ਪਿਤਾ ਬਣੇ ''TRP  ਮਾਮਾ'' ਪਰਿਤੋਸ਼ ਤ੍ਰਿਪਾਠੀ, ਪਤਨੀ ਮੀਨਾਕਸ਼ੀ ਨੇ ਨੰਨ੍ਹੀ ਪਰੀ ਨੂੰ ਦਿੱਤਾ ਜਨਮ

ਐਂਟਰਟੇਂਮੈਂਟ ਡੈਸਕ। ਟੀਵੀ ਦੀ ਦੁਨੀਆ 'ਚ 'ਟੀਆਰਪੀ ਮਾਮਾ' ਦੇ ਨਾਮ ਨਾਲ ਮਸ਼ਹੂਰ ਅਦਾਕਾਰ ਅਤੇ ਹੋਸਟ ਪਰਿਤੋਸ਼ ਤ੍ਰਿਪਾਠੀ ਦੇ ਦਰਵਾਜ਼ੇ 'ਤੇ ਖੁਸ਼ੀ ਨੇ ਦਸਤਕ ਦਿੱਤੀ ਹੈ। ਇਹ ਅਦਾਕਾਰ ਹਾਲ ਹੀ 'ਚ ਪਿਤਾ ਬਣਿਆ ਹੈ। ਉਨ੍ਹਾਂ ਦੀ ਪਤਨੀ ਮੀਨਾਕਸ਼ੀ ਚੰਦ ਨੇ ਇੱਕ ਪਿਆਰੀ ਧੀ ਨੂੰ ਜਨਮ ਦਿੱਤਾ ਹੈ। ਪਰਿਤੋਸ਼ ਨੇ ਹਾਲ ਹੀ ਵਿੱਚ ਸੋਸ਼ਲ ਮੀਡੀਆ ਰਾਹੀਂ ਆਪਣੇ ਪ੍ਰਸ਼ੰਸਕਾਂ ਨਾਲ ਇਹ ਖੁਸ਼ਖਬਰੀ ਸਾਂਝੀ ਕੀਤੀ ਹੈ। ਪਰਿਤੋਸ਼ ਅਤੇ ਮੀਨਾਕਸ਼ੀ ਨੇ ਦਸੰਬਰ 2024 'ਚ ਆਪਣੀ ਗਰਭ ਅਵਸਥਾ ਦਾ ਐਲਾਨ ਕੀਤਾ ਸੀ ਅਤੇ ਹੁਣ ਮਈ 2025 'ਚ ਉਹ ਮਾਪੇ ਬਣ ਗਏ ਹਨ। ਮਾਤਾ-ਪਿਤਾ ਬਣਨ ਤੋਂ ਬਾਅਦ ਜੋੜੇ ਦੀ ਖੁਸ਼ੀ ਦੀ ਕੋਈ ਹੱਦ ਨਹੀਂ ਰਹੀ।

ਇਹ ਵੀ ਪੜ੍ਹੋ...ਗ੍ਰੈਜੂਏਟ ਨੌਜਵਾਨਾਂ ਲਈ GOOD NEWS! ਕੰਪਿਊਟਰ ਸਾਇੰਸ ਭਰਤੀ ਨੂੰ ਮਿਲੀ ਮਨਜ਼ੂਰੀ

ਇਸ ਖਾਸ ਪਲ ਨੂੰ ਹੋਰ ਵੀ ਯਾਦਗਾਰ ਬਣਾਉਂਦੇ ਹੋਏ ਪਰਿਤੋਸ਼ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਇੱਕ ਭਾਵਨਾਤਮਕ ਪੋਸਟ ਸਾਂਝੀ ਕੀਤੀ, ਜਿਸ 'ਚ ਉਸਨੇ ਇੱਕ ਸੰਸਕ੍ਰਿਤ ਸ਼ਲੋਕ ਤੇ ਇੱਕ ਡੂੰਘੀ ਭਾਵਨਾਤਮਕ ਹਿੰਦੀ ਲਾਈਨ ਰਾਹੀਂ ਆਪਣੇ ਦਿਲ ਦੀ ਗੱਲ ਕਹੀ। ਜ਼ਿਕਰਯੋਗ ਹੈ ਕਿ ਪਰਿਤੋਸ਼ ਤ੍ਰਿਪਾਠੀ ਤੇ ਮੀਨਾਕਸ਼ੀ ਚੰਦ ਦਾ ਵਿਆਹ 9 ਦਸੰਬਰ, 2022 ਨੂੰ ਉੱਤਰਾਖੰਡ ਦੇ ਦੇਹਰਾਦੂਨ ਵਿੱਚ ਹੋਇਆ ਸੀ ਤੇ ਲਗਭਗ 3 ਸਾਲਾਂ ਦੇ ਅੰਦਰ ਇਹ ਜੋੜਾ ਇੱਕ ਪਿਆਰੀ ਬੱਚੀ ਦੇ ਮਾਪੇ ਬਣ ਗਏ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਪਰਿਤੋਸ਼ ਤ੍ਰਿਪਾਠੀ ਖਾਸ ਤੌਰ 'ਤੇ ਡਾਂਸ ਰਿਐਲਿਟੀ ਸ਼ੋਅ 'ਸੁਪਰ ਡਾਂਸਰ' ਦੇ ਸਟੇਜ 'ਤੇ ਆਪਣੇ ਹੋਸਟਿੰਗ ਅੰਦਾਜ਼ ਅਤੇ ਵਿਲੱਖਣ ਅੰਦਾਜ਼ ਲਈ ਜਾਣੇ ਜਾਂਦੇ ਹਨ। ਆਪਣੀ ਸਹਿਜ ਕਾਮੇਡੀ, ਕਵਿਤਾ ਅਤੇ ਮੌਜ-ਮਸਤੀ ਨਾਲ, ਉਸਨੇ ਦਰਸ਼ਕਾਂ ਦੇ ਦਿਲਾਂ ਵਿੱਚ ਇੱਕ ਖਾਸ ਜਗ੍ਹਾ ਬਣਾਈ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8