ਫਿਲਮ "ਲਵ ਐਂਡ ਵਾਰ" ਤੋਂ ਰਣਬੀਰ ਕਪੂਰ ਦੇ 2 ਨਵੇਂ ਪੋਸਟਰ ਜਾਰੀ

ਮੁੰਬਈ (ਏਜੰਸੀ)- ਸੰਜੇ ਲੀਲਾ ਭੰਸਾਲੀ ਦੀ ਆਉਣ ਵਾਲੀ ਫਿਲਮ "ਲਵ ਐਂਡ ਵਾਰ" ਤੋਂ ਰਣਬੀਰ ਕਪੂਰ ਦੇ 2 ਨਵੇਂ ਪੋਸਟਰ ਜਾਰੀ ਕੀਤੇ ਗਏ ਹਨ। ਫਿਲਮ ਵਿੱਚ ਰਣਬੀਰ ਕਪੂਰ ਦੇ ਨਾਲ ਆਲੀਆ ਭੱਟ ਅਤੇ ਵਿੱਕੀ ਕੌਸ਼ਲ ਮੁੱਖ ਭੂਮਿਕਾਵਾਂ ਵਿੱਚ ਹਨ। ਨਵੇਂ ਪੋਸਟਰਾਂ ਵਿੱਚ ਰਣਬੀਰ ਕਪੂਰ ਨੀਲੇ ਰੰਗ ਦੀ ਕਾਰ ਵਿੱਚ ਬੈਠੇ ਦਿਖਾਈ ਦੇ ਰਹੇ ਹਨ। ਉਨ੍ਹਾਂ ਦੇ ਚਿਹਰੇ 'ਤੇ ਤੀਬਰਤਾ ਉਨ੍ਹਾਂ ਦੇ ਕਿਰਦਾਰ ਦੀ ਝਲਕ ਦਿੰਦੀ ਹੈ।

ਪੋਸਟਰਾਂ ਦੇ ਨਾਲ ਰਿਲੀਜ਼ ਕੀਤਾ ਗਿਆ ਬੈਕਗ੍ਰਾਊਂਡ ਸੰਗੀਤ ਵੀ ਫਿਲਮ ਦੇ ਸ਼ਾਨਦਾਰ ਅਤੇ ਰੋਮਾਂਟਿਕ ਮਾਹੌਲ ਨੂੰ ਦਰਸਾਉਂਦਾ ਹੈ। ਸੰਜੇ ਲੀਲਾ ਭੰਸਾਲੀ ਦੁਆਰਾ ਨਿਰਦੇਸ਼ਤ "ਲਵ ਐਂਡ ਵਾਰ" ਦੀ ਘੋਸ਼ਣਾ ਦੇ ਬਾਅਦ ਤੋਂ ਹੀ ਦਰਸ਼ਕ ਉਤਸੁਕ ਹਨ। ਇਹ ਪਹਿਲੀ ਵਾਰ ਹੈ ਜਦੋਂ ਇਸ ਫਿਲਮ ਵਿੱਚ ਰਣਬੀਰ, ਆਲੀਆ ਅਤੇ ਵਿੱਕੀ ਇਕੱਠੇ ਦਿਖਾਈ ਦੇਣਗੇ। "ਲਵ ਐਂਡ ਵਾਰ" 21 ਜਨਵਰੀ 2027 ਨੂੰ ਦੁਨੀਆ ਭਰ ਵਿੱਚ ਹਿੰਦੀ, ਤਾਮਿਲ ਅਤੇ ਤੇਲਗੂ ਵਿੱਚ ਰਿਲੀਜ਼ ਕੀਤੀ ਜਾਵੇਗੀ।