ਬਿੱਗ ਬੌਸ 14 : ਘਰ ''ਚ ਆਉਂਦੇ ਹੀ ਬਦਲੇ ਅਲੀ ਗੋਨੀ ਦੇ ਤੇਵਰ, ਜੈਸਮੀਨ ਨੂੰ ਸੁਣਾਈਆਂ ਖਰੀਆਂ-ਖੋਟੀਆਂ
11/07/2020 11:39:17 AM
ਨਵੀਂ ਦਿੱਲੀ (ਬਿਊਰੋ) : ਰਿਐਲਿਟੀ ਟੀ. ਵੀ. ਸ਼ੋਅ 'ਬਿੱਗ ਬੌਸ 14' 'ਚ ਅਲੀ ਗੋਨੀ ਨੇ ਐਂਟਰੀ ਕਰ ਲਈ ਹੈ। ਹਾਲ ਹੀ ਕਲਰਸ ਟੀ. ਵੀ. ਨੇ ਇੰਸਟਾਗ੍ਰਾਮ 'ਤੇ ਇਕ ਵੀਡੀਓ ਸਾਂਝੀ ਕੀਤੀ ਹੈ, ਜਿਸ 'ਚ ਅਲੀ ਗੋਨੀ ਆਪਣੀ ਦੋਸਤ ਜੈਸਮੀਨ ਭਸੀਨ 'ਤੇ ਚਿਲਾਉਂਦੇ ਹੋਏ ਨਜ਼ਰ ਆਏ। ਜੈਸਮੀਨ ਭਸੀਨ ਘਰ ਦੀ ਕੈਪਟਨ ਹੈ। 'ਬਿੱਗ ਬੌਸ' ਦੇ ਘਰ 'ਚ ਅਸੀਂ ਅਕਸਰ ਲੋਕਾਂ ਵਿਚਕਾਰ ਸਮੀਕਰਨ ਬਦਲਦੇ ਦੇਖਦੇ ਹਾਂ। ਅਲੀ ਬਤੌਰ ਵਾਈਲਡ ਕਾਰਡ ਕੰਟੈਸਟੈਂਟ ਘਰ 'ਚ ਆਏ ਹਨ। ਉਹ ਆਪਣੀ ਪ੍ਰੇਮਿਕਾ ਜੈਸਮੀਨ ਭਸੀਨ ਦਾ ਸਮਰਥਨ ਕਰਦਿਆਂ ਨਜ਼ਰ ਆਏ ਸਨ। ਦੋਵੇਂ ਇਕ-ਦੂਜੇ ਪ੍ਰਤੀ ਕਾਫ਼ੀ ਭਾਵੁਕ ਵੀ ਸਨ।
ਹੁਣ 'ਬਿੱਗ ਬੌਸ' ਵੱਲੋਂ ਜਾਰੀ ਵੀਡੀਓ 'ਚ ਅਸੀਂ ਅਲੀ ਗੋਨੀ ਨੂੰ ਜੈਸਮੀਨ ਭਸੀਨ 'ਤੇ ਚਿਲਾਉਂਦੇ ਹੋਏ ਦੇਖ ਸਕਦੇ ਹਾਂ। ਦਰਅਸਲ ਘਰ ਵਾਲਿਆਂ ਨੇ ਏਜੰਲ ਤੇ ਡੇਵਿਲ ਦੇ ਹੈੱਡ ਬੈਂਡ ਪਹਿਨ ਕੇ ਰੱਖੇ ਹਨ। ਰੂਬੀਨਾ ਤੇ ਅਭਿਨਵ ਏਜੰਲ ਬਣੇ ਹੋਏ ਹਨ ਤੇ ਉਹ ਘਰ ਦੇ ਡੇਵਿਲ ਦੇ ਨਿਯਮਾਂ ਦਾ ਪਾਲਨ ਕਰਦੇ ਹਨ। ਜਦਕਿ ਘਰ 'ਚ ਡੇਵਿਲ ਦੇ ਤੌਰ 'ਤੇ ਨਿੱਕੀ ਤੰਬੋਲੀ, ਅਲੀ ਗੋਨੀ ਤੇ ਏਜਾਜ਼ ਖ਼ਾਨ ਹੈ। ਟਾਸਕ ਵਿਚਕਾਰ ਅਸੀਂ ਦੇਖਦੇ ਹਾਂ ਕਿ ਅਲੀ ਨਿੱਕੀ ਨੂੰ ਕਹਿੰਦੇ ਹਨ ਕਿ ਉਹ ਰੂਬੀਨਾ ਨੂੰ ਕਹਿਣ ਕਿ ਉਹ ਆਪਣੀ ਪਸੰਦੀਦਾ ਡਾਲ ਨੂੰ ਖ਼ਰਾਬ ਕਰ ਦੇਣ।
ਜੈਸਮੀਨ ਇਸ ਟਾਸਕ ਦੀ ਸੰਚਾਲਕ ਹੁੰਦੀ ਹੈ। ਉਹ ਅਸਿੱਧੇ ਤੌਰ 'ਤੇ ਰੂਬੀਨਾ ਦੀ ਮਦਦ ਕਰਦੀ ਹੈ ਤੇ ਅਲੀ ਦੀ ਗੱਲ 'ਤੇ ਧਿਆਨ ਨਹੀਂ ਦਿੰਦੀ। ਇਸ ਨਾਲ ਅਲੀ ਨੂੰ ਗੁੱਸਾ ਆ ਜਾਂਦਾ ਹੈ ਤੇ ਉਹ ਜੈਸਮੀਨ 'ਤੇ ਚਿਲਾਉਣ ਲੱਗਦੇ ਹਨ ਤੇ ਕਹਿੰਦੇ ਹਨ ਕਿ ਉਹ ਰੂਬੀਨਾ ਪ੍ਰਤੀ ਮਦਦਗਾਰ ਹੈ। ਅਲੀ ਗੋਨੀ ਹਾਲ ਹੀ 'ਚ 'ਬਿੱਗ ਬੌਸ' ਦੇ ਘਰ 'ਚ ਐਂਟਰ ਹੋਏ ਹਨ। ਅਲੀ ਗੋਨੀ ਨੇ ਨਿੱਕੀ ਤੰਬੋਲੀ ਨੂੰ ਸਵੀਟ ਦੱਸਿਆ ਸੀ ਪਰ ਇਸ 'ਤੇ ਜੈਸਮੀਨ ਨੇ ਉਨ੍ਹਾਂ ਨੂੰ ਕਿਹਾ ਸੀ ਕਿ ਉਹ ਉਨ੍ਹਾਂ ਨੂੰ ਪਸੰਦ ਨਹੀਂ ਕਰਦੇ ਤੇ ਉਨ੍ਹਾਂ ਨੇ ਵੀ ਨਹੀਂ ਕਰਨਾ ਚਾਹੀਦਾ।