ ਕਾਮੇਡੀਅਨ ਭਾਰਤੀ ਨੂੰ ਐੱਸ. ਐੱਮ. ਐੱਸ. ਰੀਆ ਚੱਕਰਵਰਤੀ ਨੂੰ ਵੀ ਸਪੈਸ਼ਲ ਸੈੱਲ IFSO ਵੱਲੋਂ ਜਲਦੀ ਹੀ ਤਲਬ ਕੀਤਾ ਜਾਵੇਗਾ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।