ਕੈਂਸਰ ਪੀੜਤਾ ਹਿਨਾ ਖ਼ਾਨ ਦੀ ਹੋਈ ਸਰਜਰੀ, ਹਸਪਤਾਲ ਸਟਾਫ ਨੇ ਚਿੱਠੀ ਲਿਖ ਕੇ ਅਦਾਕਾਰਾ ਨੂੰ ਦਿੱਤੀ ਹਿੰਮਤ

ਮੁੰਬਈ- ਹਿਨਾ ਖ਼ਾਨ ਇਨ੍ਹੀਂ ਦਿਨੀਂ ਬ੍ਰੈਸਟ ਕੈਂਸਰ ਨਾਲ ਜੂਝ ਰਹੀ ਹੈ। ਅਦਾਕਾਰਾ ਦਾ ਇਲਾਜ ਚੱਲ ਰਿਹਾ ਹੈ। ਹਾਲ ਹੀ 'ਚ ਉਨ੍ਹਾਂ ਦੀ ਸਰਜਰੀ ਹੋਈ ਹੈ। ਹਿਨਾ ਖ਼ਾਨ ਇਸ ਸਮੇਂ ਕਾਫੀ ਪਰੇਸ਼ਾਨੀ 'ਚੋਂ ਗੁਜ਼ਰ ਰਹੀ ਹੈ। ਹਿਨਾ ਸੋਸ਼ਲ ਮੀਡੀਆ ਪੋਸਟਾਂ ਰਾਹੀਂ ਆਪਣੇ ਪ੍ਰਸ਼ੰਸਕਾਂ ਨੂੰ ਆਪਣੀ ਸਿਹਤ ਬਾਰੇ ਜਾਣਕਾਰੀ ਦਿੰਦੀ ਰਹਿੰਦੀ ਹੈ। ਅਦਾਕਾਰਾ ਨੇ ਇਕ ਇੰਸਟਾਗ੍ਰਾਮ ਪੋਸਟ ਰਾਹੀਂ ਜਾਣਕਾਰੀ ਦਿੱਤੀ ਹੈ ਕਿ ਉਸ ਨੇ ਸਰਜਰੀ ਕਰਵਾਈ ਹੈ। ਇਸ ਦੌਰਾਨ ਹਾਊਸਕੀਪਿੰਗ ਵਿਭਾਗ ਨੇ ਇੱਕ ਪੱਤਰ ਲਿਖ ਕੇ ਅਦਾਕਾਰਾ ਨੂੰ ਉਤਸ਼ਾਹਿਤ ਕੀਤਾ।

ਅਦਾਕਾਰਾ ਦੇ ਫੈਨਜ਼ ਉਸ ਨੂੰ ਮੁਸੀਬਤ 'ਚ ਦੇਖ ਕੇ ਪਰੇਸ਼ਾਨ ਹਨ। ਹਰ ਕੋਈ ਉਸ ਲਈ ਪ੍ਰਾਰਥਨਾ ਕਰ ਰਿਹਾ ਹੈ। ਹੁਣ ਜਦੋਂ ਉਸ ਦਾ ਅਪਰੇਸ਼ਨ ਹੋ ਗਿਆ ਹੈ ਤਾਂ ਹਸਪਤਾਲ ਦਾ ਸਟਾਫ਼ ਵੀ ਉਸ ਨੂੰ ਹੌਂਸਲਾ ਦੇਣ ਵਿੱਚ ਲੱਗਾ ਹੋਇਆ ਹੈ। ਹਿਨਾ ਖਾਨ ਨੇ ਇੰਸਟਾਗ੍ਰਾਮ 'ਤੇ ਇਕ ਤਸਵੀਰ ਸ਼ੇਅਰ ਕੀਤੀ ਹੈ, ਜਿਸ 'ਚ ਉਹ ਹਸਪਤਾਲ ਦੇ ਬੈੱਡ 'ਤੇ ਨਜ਼ਰ ਆ ਰਹੀ ਹੈ ਅਤੇ ਉਸ ਦੇ ਹੱਥ 'ਚ ਇਕ ਚਿੱਠੀ ਹੈ। ਇਸ 'ਤੇ ਲਿਖਿਆ ਹੈ, 'ਡੀਅਰ ਹਿਨਾ ਖਾਨ, ਮੈਂ ਜਾਣਦੀ ਹਾਂ ਕਿ ਇਹ ਸਰਜਰੀ ਤੁਹਾਡੇ ਲਈ ਬਹੁਤ ਦਰਦਨਾਕ ਰਹੀ ਹੈ, ਪਰ ਮੈਨੂੰ ਖੁਸ਼ੀ ਹੈ ਕਿ ਤੁਸੀਂ ਪੂਰੀ ਤਰ੍ਹਾਂ ਠੀਕ ਹੋਣ ਦੇ ਰਾਹ 'ਤੇ ਹੋ। ਤੁਸੀਂ ਠੀਕ ਹੋ ਰਹੇ ਹੋ'।

ਇਸ ਤੋਂ ਇਲਾਵਾ ਲਿਖਿਆ ਹੈ, 'ਤੁਸੀਂ ਜਲਦੀ ਠੀਕ ਹੋਵੋ।' ਤੁਹਾਡੇ ਲਈ ਪ੍ਰਾਰਥਨਾਵਾਂ, ਉਮੀਦ ਹੈ ਕਿ ਤੁਸੀਂ ਜਲਦੀ ਠੀਕਹੋ ਜਾਓਗੇ। ਹਿਨਾ ਖਾਨ ਨੇ ਇਸ ਚਿੱਠੀ ਦੇ ਨਾਲ ਲਿਖਿਆ, ਤੁਹਾਡਾ'ਪਿਆਰ ਹੀ ਮੈਨੂੰ ਬਿਹਤਰ ਮਹਿਸੂਸ ਕਰਵਾਉਂਦਾ ਹੈ। ਮੈਨੂੰ ਇਹ ਪੱਤਰ ਹਾਊਸਕੀਪਿੰਗ ਵਿਭਾਗ ਤੋਂ ਮਿਲਿਆ ਹੈ। ਇਸ ਤੋਂ ਇਲਾਵਾ ਹਿਨਾ ਖ਼ਾਨ ਨੇ ਇੱਕ ਹੋਰ ਪੋਸਟ 'ਚ ਲਿਖਿਆ ਹੈ ਕਿ ਉਹ ਬਹੁਤ ਦਰਦ 'ਚ ਹੈ। ਹਿਨਾ ਨੇ ਲਿਖਿਆ, 'ਲਗਾਤਾਰ ਦਰਦ ਹੈ, ਲਗਾਤਾਰ। ਕੋਈ ਅਜੇ ਵੀ ਦਰਦ 'ਚ ਹੈ ਪਰ, ਇਸ ਦਾ ਜ਼ਿਕਰ ਨਹੀਂ ਕਰਦਾ? ਦਰਦ ਜਾਰੀ ਹੈ, ਫਿਰ ਵੀ ਮੂੰਹੋਂ ਇੱਕੋ ਗੱਲ ਨਿਕਲਦੀ ਹੈ, 'ਮੈਂ ਠੀਕ ਹਾਂ, ਅਜੇ ਵੀ ਦਰਦ ਹੈ'।