...ਜਦੋਂ ਧੀ ਦੀ ਗੱਲ ਸੁਣ ਹੈਰਾਨ ਰਹਿ ਗਈ ਇਮਰਾਨ ਖਾਨ ਦੀ ਪਤਨੀ

ਐਂਟਰਟੇਨਮੈਂਟ ਡੈਸਕ- ਅਦਾਕਾਰ ਇਮਰਾਨ ਖਾਨ ਅਤੇ ਅਵੰਤਿਕਾ ਮਲਿਕ ਇਕ ਸਮੇਂ 'ਚ ਬਾਲੀਵੁੱਡ ਦੇ ਬੈਸਟ ਜੋੜਿਆਂ 'ਚੋਂ ਇਕ ਸਨ ਪਰ ਵਿਆਹ ਦੇ ਕੁਝ ਸਾਲਾਂ ਬਾਅਦ ਹੀ ਦੋਵਾਂ ਨੇ ਆਪਣੇ ਰਾਹ ਵੱਖ ਕਰ ਲਏ। 8 ਸਾਲਾਂ ਤੋਂ ਇਕੱਠੇ ਰਹਿਣ ਤੋਂ ਬਾਅਦ ਵੱਖ ਹੋਏ ਜੋੜੇ ਦੀ ਧੀ ਦਾ ਨਾਂ ਇਮਾਰਾ ਹੈ।  ਦੋਵੇਂ ਆਪਣੀ ਧੀ ਨੂੰ ਇਕੱਠੇ ਪਾਲ ਰਹੇ ਹਨ। ਇਮਰਾਨ ਖਾਨ ਨੇ ਕੁਝ ਦਿਨ ਪਹਿਲਾਂ ਇੱਕ ਇੰਟਰਵਿਊ ਵਿੱਚ ਆਪਣੇ ਤਲਾਕ ਬਾਰੇ ਗੱਲ ਕੀਤੀ ਸੀ। ਹੁਣ ਉਨ੍ਹਾਂ ਦੀ ਸਾਬਕਾ ਪਤਨੀ ਅਵੰਤਿਕਾ ਮਲਿਕ ਨੇ ਵੀ ਦੁਨੀਆ ਸਾਹਮਣੇ ਆਪਣਾ ਪੱਖ ਪੇਸ਼ ਕੀਤਾ ਹੈ। ਉਸਨੇ ਇੰਟਰਵਿਊ ਵਿੱਚ ਦੱਸਿਆ ਕਿ ਤਲਾਕ 'ਤੇ ਉਸਦੀ ਧੀ ਦੀ ਕੀ ਪ੍ਰਤੀਕਿਰਿਆ ਸੀ।
ਅਵੰਤਿਕਾ ਨੇ ਦੱਸਿਆ- 'ਸ਼ੁਰੂਆਤ ਵਿੱਚ ਉਸਦੇ ਮਨ ਵਿੱਚ ਬਹੁਤ ਸਾਰੇ ਸਵਾਲ ਸਨ।' ਉਹ ਕਹਿੰਦੀ, ਕੀ ਇਸਦਾ ਮਤਲਬ ਹੈ ਕਿ ਮੈਨੂੰ ਨਵੀਂ ਮਾਂ ਮਿਲਣ ਵਾਲੀ ਹੈ? ਮੈਂ ਕਿਹਾ, 'ਨਹੀਂ, ਡਾਰਲਿੰਗ, ਤੁਸੀਂ ਮੇਰੇ ਨਾਲ ਹੋ।' ਅਵੰਤਿਕਾ ਨੇ ਦੱਸਿਆ ਕਿ ਉਸਦੀ ਧੀ ਅੱਧਾ ਹਫ਼ਤਾ ਉਸਦੇ ਨਾਲ ਅਤੇ ਅੱਧਾ ਅਦਾਕਾਰ ਨਾਲ ਬਿਤਾਉਂਦੀ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ਲੰਬੇ ਸਮੇਂ ਤੱਕ ਡੇਟਿੰਗ ਕਰਨ ਤੋਂ ਬਾਅਦ ਦੋਵਾਂ ਨੇ ਸਾਲ 2011 ਵਿੱਚ ਵਿਆਹ ਕਰਵਾ ਲਿਆ ਅਤੇ ਸਾਲ 2014 ਵਿੱਚ ਅਵੰਤਿਕਾ ਨੇ ਇੱਕ ਧੀ ਇਮਾਰਾ ਨੂੰ ਜਨਮ ਦਿੱਤਾ। ਇਸ ਤੋਂ ਬਾਅਦ ਰਿਸ਼ਤੇ ਵਿੱਚ ਤਰੇੜਾਂ ਆਉਣ ਲੱਗੀਆਂ ਅਤੇ ਵਿਆਹ ਦੇ ਅੱਠ ਸਾਲ ਬਾਅਦ ਦੋਵੇਂ ਵੱਖ ਹੋ ਗਏ।