CAR ACCIDENT:ਅਦਾਕਾਰਾ ਮਲਾਇਕਾ ਅਰੋੜਾ ਹੋਈ ਸੜਕ ਹਾਦਸੇ ਦੀ ਸ਼ਿਕਾਰ

ਮੁੰਬਈ- ਅਦਾਕਾਰਾ ਅਤੇ ਮਾਡਲ ਮਲਾਇਕਾ ਅਰੋੜਾ ਸ਼ਨੀਵਾਰ ਸ਼ਾਮ ਕਰੀਬ 4.45 ਵਜੇ ਮੁੰਬਈ-ਪੁਣੇ ਐਕਸਪ੍ਰੈੱਸ ਵੇਅ ’ਤੇ ਖੋਪੋਲੀ ਕੋਲ ਸੜਕ ਹਾਦਸੇ ਵਿਚ ਮਾਮੂਲੀ ਤੌਰ ’ਤੇ ਜ਼ਖਮੀ ਹੋ ਗਈ। ਉਹ ਪੁਣੇ ਤੋਂ ਮੁੰਬਈ ਪਰਤ ਰਹੀ ਸੀ।

ਜਾਣਕਾਰੀ ਅਨੁਸਾਰ ਇਕ ਬੱਸ ਅਤੇ 2 ਕਾਰਾਂ ਵਿਚਾਲੇ ਟੱਕਰ ਹੋਈ ਅਤੇ ਉਨ੍ਹਾਂ ਵਿਚੋਂ ਇਕ ਨੇ ਮਲਾਇਕਾ ਦੀ. ਐੱਸ. ਯੂ. ਵੀ. ਨੂੰ ਟੱਕਰ ਮਾਰ ਦਿੱਤੀ। ਜਿਸ ਸਮੇਂ ਹਾਦਸਾ ਵਾਪਰਿਆ, ਉਸ ਸਮੇਂ ਮਹਾਰਾਸ਼ਟਰ ਨਵਨਿਰਮਾਣ ਫੌਜ (ਮਨਸੇ) ਦਾ ਇਕ ਨੇਤਾ ਵੀ ਉੱਥੇ ਗੁਜਰ ਰਿਹਾ ਸੀ, ਜੋ ਅਦਾਕਾਰਾ ਨੂੰ ਆਪਣੀ ਕਾਰ ’ਚ ਮੁੰਬਈ ਲੈ ਆਇਆ ਅਤੇ ਇਕ ਹਸਪਤਾਲ ਵਿੱਚ ਭਰਤੀ ਕਰਵਾਇਆ।

ਦੋਸਤ ਨੇ ਦਿੱਤਾ ਅਪਡੇਟ
ਮਲਾਇਕਾ ਅਰੋੜਾ ਦੇ ਕਰੀਬੀ ਦੋਸਤ ਨੇ ਇਕ ਨਿਊਜ਼ ਪੋਰਟਲ ਨੂੰ ਦੱਸਿਆ ਕਿ ਮਲਾਇਆ ਅਰੋੜਾ ਨੂੰ ਟਾਂਕੇ ਲੱਗੇ ਹਨ ਅਤੇ ਹੁਣ ਉਹ ਠੀਕ ਮਹਿਸੂਸ ਕਰ ਰਹੀ ਹੈ। ਹਾਲਾਂਕਿ ਮਲਾਇਕਾ ਅਰੋੜਾ ਆਪਣੇ ਇਸ ਐਕਸੀਡੈਂਟ ਨਾਲ ਥੋੜਾ ਸਦਮ 'ਚ ਚਲੀ ਗਈ ਹੈ। ਹੁਣ ਉਹ ਬਿਹਤਰ ਹੈ। ਉਨ੍ਹਾਂ ਨੂੰ ਸਿਰ 'ਤੇ ਕੁਝ ਜ਼ਿਆਦਾ ਸੱਟ ਨਹੀਂ ਲੱਗੀ ਹੈ, ਕਿਉਂਕਿ ਅਦਾਕਾਰਾ ਨੇ ਆਪਣੇ ਸਿਰ ਦੇ ਕੋਲ ਕੁਸ਼ਨ ਰੱਖਿਆ ਹੋਇਆ ਹੈ।

ਤੁਹਾਨੂੰ ਦੱਸ ਦੇਈਏ ਕਿ ਮਲਾਇਕਾ ਬਾਲੀਵੁੱਡ ਦਾ ਜਾਣਿਆ ਪਛਾਣਿਆ ਚਿਹਰਾ ਹੈ। ਫਿਲਮ 'ਚ ਉਨ੍ਹਾਂ ਨੇ ਕਈ ਆਈਟਮ ਨੰਬਰ ਦਿੱਤੇ ਹਨ। ਇਸ ਤੋਂ ਇਲਾਵਾ ਉਹ ਟੀ.ਵੀ. ਸ਼ੋਅਜ਼ ਜੱਜ ਕਰਦੀ ਦਿਖਦੀ ਹੈ।