ਘਰੇਲੂ ਤੇ ਕਮਰਸ਼ੀਅਲ ਗੈਸ-ਸਿਲੰਡਰ ਲੈਣ ਲਈ ਲੋਕ ਹੋ ਰਹੇ ਖੱਜਲ-ਖੁਆਰ

ਗੜ੍ਹਸ਼ੰਕਰ (ਅਰੋੜਾ)- ਗੜ੍ਹਸ਼ੰਕਰ ਅਤੇ ਸੈਲਾ ਖੁਰਦ ਇਲਾਕੇ ਵਿਚ ਲੋਕ ਐੱਲ. ਪੀ. ਜੀ. ਗੈਸ ਸਿਲੰਡਰ ਘਰੇਲ ਅਤੇ  ਕਮਰਸ਼ੀਅਲ ਲੈਣ ਲਈ ਕਾਫ਼ੀ ਖੱਜਲ-ਖ਼ੁਆਰੀਆਂ ਦਾ ਸਾਹਮਣਾ ਕਰ ਰਹੇ ਹਨ ਪਰ ਗੜ੍ਹਸ਼ੰਕਰ ਦਾ ਫੂਡ ਸਪਲਾਈ ਵਿਭਾਗ ਲੋਕਾਂ ਦੀ ਮੁਸ਼ਕਿਲ ਸੁਣਨ ਨੂੰ ਤਿਆਰ ਹੀ ਨਹੀਂ ਸਗੋਂ ਉਸ ਨੂੰ ਗੈਸ ਦੀ ਕਮੀਂ ਵਿਖਾਈ ਹੀ ਨਹੀਂ ਦੇ ਰਹੀ ਹੈ।
ਜਾਣਕਾਰੀ ਅਨੁਸਾਰ ਘਰੇਲੂ ਸਿਲੰਡਰਾਂ ਦੇ ਨਾਲ-ਨਾਲ ਲੋਕਾਂ ਨੂੰ ਕਮਰਸ਼ੀਅਲ ਗੈਸ-ਸਿਲੰਡਰ ਵੀ ਨਹੀਂ ਮਿਲ ਰਹੇ ਹਨ। ਕਮਰਸ਼ੀਅਲ ਸਿਲੰਡਰ ਨਾਂ ਮਿਲਣ ਦੀਆਂ ਆ ਰਹੀਆਂ ਮੁਸ਼ਕਿਲਾਂ ਤੋਂ ਲੋਕਾਂ ਵੱਲੋਂ ਜਦੋਂ ਜਾਣੂੰ ਕਰਵਾਇਆ ਗਿਆ ਤਾਂ ਇਸ ਦੀ ਪੁਸ਼ਟੀ ਕਰਨ ਲਈ ਏ. ਐੱਫ਼. ਐੱਸ. ਓ. ਗੜ੍ਹਸ਼ੰਕਰ ਸੁਖਵਿੰਦਰ ਸਿੰਘ ਨੂੰ ਉਪਭੋਗਤਾ ਬਣ ਕੇ ਫੋਨ ਕਰਕੇ ਇਸ ਦੀ ਪੁਸ਼ਟੀ ਕਰਨੀ ਚਾਹੀ ਤਾਂ ਉਨ੍ਹਾਂ ਆਖਿਆ ਕਿ ਕਮਰਸ਼ੀਅਲ ਸਿਲੰਡਰ ਲੈਣ ਲਈ ਪਹਿਲਾਂ ਐੱਸ. ਡੀ. ਐੱਮ. ਦਫ਼ਤਰ ਦਰਖ਼ਾਸਤ ਦੇਣੀ ਪਵੇਗੀ। ਫ਼ਿਰ ਸਾਡੇ ਦਫ਼ਤਰ ਆਵੇਗੀ ਫਿਰ ਏ .ਡੀ .ਸੀ. ਦਫ਼ਤਰ ਜਾਵੇਗੀ, ਫ਼ਿਰ ਜੋਂ ਕਮੇਟੀ ਬਣੀ ਹੈ ਉਸ ਦੀ ਆਗਿਆ ਨਾਲ ਹੀ ਕਮਰਸ਼ੀਅਲ ਸਿਲੰਡਰ ਮਿਲਣਗੇ। 

ਇਹ ਵੀ ਪੜ੍ਹੋ: ਜਲੰਧਰ 'ਚ ਮਾਂ-ਪੁੱਤ ਨਾਲ ਵਾਪਰਿਆ ਦਰਦਨਾਕ ਹਾਦਸਾ! ਟਰੱਕ ਦੀ ਲਪੇਟ 'ਚ ਆਉਣ ਨਾਲ ਪੁੱਤ ਦੀ ਮੌਤ

ਜਦੋਂ ਉਨ੍ਹਾਂ ਨੂੰ ਪੁੱਛਿਆ ਗਿਆ ਕਿ ਇੰਨਾ ਲੰਬਾ ਚੱਕਰ ਕਿਓਂ ਹੈਂ ਕੀ ਗੈਸ ਦੀ ਕੋਈ ਕਮੀਂ ਹੈ ? ਜਦਕਿ ਪੰਜਾਬ ਅਤੇ ਕੇਂਦਰ ਸਰਕਾਰ ਆਖ ਰਹੀ ਹੈ ਕਿ ਗੈਸ ਦੀ ਕੋਈ ਕਿੱਲਤ ਨਹੀਂ ਹੈ ਤਾਂ ਫੂਡ ਸਪਲਾਈ ਵਿਭਾਗ ਦੇ ਅਧਿਕਾਰੀ ਸੁਖਵਿੰਦਰ ਸਿੰਘ ਨੇ ਕਿਹਾ ਕਿ ਕੋਈ ਕਿੱਲਤ ਨਹੀਂ ਹੈ ਪਰ ਸਿਲੰਡਰ ਲੈਣ ਲਈ ਇਹ ਹੀ ਵਿਧੀ ਹੈ ਜਦੋਂ ਉਨ੍ਹਾਂ ਨੂੰ ਪੁੱਛਿਆ ਗਿਆ ਕਿ ਗੈਸ ਦੀ ਕਮੀ ਹੈ ਪਰ ਉਹ ਕਮੀ ਮੰਨਣ ਨੂੰ ਤਿਆਰ ਹੀ ਨਹੀਂ ਸੀ। 

ਇਹ ਵੀ ਪੜ੍ਹੋ: ਜਲੰਧਰ ਵਿਖੇ ਗੋਦਾਮ 'ਚ ਲੱਗੀ ਅੱਗ ਕਾਰਨ ਮਚੀ ਤਬਾਹੀ! ਕਰੀਬ 80 ਝੁੱਗੀਆਂ ਤੇ 2 ਫੈਕਟਰੀਆਂ ਸੜ ਕੇ ਸੁਆਹ

ਹੈਰਾਨੀ ਦੀ ਗੱਲ ਤਾਂ ਇਹ ਹੈ ਕਿ ਜ਼ਮੀਨੀ ਪੱਧਰ ਦੀ ਸੱਚਾਈ ਇਹ ਹੈ ਕਿ ਪੰਜ ਕਿਲੋਗ੍ਰਮ ਅਤੇ 19 ਕਿਲੋਗ੍ਰਾਮ ਵਾਲੇ ਕਮਰਸ਼ੀਅਲ ਸਲੰਡਰ ਹੀ ਨਹੀਂ ਆ ਰਹੇ ਹਨ। ਬਣਾਈ ਗਈ ਕਮੈਟੀ ਦੀ ਸਿਫਾਰਿਸ਼ ਤੇ ਕਮਰਸ਼ੀਅਲ ਸਲੰਡਰ ਮਿਲਦੇ ਹਨ, ਇਸ ਕਮੇਟੀ ਦਾ ਗਠਨ ਕਰੀਬ ਡੇਢ ਮਹੀਨਾਂ ਪਹਿਲਾਂ ਹੀ ਕੀਤਾ ਗਿਆ ਹੈ ਜਦਕਿ ਉਸ ਤੋਂ ਪਹਿਲਾਂ ਕੋਈ ਕਮਰਸ਼ੀਅਲ ਸਿਲੰਡਰ ਦੇਣ ਲਈ ਸਰਕਾਰੀ ਕਮੇਟੀ ਨਹੀਂ ਸੀ। ਘਰੇਲੂ ਸਿਲੰਡਰਾਂ ਦੀ ਬੁਕਿੰਗ 35 ਤੋਂ 45 ਦਿਨ ਕਰ ਦਿੱਤੀ ਗਈ ਹੈ। ਲੋਕ ਇਸ ਲੰਬੀ ਵਿਧੀ ਕਾਰਣ ਖੱਜਲ-ਖੁਆਰ ਹੋ ਰਹੇ ਹਨ। ਘੰਟਿਆਂ ਬੱਧੀ ਲੋਕ ਲਾਈਨਾਂ ਚ ਲੱਗ ਰਹੇ ਹਨ ਪਰ ਫੂਡ ਸਪਲਾਈ ਵਿਭਾਗ ਦੇ ਇਸ ਅਧਿਕਾਰੀ ਨੂੰ ਗੈਸ ਦੀ ਕੋਈ ਕਮੀਂ ਨਹੀਂ ਲੱਗ ਰਹੀ ਹੈ ਨਾਂ ਹੀ ਲੋਕਾਂ ਦੀ ਪ੍ਰੇਸ਼ਾਨੀ ਵਿਖਾਈ ਦੇ ਰਹੀ ਹੈ। ਉੱਧਰ ਇਲਾਕੇ ਦੇ ਵੱਡੀ ਗਿਣਤੀ ਵਿਚ ਮੋਹਤਬਰਾਂ ਨੇ ਆਖਿਆ ਕਿ ਜੇਕਰ ਗੈਸ ਸਪਲਾਈ ਵਿਚ ਸੁਧਾਰ ਨਾ ਹੋਇਆ ਤਾਂ ਫੂਡ ਸਪਲਾਈ ਦਫ਼ਤਰ ਗੜ੍ਹਸ਼ੰਕਰ ਅੱਗੇ ਜ਼ਬਰਦਸਤ ਰੋਸ ਪ੍ਰਦਰਸ਼ਨ ਕੀਤਾ ਜਾਵੇਗਾ।

ਇਹ ਵੀ ਪੜ੍ਹੋ: 25 ਲੱਖ ਲਾ ਕੇ ਅਮਰੀਕਾ ਗਿਆ ਸੀ ਪੰਜਾਬੀ, ਪਿੰਡ ਪਹੁੰਚੀ ਲਾਸ਼ ਵੇਖ ਧਾਹਾਂ ਮਾਰ ਰੋਇਆ ਪਰਿਵਾਰ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e