ਵਿਆਹ ਦੇ ਬੰਧਨ 'ਚ ਬੱਝੀ ਅਦਾਕਾਰਾ ਗੁਰਲੀਨ ਚੋਪੜਾ, ਨਵੀਂ ਵਿਆਹੀ ਜੋੜੀ ਦੀ ਤਸਵੀਰ ਆਈ ਸਾਹਮਣੇ
Friday, Dec 12, 2025 - 05:30 PM (IST)
ਐਂਟਰਟੇਨਮੈਂਟ ਡੈਸਕ-ਪੰਜਾਬੀ ਅਤੇ ਹਿੰਦੀ ਸਿਨੇਮਾ ਦੀ ਮਸ਼ਹੂਰ ਅਦਾਕਾਰਾ ਗੁਰਲੀਨ ਚੋਪੜਾ ਹੁਣ ਵਿਆਹ ਦੇ ਬੰਧਨ ’ਚ ਬੱਝ ਗਈ ਹੈ। ਉਨ੍ਹਾਂ ਦੇ ਵਿਆਹ ਸਮਾਰੋਹ ਦੀ ਪਹਿਲੀ ਤਸਵੀਰ ਸੋਸ਼ਲ ਮੀਡੀਆ ’ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ। ਇਸ ਤਸਵੀਰ ਵਿੱਚ ਗੁਰਲੀਨ ਚੋਪੜਾ ਆਪਣੇ ਜੀਵਨ ਸਾਥੀ (ਪਤੀ) ਦਵਿੰਦਰ ਸਿੰਘ ਰੰਧਾਵਾ ਨਾਲ ਬਹੁਤ ਖੂਬਸੂਰਤ ਲੱਗ ਰਹੀ ਹੈ।
ਗੁਰਲੀਨ ਚੋਪੜਾ ਇਕ ਭਾਰਤੀ ਪੰਜਾਬੀ ਅਦਾਕਾਰਾ ਤੇ ਮਾਡਲ ਹੈ। ਉਨ੍ਹਾਂ ਨੇ ਹਿੰਦੀ ਤੇਲਗੂ, ਮਰਾਠੀ, ਕੰਨੜ, ਪੰਜਾਬੀ ਅਤੇ ਭੋਜਪੁਰੀ ਫਿਲਮਾਂ 'ਚ ਆਪਣੀ ਪਛਾਣ ਬਣਾਈ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਗੁਰਲੀਨ ਦੀ ਸ਼ੁਰੂਆਤੀ ਫ਼ਿਲਮ ਹਿੰਦੀ ਫ਼ਿਲਮ ਇੰਡੀਅਨ ਬਾਬੂ ਹੈ। ਇਸ ਤੋਂ ਬਾਅਦ ਅਦਾਕਾਰਾ ਨੇ "ਕੁਛ ਤੋ ਗੜਬੜ ਹੈ" ਫ਼ਿਲਮ ਵਿੱਚ ਇੱਕ ਅਨਾਥ ਰੀਆ ਦੀ ਭੂਮਿਕਾ ਨਿਭਾਈ।
ਅਦਾਕਾਰਾ ਨੇ ਤੇਲਗੂ ਸਿਨੇਮਾ ਵਿੱਚ "ਅਯੁਧਮ" ਫਿਲਮ ਨਾਲ ਆਪਣੇ ਕਰੀਅਰ ਦੀ ਸ਼ੁਰੂਆਤ ਕੀਤੀ ਅਤੇ ਇਸ ਤੋਂ ਬਾਅਦ ਕਈ ਤੇਲਗੂ, ਕੰਨੜ ਅਤੇ ਤਾਮਿਲ ਫ਼ਿਲਮਾਂ ਵਿੱਚ ਕੰਮ ਕੀਤਾ।
ਪੰਜਾਬੀ ਫਿਲਮਾਂ ਦੀ ਗੱਲ ਕਰੀਏ ਤਾਂ ਅਦਾਕਾਰਾ ਨੇ ਬਾਗੀ, ਸ਼ਿਰਫਿਰੇ, ਕਬੱਡੀ ਏਕ ਮਹੁਬੱਤ, ਅੱਜ ਦੇ ਰਾਂਝੇ, ਆ ਗਏ ਮੁੰਡੇ ਯੂਕੇ ਦੇ ਅਤੇ ਹਸ਼ਰ: ਏ ਲਵ ਸਟੋਰੀ 'ਚ ਸ਼ਗਨ ਦਾ ਕਿਰਦਾਰ ਨਿਭਾਇਆ ਸੀ।
