ਅਨੁਰਾਗ ਕਸ਼ਯਪ ਨੂੰ ਧੀ ''ਤੇ ਮਾਨ, ਯੂਟਿਊਬ ਦੀ ਕਮਾਈ ਨਾਲ ਦਿੱਤੀ ਲੰਚ ਟ੍ਰੀਟ
Tuesday, Jun 29, 2021 - 06:25 PM (IST)
ਮੁੰਬਈ (ਬਿਊਰੋ) : ਨਿਰਮਾਤਾ-ਨਿਰਦੇਸ਼ਕ ਅਨੁਰਾਗ ਕਸ਼ਯਪ ਦੀ ਧੀ ਆਲੀਆ ਕਸ਼ਯਪ ਇਨ੍ਹੀਂ ਦਿਨੀਂ ਆਪਣੇ ਪਿਤਾ ਨਾਲ ਮੁੰਬਈ ਵਿਚ ਸਮਾਂ ਬਿਤਾ ਰਹੀ ਹੈ। ਆਲੀਆ ਸੋਸ਼ਲ ਮੀਡੀਆ 'ਤੇ ਕਾਫ਼ੀ ਸਰਗਰਮ ਰਹਿੰਦੀ ਹੈ। ਫਿਲਹਾਲ ਉਹ ਫ਼ਿਲਮ ਇੰਡਸਟਰੀ ਤੋਂ ਦੂਰ ਹੈ ਪਰ ਉਨ੍ਹਾਂ ਦੀ ਫੈਨ ਫਾਲੋਇੰਗ ਦੀ ਗਿਣਤੀ ਕਾਫ਼ੀ ਚੰਗੀ ਹੈ। ਆਲੀਆ ਦਾ ਆਪਣਾ ਖ਼ੁਦ ਦਾ ਯੂਟਿਊਬ ਚੈਨਲ ਹੈ, ਜਿਸ 'ਤੇ ਉਹ ਵਲੋਗਜ਼ ਸ਼ੇਅਰ ਕਰਦੀ ਰਹਿੰਦੀ ਹੈ। ਹਾਲ ਹੀ 'ਚ ਉਸ ਨੇ ਅਨੁਰਾਗ ਕਸ਼ਯਪ ਨਾਲ ਸਵਾਲ-ਜਵਾਬ ਸੈਸ਼ਨ ਕੀਤਾ ਸੀ।
ਪਿਤਾ ਨੂੰ ਦਿੱਤਾ ਟ੍ਰੀਟ
ਆਲੀਆ ਕਸ਼ਯਪ ਨੇ ਆਪਣੀ ਕਮਾਈ ਨਾਲ ਪਹਿਲੀ ਵਾਰ ਆਪਣੇ ਪਿਤਾ ਅਨੁਰਾਗ ਕਸ਼ਯਪ ਨੂੰ ਟ੍ਰੀਟ ਦਿੱਤਾ। ਅਨੁਰਾਗ ਕਸ਼ਯਪ ਨੇ ਇੱਕ ਵੀਡੀਓ ਸਾਂਝਾ ਕਰਕੇ ਇਸ ਬਾਰੇ ਜਾਣਕਾਰੀ ਦਿੱਤੀ। ਵੀਡੀਓ 'ਚ ਆਲੀਆ ਬਿੱਲ ਦਾ ਭੁਗਤਾਨ ਕਰਦੀ ਹੋਈ ਨਜ਼ਰ ਆ ਰਹੀ ਹੈ। ਉਹ ਫਿਰ ਅਨੁਰਾਗ ਕਸ਼ਯਪ ਵੱਲ ਦੇਖਦੀ ਹੈ ਅਤੇ ਮੁਸਕਰਾਉਂਦੀ ਹੈ।
ਅਨੁਰਾਗ ਕਸ਼ਯਪ ਨੇ ਆਪਣੀ ਬੇਟੀ ਲਈ ਇੱਕ ਖ਼ਾਸ ਪੋਸਟ ਵੀ ਲਿਖੀ ਹੈ। ਉਸ ਨੇ ਇਸ ਦਾ ਟਾਈਟਲ ਦਿੱਤਾ, "ਤਾਂ ਮੇਰੀ ਧੀ ਆਲੀਆ ਕਸ਼ਯਪ ਮੈਨੂੰ ਇੱਕ ਲੰਬੀ ਸਵੇਰ ਤੋਂ ਬਾਅਦ ਦੁਪਹਿਰ ਦੇ ਖਾਣੇ 'ਤੇ ਲੈ ਗਈ। ਉਸ ਨੇ ਆਪਣੀ ਖ਼ੁਦ ਦੇ ਯੂਟਿਊਬ ਚੈਨਲ ਦੀ ਕਮਾਈ ਨਾਲ ਬਿੱਲ ਦਾ ਭੁਗਤਾਨ ਕੀਤਾ। ਇਹ ਪਹਿਲੀ ਵਾਰ ਸੀ, ਇਸ ਲਈ ਇਸ ਦਾ ਰਿਕਾਰਡ ਰੱਖਣਾ ਕੀਮਤੀ ਸੀ।" ਆਲੀਆ ਕਸ਼ਯਪ ਨੇ ਆਪਣੀ ਇੰਸਟਾ ਸਟੋਰੀ 'ਤੇ ਅਨੁਰਾਗ ਦੀ ਇੱਕ ਤਸਵੀਰ ਸ਼ੇਅਰ ਕੀਤੀ ਹੈ, ਜਿਸ 'ਚ ਉਹ ਬਰਗਰ ਖਾ ਰਹੀ ਹੈ ਅਤੇ ਕੈਮਰੇ ਨੂੰ ਵੇਖਦੀ ਨਜ਼ਰ ਆ ਰਹੀ ਹੈ।
