GNA ਯੂਨੀਵਰਸਿਟੀ ਨੇ ਭਾਰਤ ਵਿੱਚ ਪਹਿਲਾ ਸਥਾਨ ਕੀਤਾ ਹਾਸਲ

ਫਗਵਾੜਾ (ਜਲੋਟਾ) - ਜੀ. ਐੱਨ. ਏ. ਯੂਨੀਵਰਸਿਟੀ ਵਿਖੇ ਐੱਮ ਟੇਕ ਕੈਡ/ਕੈਮ ਅਤੇ ਬੀ ਡਿਜ਼ਾਈਨ ਦੇ ਫੈਕਲਟੀ ਆਫ਼ ਇੰਜੀਨੀਅਰਿੰਗ ਡਿਜ਼ਾਈਨ ਐਂਡ ਆਟੋਮੇਸ਼ਨ ਦੇ ਵਿਦਿਆਰਥੀਆਂ ਨੇ ਫਿਸ਼ ਵੈਂਡਿੰਗ ਲਈ ਮੋਬਾਈਲ ਕਿਓਸਕ ਦੇ ਇਨੋਵੇਟਿਵ ਡਿਜ਼ਾਈਨ 'ਤੇ ਨੈਸ਼ਨਲ ਡਿਜ਼ਾਈਨ ਚੈਲੇਂਜ ਦੀ ਸ਼੍ਰੇਣੀ ਤਹਿਤ ਭਾਰਤ ਵਿੱਚ ਪਹਿਲਾ ਸਥਾਨ ਪ੍ਰਾਪਤ ਕੀਤਾ ਹੈ। ਵਿਸ਼ਵ ਬੈਂਕ ਨੇ ਵਾਤਾਵਰਣ ਖੁਰਾਕ ਅਤੇ ਗ੍ਰਾਮੀਣ ਮਾਮਲਿਆਂ ਦੇ ਵਿਭਾਗ (ਡੀ. ਈ. ਐੱਫ਼. ਆਰ. ਏ) ਦੇ ਯਤਨਾਂ ਨਾਲ ਕਨਫੈਡਰੇਸ਼ਨ ਆਫ਼ ਇੰਡੀਅਨ ਇੰਡਸਟਰੀ ਦੇ ਨਾਲ ਮਿਲ ਕੇ ਇਕ ਰਾਸ਼ਟਰੀ ਡਿਜ਼ਾਈਨ ਚੈਲੰਜ- ਮੋਬਾਈਲ ਕਿਓਸਕ ਫਾਰ ਫਿਸ਼ ਵੈਡਿੰਗ ਦਾ ਆਯੋਜਨ ਕੀਤਾ ਸੀ ਤਾਂਕਿ ਪੁਲਾੜ ਦੀ ਸਫ਼ਾਈ, ਮੱਛੀ ਦੀ ਸੁਰੱਖਿਆ ਅਤੇ ਬਰਬਾਦੀ ਨੂੰ ਘੱਟ ਤੋਂ ਘੱਟ ਕਰਨ ਨੂੰ ਯਕੀਨੀ ਬਣਾਇਆ ਜਾ ਸਕੇ।

ਨੈਸ਼ਨਲ ਡਿਜ਼ਾਈਨ ਚੈਲੰਜ ਦਾ ਸਨਮਾਨ ਸਮਾਰੋਹ ਇੰਡੀਆ ਹੈਬੀਟੈਟ ਸੈਂਟਰ, ਦਿੱਲੀ ਵਿਖੇ ਆਯੋਜਿਤ ਕੀਤਾ ਗਿਆ ਸੀ। ਜੀ. ਐੱਨ. ਏ. ਦੇ ਵਿਦਿਆਰਥੀਆਂ ਅਤੇ ਇੰਜੀਨੀਅਰਿੰਗ ਡਿਜ਼ਾਈਨ ਅਤੇ ਆਟੋਮੇਸ਼ਨ ਫੈਕਲਟੀ ਦੇ ਡੀਨ ਸੀ. ਆਰ. ਤ੍ਰਿਪਾਠੀ ਨਾਲ ਮਿਲ ਕੇ ਭਾਰਤ ਸਰਕਾਰ ਦੇ ਮੱਛੀ ਪਾਲਣ, ਪਸ਼ੂ ਪਾਲਣ ਅਤੇ ਡੇਅਰੀ ਮੰਤਰਾਲੇ ਦੇ ਮੱਛੀ ਪਾਲਣ ਵਿਭਾਗ ਦੇ ਸਕੱਤਰ ਜਤਿੰਦਰ ਨਾਥ ਸਵੈਨ ਆਈ. ਏ. ਐੱਸ, ਕੇ. ਐਸ. ਵੈਂਕਟਾਗਿਰੀ ਕਾਰਜਕਾਰੀ ਡਾਇਰੈਕਟਰ ਸੀਆਈਆਈ ਅਤੇ ਤਾਪਸ ਪਾਲ ਵਿਸ਼ਵ ਬੈਂਕ ਸਪੈਸ਼ਲਿਸਟ ਨੂੰ ਇਕ ਲੱਖ ਰੁਪਏ ਦੇ ਨਕਦ ਇਨਾਮ ਅਤੇ ਟਰਾਫੀ ਨਾਲ ਸਨਮਾਨਤ ਕੀਤਾ ਹੈ।

ਵੱਖ-ਵੱਖ ਇਨੋਵੇਟਰਾਂ, ਸਟਾਰਟ-ਅੱਪਸ ਸੰਗਠਨਾਂ, ਯੂਨੀਵਰਸਿਟੀਸ, ਕਾਲਜਾਂ, ਸੰਸਥਾਵਾਂ ਅਤੇ ਡਿਜ਼ਾਈਨ ਸਟੂਡੀਓ ਆਫ ਇੰਡੀਆ ਤੋਂ ਸ਼ਾਰਟਲਿਸਟ ਕੀਤੀਆਂ ਗਈਆਂ ਕੁੱਲ 150 ਤੋ ਜਿਅਦਾ ਟੀਮਾਂ ਨੇ ਇਸ ਚੈਲੇਂਜ ਵਿੱਚ ਹਿੱਸਾ ਲਿਆ। ਇਨ੍ਹਾਂ 150 ਟੀਮਾਂ ਵਿਚੋਂ 11 ਟੀਮਾਂ ਨੂੰ ਉਨ੍ਹਾਂ ਦੇ ਨਵੇਂ ਵਿਚਾਰਾਂ ਦੇ ਆਧਾਰ 'ਤੇ ਫਾਈਨਲ ਰਾਊਂਡ ਲਈ ਚੁਣਿਆ ਗਿਆ ਸੀ। ਜੀ. ਐੱਨ. ਏ. ਯੂਨੀਵਰਸਿਟੀ ਦੀਆਂ ਦੋ ਟੀਮਾਂ ਨੇ ਚੋਟੀ ਦੀਆਂ ਦਰਜਾ ਪ੍ਰਾਪਤ ਟੀਮਾਂ ਵਜੋ ਸਥਾਨ ਪ੍ਰਾਪਤ ਕੀਤਾ। ਜੀ. ਐੱਨ. ਏ. ਯੂਨੀਵਰਸਿਟੀ ਦੀ ਇਕ ਟੀਮ ਨੇ ਭਾਰਤ ਵਿੱਚ ਪਹਿਲਾ ਸਥਾਨ ਪ੍ਰਾਪਤ ਕੀਤਾ ਅਤੇ ਇਕ ਹੋਰ ਟੀਮ ਨੂੰ ਦਿਲਾਸਾ ਪੁਰਸਕਾਰ ਮਿਲਿਆ।

ਇਹ ਵੀ ਪੜ੍ਹੋ : ਗ਼ਰੀਬ ਮਾਂ ਨੇ ਕਰਜ਼ ਚੁੱਕ ਦੁਬਈ ਭੇਜੀ ਧੀ, ਔਖੇ ਹੋਏ ਸਹੁਰਾ ਪਰਿਵਾਰ ਨੇ ਕੁੱਟ-ਕੁੱਟ ਪਾ ਦਿੱਤੇ ਨੀਲ

ਮੁਲਾਂਕਗ਼ਰੀਬ ਮਾਂ ਨੇ ਕਰਜ਼ ਚੁੱਕ ਦੁਬਈ ਭੇਜੀ ਧੀ, ਔਖੇ ਹੋਏ ਸਹੁਰਾ ਪਰਿਵਾਰ ਨੇ ਕੁੱਟ-ਕੁੱਟ ਪਾ ਦਿੱਤੇ ਨੀਲਣ ਪੈਨਲ ਦੇ ਮੈਂਬਰਾਂ ਵਿੱਚ ਡਾਇਰੈਕਟਰ, ਨੈਸ਼ਨਲ ਇੰਸਟੀਟਿਊਟ ਆਫ਼ ਫਿਸ਼ਰੀਜ਼ ਪੋਸਟ ਹਾਰਵੈਸਟ ਟੈਕਨੋਲੋਜੀ, ਸੀਨੀਅਰ ਐਗਜ਼ੀਕਿਊਟਿਵ, ਨੈਸ਼ਨਲ ਫਿਸ਼ਰੀਜ਼ ਡਿਵੈਲਪਮੈਂਟ ਬੋਰਡ, ਵਿਗਿਆਨੀ ਐੱਫ ਅਤੇ ਸਟੇਟ ਐੱਸ ਐਂਡ ਟੀ ਪ੍ਰੋਗਰਾਮ, ਵਿਗਿਆਨ ਅਤੇ ਤਕਨਾਲੋਜੀ ਵਿਭਾਗ (ਡੀ. ਐੱਸ. ਟੀ), ਹੈੱਡ ਟਰਾਂਸਪੋਰਟ ਸਨੋਮੈਨ ਲੌਜਿਸਟਿਕਸ ਇੰਡੀਆ, ਈਐਸਜੀ ਮੈਨੇਜਰ ਡਿਲੀਟਫੁੱਲ ਗੋਰਮੇਟ ਪ੍ਰਾਈਵੇਟ ਲਿਮਟਿਡ, ਮੁੱਖ ਖੋਜ ਅਤੇ ਵਿਕਾਸ ਅਧਿਕਾਰੀ, ਫਰੈਸ਼ ਟੂ ਹੋਮ, ਹੁਨਰ ਵਿਕਾਸ ਅਤੇ ਸਮਰੱਥਾ ਨਿਰਮਾਣ ਸਲਾਹਕਾਰ,  ਵਿਸ਼ਵ ਬੈਂਕ ਅਤੇ ਡਿਪਟੀ ਐਗਜ਼ੀਕਿਊਟਿਵ ਡਾਇਰੈਕਟਰ, ਕਨਫੈਡਰੇਸ਼ਨ ਆਫ਼ ਇੰਡੀਅਨ ਇੰਡਸਟਰੀ (ਸੀਆਈਆਈ) ਆਦਿ ਸਨ। ਸਨਮਾਨ ਸਮਾਰੋਹ ਦੌਰਾਨ ਜੀ. ਐੱਨ. ਏ. ਯੂਨੀਵਰਸਿਟੀ ਦੀ ਡਿਜ਼ਾਈਨ ਟੀਮ ਨੇ ਸਾਰੇ ਡੈਲੀਗੇਟਾਂ ਅਤੇ ਮਾਣਯੋਗ ਮੰਤਰੀਆਂ ਦੇ ਸਾਹਮਣੇ ਆਪਣਾ ਡਿਜ਼ਾਈਨ ਪੇਸ਼ ਕੀਤਾ। ਡੈਲੀਗੇਟ ਅਤੇ ਮੰਤਰੀ ਟੀਮ ਦੇ ਵਿਚਾਰ ਅਤੇ ਡਿਜ਼ਾਈਨ ਤੋਂ ਪ੍ਰਭਾਵਿਤ ਹੋਏ। ਉਹ ਜੀ. ਐੱਨ. ਏ. ਯੂਨੀਵਰਸਿਟੀ ਵੱਲੋਂ ਵਰਤੀ ਜਾ ਰਹੀ ਅਜਿਹੀ ਨਵੀਂ ਤਕਨਾਲੋਜੀ ਨੂੰ ਵੇਖ ਕੇ ਬਹੁਤ ਖੁਸ਼ ਸਨ।

ਸਮਾਰੋਹ ਦੌਰਾਨ ਹੋਰ ਟੀਮਾਂ ਦੇ ਮੈਂਬਰਾਂ ਅਤੇ ਡੈਲੀਗੇਟਾਂ ਨੇ ਡੀਨ ਸੀ. ਆਰ. ਤ੍ਰਿਪਾਠੀ (ਜੀ. ਐੱਨ. ਏ.ਯੂਨੀਵਰਸਿਟੀ) ਨਾਲ ਜੀ. ਐੱਨ. ਏ. ਯੂਨੀਵਰਸਿਟੀ ਵਿੱਚ ਨਵੀਨਤਮ ਤਕਨਾਲੋਜੀਆਂ ਅਤੇ ਉਨ੍ਹਾਂ ਨੂੰ ਅਪਣਾਉਣ ਬਾਰੇ ਵਿਚਾਰ ਵਟਾਂਦਰੇ ਕੀਤੇ। ਉਨ੍ਹਾਂ ਕਿਹਾ  ਗੁਰਦੀਪ ਸਿੰਘ ਸਿਹਰਾ (ਪ੍ਰੋ ਚਾਂਸਲਰ ਜੀ. ਐੱਨ. ਏ. ਯੂਨੀਵਰਸਿਟੀ ਅਤੇ ਸੀ. ਈ. ਓ. ਜੀ. ਐੱਨ. ਏ. ਗੇਅਰਜ਼ ਲਿਮਟਿਡ) ਇਕ ਉਦਯੋਗਪਤੀ ਹੋਣ ਦੇ ਨਾਤੇ ਵਿਸ਼ਵੀਕਰਨ ਦੇ ਇਸ ਆਧੁਨਿਕ ਯੁੱਗ ਵਿੱਚ ਨਵੀਂ ਤਕਨਾਲੋਜੀ ਸਿੱਖਣ ਦੀ ਲੋੜ ਨੂੰ ਸਮਝਦੇ ਹਨ।  ਇਹ ਸਭ ਉਨ੍ਹਾਂ ਦੀ ਅਗਵਾਈ ਹੇਠ ਹੀ ਸੰਭਵ ਹੋਇਆ ਹੈ। ਡੈਲੀਗੇਟਾਂ ਅਤੇ ਪੈਨਲਿਸਟਸ ਨੇ ਵਿਦਿਆਰਥੀਆਂ ਨੂੰ ਉਦਯੋਗਿਕ ਲਾਈਵ ਪ੍ਰੋਜੈਕਟਾਂ ਅਤੇ ਐਡਵਾਂਸ ਤਕਨਾਲੋਜੀਆਂ ਵਿੱਚ ਸ਼ਾਮਲ ਕਰਨ ਲਈ ਜੀ. ਐੱਨ. ਏ. ਯੂਨੀਵਰਸਿਟੀ ਦੀ ਸ਼ਲਾਘਾ ਕੀਤੀ।  ਇਸ ਸ਼ਾਨਦਾਰ ਪ੍ਰਾਪਤੀ ਲਈ ਸ. ਗੁਰਦੀਪ ਸਿੰਘ ਸਿਹਰਾ, ਡਾ. ਵੀ. ਕੇ. ਰਤਨ (ਵਾਈਸ ਚਾਂਸਲਰ ਜੀ. ਐੱਨ. ਏ. ਯੂਨੀਵਰਸਿਟੀ), ਡਾ. ਹੀਮੰਤ ਸ਼ਰਮਾ (ਪ੍ਰੋ ਵਾਈਸ ਚਾਂਸਲਰ) ਅਤੇ ਡਾ. ਮੋਨਿਕਾ ਹੰਸਪਾਲ (ਡੀਨ ਅਕਾਦਮਿਕ) ਨੇ ਸਮੂਹ ਟੀਮ ਮੈਂਬਰਾਂ ਅਤੇ ਫੈਕਲਟੀ ਮੈਂਬਰਾਂ ਨੂੰ ਵਧਾਈ ਦਿੱਤੀ।

ਇਹ ਵੀ ਪੜ੍ਹੋ :  ਭੁਲੱਥ ਹਲਕੇ ਲਈ ਮਾਣ ਦੀ ਗੱਲ: ਬੇਗੋਵਾਲ ਦੇ ਗ੍ਰੰਥੀ ਸਿੰਘ ਦਾ ਪੋਤਰਾ ਨਵਜੋਤ ਸਿੰਘ ਬਣਿਆ ਪਾਇਲਟ

ਨੋਟ - ਇਸ ਖ਼ਬਰ ਸੰਬੰਧੀ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਕਰਕੇ ਦੱਸੋ।