ਸਿਧਾਰਥ ਦੀ ਮੌਤ 'ਤੇ ਸ਼ਹਿਨਾਜ਼ ਤੇ ਮਾਂ ਨੂੰ ਲੈ ਕੇ ਹੋਈ ਮੀਡੀਆ ਕਵਰੇਜ 'ਤੇ ਭੜਕੇ ਸਿਤਾਰੇ, ਜਾਣੋ ਕੀ ਕਿਹਾ
09/04/2021 5:25:07 PM
ਮੁੰਬਈ (ਬਿਊਰੋ)– ਟੀ. ਵੀ. ਜਗਤ ਦੇ ਮਸ਼ਹੂਰ ਅਦਾਕਾਰ ਤੇ ‘ਬਿੱਗ ਬੌਸ 13’ ਦੇ ਜੇਤੂ ਰਹੇ ਸਿਧਾਰਥ ਸ਼ੁਕਲਾ ਹੁਣ ਸਾਡੇ ਵਿਚਾਲੇ ਨਹੀਂ ਰਹੇ। ਉਨ੍ਹਾਂ ਦਾ 2 ਸਤੰਬਰ ਨੂੰ 40 ਸਾਲ ਦੀ ਉਮਰ ’ਚ ਦਿਲ ਦਾ ਦੌਰਾ ਪੈਣ ਕਾਰਨ ਦਿਹਾਂਤ ਹੋ ਗਿਆ, ਜਿਸ ਤੋਂ ਬਾਅਦ ਉਨ੍ਹਾਂ ਦਾ 3 ਸਤੰਬਰ ਨੂੰ ਓਸ਼ੀਵਾਰਾ ਸਥਿਤ ਸ਼ਮਸ਼ਾਨਘਾਟ ’ਚ ਅੰਤਿਮ ਸੰਸਕਾਰ ਕੀਤਾ ਗਿਆ। ਦੱਸ ਦੇਈਏ ਕਿ ਸਿਧਾਰਥ ਸ਼ੁਕਲਾ ਦੀ ਅਚਾਨਕ ਮੌਤ ਕਾਰਨ ਉਨ੍ਹਾਂ ਦੇ ਦੋਸਤ, ਪਰਿਵਾਰ ਤੇ ਪ੍ਰਸ਼ੰਸਕ ਡੂੰਘੇ ਸਦਮੇ ’ਚ ਹਨ। ਇੰਨਾ ਹੀ ਨਹੀਂ, ਟੀ. ਵੀ. ਇੰਡਸਟਰੀ ਤੋਂ ਲੈ ਕੇ ਬਾਲੀਵੁੱਡ ਦੇ ਵੱਡੇ-ਵੱਡੇ ਸਿਤਾਰਿਆਂ ਨੇ ਉਸ ਨੂੰ ਸ਼ਰਧਾਂਜਲੀ ਦਿੱਤੀ ਹੈ।
ਇਸ ’ਤੇ ਬਾਲੀਵੁੱਡ ਅਦਾਕਾਰਾ ਅਨੁਸ਼ਕਾ ਸ਼ਰਮਾ ਵੀ ਸਿਧਾਰਥ ਸ਼ੁਕਲਾ ਦੇ ਦਿਹਾਂਤ ਕਾਰਨ ਦੁਖੀ ਹੈ ਪਰ ਸਿਧਾਰਥ ਦੀ ਮੌਤ ਤੋਂ ਬਾਅਦ ਉਸ ’ਤੇ ਚੱਲੀਆਂ ਖ਼ਬਰਾਂ ’ਤੇ ਉਸ ਨੇ ਆਪਣਾ ਗੁੱਸਾ ਜ਼ਾਹਿਰ ਕੀਤਾ। ਅਨੁਸ਼ਕਾ ਨੇ ਸਟੈਂਡਅੱਪ ਕਾਮੇਡੀਅਨ ਤੇ ਯੂਟਿਊਬਰ ਜ਼ਾਕਿਰ ਖ਼ਾਨ ਦੀ ਇਕ ਪੋਸਟ ਨੂੰ ਆਪਣੀ ਇੰਸਟਾਗ੍ਰਾਮ ਸਟੋਰੀ ’ਤੇ ਸਾਂਝਾ ਕਰਦਿਆਂ ਨਾਰਾਜ਼ਗੀ ਜਤਾਈ ਹੈ।
ਦੱਸ ਦੇਈਏ ਕਿ ਜ਼ਾਕਿਰ ਖ਼ਾਨ ਨੇ ਆਪਣੀ ਪੋਸਟ ’ਚ ਲਿਖਿਆ ਹੈ, ‘ਉਹ ਤੁਹਾਨੂੰ ਇਨਸਾਨ ਨਹੀਂ ਸਮਝਦੇ, ਇਸ ਲਈ ਨਾ ਹੀ ਕੋਈ ਲਾਈਨ ਹੈ ਤੇ ਨਾ ਹੀ ਕੋਈ ਬਾਊਂਡਰੀ, ਤੁਹਾਡੀ ਲਾਸ਼ ਉਨ੍ਹਾਂ ਲਈ ਕੋਈ ਰੂਹ ਨਿਕਲਿਆ ਹੋਇਆ ਜਿਸਮ ਨਹੀਂ, ਸਗੋਂ ਤਸਵੀਰ ਲੈਣ ਦਾ ਇਕ ਹੋਰ ਮੌਕਾ ਹੈ, ਜਿੰਨੀਆਂ ਹੋ ਸਕਣ, ਇਹ ਅਜਿਹਾ ਹੈ ਜਿਵੇਂ ਦੰਗਿਆਂ ’ਚ ਕਿਸੇ ਸੜਦੇ ਘਰ ’ਚੋਂ ਭਾਂਡੇ ਚੋਰੀ ਕਰਨ ਦੀ ਕੋਸ਼ਿਸ਼ ਕਰਨਾ ਕਿਉਂਕਿ ਉਨ੍ਹਾਂ ਲਈ ਇਸ ਤੋਂ ਬਾਅਦ ਤੁਸੀਂ ਕੀ ਕੰਮ ਆਓਗੇ, ਜ਼ਿਆਦਾ ਤੋਂ ਜ਼ਿਆਦਾ 10 ਤਸਵੀਰਾਂ, 5 ਖ਼ਬਰਾਂ, 3 ਵੀਡੀਓਜ਼, 2 ਸਟੋਰੀਜ਼, 1 ਪੋਸਟ ਤੇ ਬਸ ਖ਼ਤਮ, ਇਸ ਲਈ ਤੁਹਾਡੀ ਮੌਤ ਤਮਾਸ਼ਾ ਹੀ ਰਹੇਗੀ, ਰੋਂਦੀ ਮਾਂ ਵੀ ਤਮਾਸ਼ਾ, ਗਮ ਨਾਲ ਟੁੱਟਿਆ ਪਿਓ ਤਮਾਸ਼ਾ, ਬੇਸੁੱਧ ਭੈਣ, ਹਿੰਮਤ ਹਾਰੇ ਹੋਏ ਭਰਾ, ਤੁਹਾਡੇ ਨਾਲ ਮੁਹੱਬਤ ਕਰਦਾ ਹਰ ਇਨਸਾਨ ਉਨ੍ਹਾਂ ਲਈ ਬਸ ਤਮਾਸ਼ਾ ਹੈ।
ਦੱਸ ਦੇਈਏ ਕਿ ਜ਼ਾਕਿਰ ਦੀ ਇਸ ਪੋਸਟ ਨੂੰ ਅਨੁਸ਼ਕਾ ਨੇ ਵੀ ਆਪਣੀ ਇੰਸਟਾ ਸਟੋਰੀ ’ਤੇ ਸਾਂਝਾ ਕੀਤਾ ਹੈ, ਉਥੇ ਇਸ ਨਾਲ ਹੀ ਅਨੁਸ਼ਕਾ ਨੇ ਸਿਧਾਰਥ ਸ਼ੁਕਲਾ ਦੇ ਪਰਿਵਾਰ ਤੇ ਦੋਸਤਾਂ ਨੂੰ ਸੋਸ਼ਲ ਮੀਡੀਆ ਰਾਹੀਂ ਹਮਦਰਦੀ ਦਿੱਤੀ ਹੈ।
ਉਥੇ ਹੀ ਗੌਹਰ ਖ਼ਾਨ ਨੇ ਉਨ੍ਹਾਂ ਸਿਤਾਰਿਆਂ 'ਤੇ ਸਵਾਲ ਉਠਾਏ, ਜਿਹੜੇ ਸਿਧਾਰਥ ਦੇ ਦਿਹਾਂਤ ਤੋਂ ਬਾਅਦ ਇੰਟਰਵਿਊ ਦੇ ਰਹੇ ਹਨ। ਅਦਾਕਾਰਾ ਨੇ ਸੋਸ਼ਲ ਮੀਡੀਆ 'ਤੇ ਲਿਖਿਆ ''ਜਿਹੜਾ ਵੀ ਪਰਿਵਾਰ ਦੇ ਲੋਕਾਂ ਨੂੰ ਮਿਲ ਰਿਹਾ ਹੈ, ਉਨ੍ਹਾਂ ਨੂੰ ਉਸ ਨਾਲ ਜੁੜੀ ਡਿਟੇਲ ਨਹੀਂ ਦੇਣੀ ਚਾਹੀਦੀ। ਬਹੁਤ ਬੁਰਾ ਲੱਗ ਰਿਹਾ ਹੈ ਦੇਖ ਕੇ ਕਿ ਲੋਕ ਪਰਿਵਾਰ ਦੇ ਮੈਂਬਰਾਂ ਬਾਰੇ ਇੰਟਰਵਿਊ 'ਚ ਡਿਟੇਲਸ ਦੇ ਰਹੇ ਹਨ। ਪਲੀਜ਼ ਇਹ ਸਭ ਨਾ ਕਰੋ। ਜੇਕਰ ਤੁਸੀਂ ਉਨ੍ਹਾਂ ਨੂੰ ਰਿਸਪੈਕਟ ਦੇਣ ਗਏ ਹੋ ਤਾਂ ਉਥੋ ਚੁੱਪ-ਚਾਪ ਆਵੋ ਨਾ ਕਿ ਖ਼ਬਰੀ ਬਣ ਕੇ।''
ਟੀ. ਵੀ. ਅਦਾਕਾਰਾ ਦਿਸ਼ਾ ਪਾਰਮਾਰ ਨੇ ਸ਼ਹਿਨਾਜ਼ ਲਈ ਲਿਖੀ ਇਹ ਪੋਸਟ
ਅਦਾਕਾਰਾ ਜ਼ਰੀਨ ਖ਼ਾਨ ਨੇ ਸ਼ਹਿਨਾਜ਼ ਨੂੰ ਦਿੱਤਾ ਹੌਸਲਾ
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।
