ਮਾਲਦੀਵ ''ਚ ਸੈਰ ਸਪਾਟੇ ''ਤੇ ਗਏ ਬਾਦਸ਼ਾਹ ਦੇ ਮੂੰਹ ਦੀ ਚਮੜੀ ਝੁਲਸੀ, ਤਸਵੀਰਾਂ ਵਾਇਰਲ
10/24/2020 12:17:02 PM
ਮੁੰਬਈ (ਬਿਊਰੋ) — ਮਸ਼ਹੂਰ ਰੈਪਰ ਬਾਦਸ਼ਾਹ ਇੰਨੀਂ ਦਿਨੀਂ ਮਾਲਦੀਵ 'ਚ ਇੰਜੁਆਏ ਕਰ ਰਹੇ ਹਨ ਪਰ ਇਸੇ ਦੌਰਾਨ ਉਨ੍ਹਾਂ ਦੇ ਚਿਹਰੇ (ਮੂੰਹ) ਦਾ ਬੁਰਾ ਹਾਲ ਹੋ ਗਿਆ ਹੈ। ਦਰਅਸਲ, ਹਾਲ ਹੀ 'ਚ ਬਾਦਸ਼ਾਹ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਕੁਝ ਤਸਵੀਰਾਂ ਸਾਂਝੀਆਂ ਕੀਤੀਆਂ ਹਨ, ਜਿਨ੍ਹਾਂ 'ਚੋਂ ਇਕ ਤਸਵੀਰ 'ਚ ਬਾਦਸ਼ਾਹ ਦੇ ਮੂੰਹ ਦੀ ਚਮੜੀ 'ਤੇ ਕੁਝ ਹੋਇਆ ਸਾਫ਼ ਨਜ਼ਰ ਆ ਰਿਹਾ ਹੈ। ਇਸ ਸਭ ਨੂੰ ਦੇਖ ਕੇ ਕਈ ਲੋਕ ਉਨ੍ਹਾਂ ਦਾ ਮਜ਼ਾਕ ਉਡਾ ਰਹੇ ਹਨ।
ਦੱਸ ਦਈਏ ਕਿ ਬਾਦਸ਼ਾਹ ਦਾ ਚਿਹਰਾ ਧੁੱਪ ਕਾਰਨ ਖ਼ਰਾਬ ਹੋਇਆ ਹੈ। ਉਨ੍ਹਾਂ ਦੇ ਚਿਹਰੇ ਦੀ ਚਮੜੀ ਧੁੱਪ ਕਾਰਨ ਸੜ੍ਹ ਗਈ ਹੈ। ਯਾਨੀਕਿ ਰੈਪਰ ਸਨਬਰਨ ਦਾ ਸ਼ਿਕਾਰ ਹੋ ਗਏ ਹਨ। ਬਾਦਸ਼ਾਹ ਨੇ ਇਨ੍ਹਾਂ ਤਸਵੀਰਾਂ ਨੂੰ ਸ਼ੇਅਰ ਕਰਦਿਆਂ ਕੈਪਸ਼ਨ 'ਚ ਲਿਖਿਆ, 'Sunburnt।' ਬਾਦਸ਼ਾਹ ਦੇ ਤਸਵੀਰਾਂ ਸ਼ੇਅਰ ਕਰਦਿਆਂ ਹੀ ਪ੍ਰਸ਼ੰਸਕਾਂ ਨੇ ਕੁਮੈਟ ਕਰਨੇ ਸ਼ੁਰੂ ਕਰ ਦਿੱਤੇ।
ਇਕ ਪ੍ਰਸ਼ੰਸਕ ਨੇ ਹੈਰਾਨੀ ਜਤਾਉਂਦੇ ਹੋਏ ਲਿਖਿਆ, 'ਕਿਵੇਂ? ਕਦੋ?' ਉਥੇ ਹੀ ਦੂਜੇ ਪ੍ਰਸ਼ੰਸਕ ਨੇ ਉਨ੍ਹਾਂ ਨੂੰ ਚਿਹਰੇ 'ਤੇ ਐਲੋਵੀਰਾ ਲਾਉਣ ਦੀ ਸਹਾਲ ਦਿੱਤੀ। ਕਈਆਂ ਨੇ ਮਜ਼ਾਕ ਉਡਾਉਂਦੇ ਹੋਏ ਲਿਖਿਆ, 'ਭਰਾ ਸੂਰਜ 'ਤੇ ਹੀ ਚਲਾ ਗਿਆ ਸੀ?
ਵਰਕਫਰੰਟ ਦੀ ਗੱਲ ਕਰੀਏ ਤਾਂ ਬਾਦਸ਼ਾਹ ਨੇ ਹਾਲ ਹੀ 'ਚ ਸ਼ਾਹਰੁਖ ਖ਼ਾਨ ਦੀ ਆਈ. ਪੀ. ਐੱਲ. ਟੀਮ, ਕੋਲਕਾਤਾ ਨਾਈਟ ਰਾਈਡਰਸ ਲਈ ਇਕ ਗੀਤ ਰਿਲੀਜ਼ ਕੀਤਾ ਹੈ। ਇਸ ਗੀਤ 'ਚ ਰੈਪਰ ਬਾਦਸ਼ਾਹ ਕਿੰਗ ਖ਼ਾਨ ਨਾਲ ਨਜ਼ਰ ਆ ਰਹੇ ਸਨ।
