ਉਰਫੀ ਜਾਵੇਦ ਨਾਲ 15 ਸਾਲਾਂ ਲੜਕੇ ਨੇ ਕੀਤੀ ਬਤਮੀਜ਼ੀ, ਪੋਸਟ ਰਾਹੀਂ ਦਿੱਤੀ ਜਾਣਕਾਰੀ

ਮੁੰਬਈ- ਉਰਫੀ ਜਾਵੇਦ ਆਪਣੇ ਅਨੋਖੇ ਫੈਸ਼ਨ ਸੈਂਸ ਕਾਰਨ ਸੋਸ਼ਲ ਮੀਡੀਆ 'ਤੇ ਮਸ਼ਹੂਰ ਹੈ। ਇਨ੍ਹੀਂ ਦਿਨੀਂ ਉਹ ਐਮਾਜ਼ੋਨ ਪ੍ਰਾਈਮ ਵੀਡੀਓ 'ਤੇ ਲੜੀਵਾਰ 'ਫਾਲੋ ਕਰਲੋ ਯਾਰ' ਕਾਰਨ ਸੁਰਖੀਆਂ 'ਚ ਹੈ। ਇਸ ਸਭ ਦੇ ਵਿਚਕਾਰ ਉਰਫੀ ਜਾਵੇਦ ਇੱਕ ਅਜਿਹੀ ਘਟਨਾ ਦਾ ਸ਼ਿਕਾਰ ਹੋ ਗਈ, ਜਿਸ ਕਾਰਨ ਉਹ ਅਤੇ ਉਸ ਦਾ ਪੂਰਾ ਪਰਿਵਾਰ ਸਦਮੇ 'ਚ ਹੈ। ਅਦਾਕਾਰਾ ਨੇ ਸੋਸ਼ਲ ਮੀਡੀਆ 'ਤੇ ਇਕ ਪੋਸਟ ਸ਼ੇਅਰ ਕਰਕੇ ਆਪਣੀ ਮੁਸ਼ਕਲ ਨੂੰ ਸਾਰਿਆਂ ਨਾਲ ਸਾਂਝਾ ਕੀਤਾ।

ਉਰਫੀ ਨੇ ਆਪਣੀ ਸੋਸ਼ਲ ਮੀਡੀਆ ਪੋਸਟ 'ਚ ਲਿਖਿਆ, 'ਕੱਲ੍ਹ ਮੇਰੇ ਅਤੇ ਮੇਰੇ ਪਰਿਵਾਰ ਨਾਲ ਕੁਝ ਬਹੁਤ ਬੁਰਾ ਹੋਇਆ। ਪਾਪਰਾਜ਼ੀ ਮੇਰਾ ਫੋਟੋਸ਼ੂਟ ਕਰਵਾ ਰਹੇ ਸਨ ਜਦੋਂ ਕੁਝ ਲੜਕੇ ਬਾਈਕ 'ਤੇ ਲੰਘੇ, ਜਿਨ੍ਹਾਂ ਵਿੱਚੋਂ ਇੱਕ ਨੇ ਮੈਨੂੰ ਪੁੱਛਿਆ, 'Whats Your Body Count'। ਉਹ ਮੁੰਡਾ ਸਿਰਫ਼ 15 ਸਾਲਾਂ ਦਾ ਸੀ। ਉਸ ਨੇ ਅਜਿਹਾ ਮੇਰੇ ਪਰਿਵਾਰ ਅਤੇ ਮੇਰੀ ਮਾਂ ਦੇ ਸਾਹਮਣੇ ਕੀਤਾ।ਇਕ ਹੋਰ ਪੋਸਟ ਸ਼ੇਅਰ ਕਰਦੇ ਹੋਏ ਅਦਾਕਾਰਾ ਨੇ ਲਿਖਿਆ, 'ਤੁਸੀਂ ਮੇਰੇ ਚਿਹਰੇ ਤੋਂ ਦੇਖ ਸਕਦੇ ਹੋ ਕਿ ਮੈਂ ਕਿੰਨੀ ਪਰੇਸ਼ਾਨ ਸੀ। ਮੈਂ ਮਹਿਸੂਸ ਕੀਤਾ ਕਿ ਮੈਂ ਲੜਕੇ ਨੂੰ ਸਬਕ ਸਿਖਾਵਾਂ ਅਤੇ ਉਸ ਨੂੰ ਮੁੱਕਾ ਮਾਰਾ।

ਕਿਰਪਾ ਕਰਕੇ ਆਪਣੇ ਲੜਕਿਆਂ ਨੂੰ ਔਰਤਾਂ ਦਾ ਸਤਿਕਾਰ ਕਰਨਾ ਸਿਖਾਓ। ਮੈਨੂੰ ਇਸ ਲੜਕੇ ਦੇ ਮਾਪਿਆਂ ਲਈ ਬਹੁਤ ਬੁਰਾ ਲੱਗਦਾ ਹੈ। ਉਰਫੀ ਜਾਵੇਦ ਤੋਂ ਪਹਿਲਾਂ ਵੀ ਕਈ ਅਦਾਕਾਰਾਂ ਅਜਿਹੇ ਹਾਦਸਿਆਂ ਦਾ ਜ਼ਿਕਰ ਕਰ ਚੁੱਕੀਆਂ ਹਨ। ਸੁਸ਼ਮਿਤਾ ਸੇਨ ਨੇ ਇੱਕ ਇੰਟਰਵਿਊ 'ਚ ਇਹ ਵੀ ਦੱਸਿਆ ਸੀ ਕਿ ਭੀੜ 'ਚ ਇੱਕ 15-16 ਸਾਲ ਦੇ ਲੜਕੇ ਨੇ ਉਸ ਨਾਲ ਦੁਰਵਿਵਹਾਰ ਕੀਤਾ ਸੀ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।