ਫਿਲਮ "ਭਾਗਵਤ" ''ਚ ਨਜ਼ਰ ਆਉਣਗੇ ਅਰਸ਼ਦ ਵਾਰਸੀ ਅਤੇ ਜਤਿੰਦਰ ਕੁਮਾਰ

ਮੁੰਬਈ (ਏਜੰਸੀ)- ਅਰਸ਼ਦ ਵਾਰਸੀ ਅਤੇ ਜਤਿੰਦਰ ਕੁਮਾਰ ਫਿਲਮ "ਭਾਗਵਤ" ਵਿੱਚ ਅਭਿਨੈ ਕਰਨਗੇ। ZEE5 ਨੇ ਆਪਣੀ ਆਉਣ ਵਾਲੀ ਓਰਿਜ਼ਨਲ ਫਿਲਮ "ਭਾਗਵਤ" ਦਾ ਐਲਾਨ ਕੀਤਾ ਹੈ। ਫਿਲਮ 'ਭਾਗਵਤ' ਨੂੰ ਬਾਵੇਜਾ ਸਟੂਡੀਓਜ਼ ਅਤੇ ਡੌਗ ਐਨ ਬੋਨ ਪਿਕਚਰਸ ਦੇ ਸਹਿਯੋਗ ਨਾਲ ਜੀਓ ਸਟੂਡੀਓਜ਼ ਨੇ ਪ੍ਰੋਡਿਊਸ ਕੀਤਾ ਹੈ। ਸੱਚ ਅਤੇ ਧੋਖੇ ਵਿਚਕਾਰ ਇੱਕ ਭਿਆਨਕ ਲੜਾਈ ਨੂੰ ਦਿਖਾਉਣ ਵਾਲੀ ਇਹ ਕ੍ਰਾਈਮ ਥ੍ਰੀਲਰ ਜਜ਼ਬਾਤਾਂ ਨਾਲ ਭਰੀ ਅਤੇ ਸੱਚੀਆਂ ਘਟਨਾਵਾਂ 'ਤੇ ਆਧਾਰਿਤ ਹੈ, ਜਿਸ ਪ੍ਰੀਮੀਅਰ ਸਿਰਫ ਇਸੇ ਪਲੇਟਫਾਰਮ 'ਤੇ ਕੀਤਾ ਜਾਵੇਗਾ। ਅਰਸ਼ਦ ਵਾਰਸੀ ਅਤੇ ਜਤਿੰਦਰ ਕੁਮਾਰ ਅਭਿਨੀਤ, "ਭਾਗਵਤ" ਦੀ ਕਹਾਣੀ ਇੰਸਪੈਕਟਰ ਵਿਸ਼ਵਾਸ ਭਾਗਵਤ (ਅਰਸ਼ਦ ਵਾਰਸੀ ਦੁਆਰਾ ਨਿਭਾਇਆ ਗਿਆ ਕਿਰਦਾਰ) ਦੇ ਆਲੇ-ਦੁਆਲੇ ਘੁੰਮਦੀ ਹੈ, ਜੋ ਇੱਕ ਔਰਤ ਦੇ ਲਾਪਤਾ ਹੋਣ ਦੇ ਇੱਕ ਮਾਮੂਲੀ ਜਿਹੇ ਮਾਮਲੇ ਵਿੱਚ ਉਲਝ ਜਾਂਦਾ ਹੈ।

ਪਰ ਜਾਂਚ ਜਲਦੀ ਹੀ ਧੋਖੇ, ਲੁਕਵੇਂ ਰਾਜ਼ਾਂ ਅਤੇ ਸ਼ੱਕੀ ਤਸਕਰੀ ਦੇ ਭਿਆਨਕ ਜਾਲ ਵਿੱਚ ਫਸ ਜਾਂਦੀ ਹੈ। ਇਸ ਉਥਲ-ਪੁਥਲ ਦੇ ਵਿਚਕਾਰ, ਮੀਰਾ ਅਤੇ ਪ੍ਰੋਫੈਸਰ ਸਮੀਰ (ਜਤਿੰਦਰ ਕੁਮਾਰ ਦੁਆਰਾ ਨਿਭਾਇਆ ਗਿਆ ਕਿਰਦਾਰ) ਵਿਚਕਾਰ ਇੱਕ ਨਾਜ਼ੁਕ ਪਿਆਰ ਦਾ ਬੰਧਨ ਵਿਕਸਤ ਹੋਣਾ ਸ਼ੁਰੂ ਹੋ ਜਾਂਦਾ ਹੈ। ਉਨ੍ਹਾਂ ਦੀ ਵਧਦੀ ਨੇੜਤਾ ਕਹਾਣੀ ਨੂੰ ਸੋਚ ਤੋਂ ਪਰੇ ਰੋਮਾਂਸ ਅਤੇ ਭਾਵਨਾਵਾਂ ਨਾਲ ਭਰ ਦਿੰਦੀ ਹੈ, ਜੋ ਵਧਦੇ ਤਣਾਅ ਵਾਲੇ ਮਾਹੌਲ ਦੇ ਬਿਲਕੁਲ ਉਲਟ ਹੈ। ਅਕਸ਼ੈ ਸ਼ੇਰੇ ਦੁਆਰਾ ਨਿਰਦੇਸ਼ਤ, "ਭਾਗਵਤ" ਦੋ ਦਮਦਾਰ ਅਦਾਕਾਰਾਂ ਵਿਚਕਾਰ ਇੱਕ ਭਿਆਨਕ ਲੜਾਈ ਨੂੰ ਦਰਸਾਉਂਦੀ ਹੈ। ਫਿਲਮ "ਭਾਗਵਤ" ਨੂੰ ਜਲਦੀ ਹੀ ZEE5 'ਤੇ ਸਟ੍ਰੀਮ ਕੀਤਾ ਜਾਵੇਗਾ।