ਖ਼ੁਰਾਕੀ ਵਸਤੂਆਂ ਦੀਆਂ ਕੀਮਤਾਂ ਘਟਣ ਕਾਰਨ ਜੁਲਾਈ ਵਿੱਚ ਥੋਕ ਮਹਿੰਗਾਈ ਘੱਟ ਕੇ 11.16% ਤੇ ਆ ਗਈ

ਨਵੀਂ ਦਿੱਲੀ : ਖ਼ੁਰਾਕੀ ਵਸਤੂਆਂ ਦੀਆਂ ਕੀਮਤਾਂ ਘਟਣ ਕਾਰਨ ਥੋਕ ਮੁੱਲ ਸੂਚਕਾਂਕ (ਡਬਲਯੂ.ਪੀ.ਆਈ.) 'ਤੇ ਅਧਾਰਤ ਮਹਿੰਗਾਈ ਜੁਲਾਈ ਵਿੱਚ ਲਗਾਤਾਰ ਦੂਜੇ ਮਹੀਨੇ ਘਟ ਕੇ 11.16 ਪ੍ਰਤੀਸ਼ਤ ਰਹਿ ਗਈ। ਹਾਲਾਂਕਿ ਇਸ ਦੌਰਾਨ ਨਿਰਮਿਤ ਸਾਮਾਨ ਅਤੇ ਕੱਚੇ ਤੇਲ ਦੀਆਂ ਕੀਮਤਾਂ ਵਿੱਚ ਵੀ ਵਾਧਾ ਹੋਇਆ ਹੈ। ਵਣਜ ਅਤੇ ਉਦਯੋਗ ਮੰਤਰਾਲੇ ਨੇ ਸੋਮਵਾਰ ਨੂੰ ਇੱਕ ਬਿਆਨ ਵਿੱਚ ਇਹ ਜਾਣਕਾਰੀ ਦਿੱਤੀ। ਹਾਲਾਂਕਿ, ਜੁਲਾਈ ਵਿੱਚ ਲਗਾਤਾਰ ਤੀਜੇ ਮਹੀਨੇ, ਡਬਲਯੂਪੀਆਈ-ਅਧਾਰਤ ਮਹਿੰਗਾਈ ਪਿਛਲੇ ਸਾਲ ਦੇ ਹੇਠਲੇ ਅਧਾਰ ਪ੍ਰਭਾਵ ਦੇ ਕਾਰਨ ਦੋ ਅੰਕਾਂ ਭਾਵ 10 ਪ੍ਰਤੀਸ਼ਤ ਤੋਂ ਵੱਧ ਗਈ ਹੈ।

ਥੋਕ ਮਹਿੰਗਾਈ ’ਚ ਗਿਰਾਵਟ ਦਾ ਸਭ ਤੋਂ ਵੱਡਾ ਕਾਰਨ ਖਾਣ-ਪੀਣ ਦੀਆਂ ਚੀਜ਼ਾਂ ਦੇ ਰੇਟ ’ਚ ਗਿਰਾਵਟ ਹੈ। ਜੁਲਾਈ 2021 ਦਾ ਅੰਕੜਾ ਸਾਲ ਭਰ ਪਹਿਲਾਂ ਦੀ ਇਸੇ ਮਿਆਦ ਦੀ ਤੁਲਨਾ ’ਚ -0.25 ਫੀਸਦੀ ਘੱਟ ਹੈ। ਮੰਤਰਾਲਾ ਨੇ ਆਪਣੇ ਬਿਆਨ ’ਚ ਕਿਹਾ ਕਿ ਜੁਲਾਈ ’ਚ ਥੋਕ ਮਹਿੰਗਾਈ ਡਬਲ ਡਿਜਿਟ ’ਚ ਹੈ ਕਿਉਂਕਿ ਕਰੂਡ, ਪੈਟਰੋਲੀਅਮ ਅਤੇ ਨੈਚੁਰਲ ਗੈਸ ਦੇ ਰੇਟ ਵਧੇ ਹਨ। ਨਾਲ ਹੀ ਪਿਛਲੇ ਸਾਲ ਦੇ ਮੁਕਾਬਲੇ ਫੂਡ ਪ੍ਰੋਡਕਟਸ, ਟੈਕਸਟਾਈਲਸ ਅਤੇ ਕੈਮੀਕਲਸ ਸਮੇਤ ਮੈਨੂਫੈਕਚਰਡ ਪ੍ਰੋਡਕਟਸ ਵਰਗੇ ਬੇਸਿਲ ਮੈਟਲ ਦੇ ਰੇਟ ਵੀ ਵਧੇ ਹਨ।

ਜਾਰੀ ਅੰਕੜਿਆਂ ਮੁਤਾਬਕ ਕਰੂਡ, ਪੈਟਰੋਲੀਅਮ ਅਤੇ ਨੈਚੁਰਲ ਗੈਸ ਜੁਲਾਈ ’ਚ 40.28 ਫੀਸਦੀ ਮਹਿੰਗੇ ਹੋਏ ਜੋ ਜੂਨ ’ਚ 36.34 ਫੀਸਦੀ ਮਹਿੰਗੇ ਹੋਏ ਸਨ। ਫੂਡ ਆਰਟੀਕਲਸ ਦੀ ਗੱਲ ਕਰੀਏ ਤਾਂ ਇਹ ਲਗਾਤਾਰ ਤੀਜੇ ਮਹੀਨੇ ਸਸਤਾ ਹੋਇਆ ਹੈ ਜਦ ਕਿ ਪਿਆਜ਼ ਦੇ ਰੇਟ 72.01 ਫੀਸਦੀ ਵਧੇ ਹਨ।

ਮਹਿੰਗਾਈ ਕਾਬੂ ਰੱਖਣ ਲਈ ਆਰ. ਬੀ. ਆਈ. ਨੇ ਨਹੀਂ ਬਦਲੀ ਦਰ

ਪਿਛਲੇ ਹਫਤੇ ਹੀ ਆਰ. ਬੀ. ਆਈ. ਨੇ ਮਹਿੰਗਾਈ ਦਰ ’ਤੇ ਕਾਬੂ ਰੱਖਣ ਲਈ ਨੀਤੀਗਤ ਦਰਾਂ ਨੂੰ ਜਿਉਂ ਦੀਆਂ ਤਿਉਂ ਰੱਖਣ ਦਾ ਫੈਸਲਾ ਕੀਤਾ। ਹੁਣ ਰੇਪੋ ਰੇਟ 4 ਅਤੇ ਰਿਵਰਸ ਰੇਪੋ ਰੇਟ 3.35 ਫੀਸਦੀ ਹੈ। ਰਿਜ਼ਰਵ ਬੈਂਕ ਨੇ 2021-22 ਲਈ ਰਿਟੇਲ ਮਹਿੰਗਾਈ ਦਰ 5.7 ਫੀਸਦੀ ਰਹਿਣ ਦਾ ਅਨੁਮਾਨ ਦਿੱਤਾ ਹੈ। ਪਹਿਲਾਂ 5.1 ਫੀਸਦੀ ਰਹਿਣ ਦਾ ਅਨੁਮਾਨ ਦਿੱਤਾ ਸੀ। ਪ੍ਰਚੂਨ ਮਹਿੰਗਾਈ ਦਰ ਜੁਲਾਈ ’ਚ 5.59 ਫੀਸਦੀ ਰਹੀ। ਇਹ ਮਈ ਅਤੇ ਜੂਨ ’ਚ 6 ਫੀਸਦੀ ਤੋਂ ਉੱਪਰ ਰਹੀ ਸੀ।

ਮੰਤਰਾਲੇ ਨੇ ਕਿਹਾ, “ ਜੁਲਾਈ, 2021 ਵਿੱਚ ਮਹਿੰਗਾਈ ਦੀ ਉੱਚ ਦਰ ਦੇ ਕਾਰਨ ਹੇਠਲਾ ਆਧਾਰ ਪ੍ਰਭਾਵ ਅਤੇ ਕੱਚੇ ਤੇਲ ਅਤੇ ਕੁਦਰਤੀ ਗੈਸ; ਨਿਰਮਿਤ ਉਤਪਾਦਾਂ ਜਿਵੇਂ ਕਿ ਮੁਢਲੀਆਂ ਧਾਤਾਂ, ਭੋਜਨ ਉਤਪਾਦਾਂ, ਲਿਬਾਸ, ਰਸਾਇਣਾਂ ਅਤੇ ਰਸਾਇਣਕ ਉਤਪਾਦਾਂ ਦੀਆਂ ਕੀਮਤਾਂ ਵਿੱਚ ਵਾਧਾ ਹੋਇਆ ਹੈ। ”ਹਾਲਾਂਕਿ, ਜੁਲਾਈ ਵਿੱਚ ਲਗਾਤਾਰ ਤੀਜੇ ਮਹੀਨੇ ਖੁਰਾਕੀ ਵਸਤਾਂ ਦੀਆਂ ਕੀਮਤਾਂ ਵਿੱਚ ਗਿਰਾਵਟ ਆਈ ਹੈ। ਜੁਲਾਈ ਵਿੱਚ ਖੁਰਾਕੀ ਵਸਤਾਂ ਦੀ ਮਹਿੰਗਾਈ 'ਜ਼ੀਰੋ' 'ਤੇ ਸੀ। ਜੂਨ ਵਿੱਚ ਇਹ 3.09 ਫੀਸਦੀ ਸੀ। ਹਾਲਾਂਕਿ, ਇਸ ਸਮੇਂ ਦੌਰਾਨ ਪਿਆਜ਼ ਮਹਿੰਗਾ ਹੋਇਆ। ਪਿਆਜ਼ ਦੀ ਮਹਿੰਗਾਈ 72.01 ਫੀਸਦੀ ਦੇ ਸਭ ਤੋਂ ਉੱਚੇ ਪੱਧਰ 'ਤੇ ਸੀ।

ਕੱਚੇ ਪੈਟਰੋਲੀਅਮ ਅਤੇ ਕੁਦਰਤੀ ਗੈਸ ਦੀ ਮਹਿੰਗਾਈ ਜੁਲਾਈ ਵਿੱਚ 40.28 ਫੀਸਦੀ ਰਹੀ, ਜੋ ਜੂਨ ਵਿੱਚ 36.34 ਫੀਸਦੀ ਸੀ। ਨਿਰਮਿਤ ਉਤਪਾਦਾਂ ਦੀ ਮਹਿੰਗਾਈ ਜੁਲਾਈ ਵਿੱਚ 11.20 ਫੀਸਦੀ ਰਹੀ, ਜੋ ਜੂਨ ਵਿੱਚ 10.88 ਫੀਸਦੀ ਸੀ। ਰਿਜ਼ਰਵ ਬੈਂਕ ਨੇ ਆਪਣੀ ਪਿਛਲੀ ਮੁਦਰਾ ਸਮੀਖਿਆ ਵਿੱਚ ਨੀਤੀਗਤ ਦਰਾਂ ਨੂੰ ਰਿਕਾਰਡ ਹੇਠਲੇ ਪੱਧਰ ਤੇ ਕਾਇਮ ਰੱਖਿਆ ਹੈ। ਮੁਦਰਾ ਸਮੀਖਿਆ ਦਾ ਫੈਸਲਾ ਕਰਦੇ ਸਮੇਂ, ਕੇਂਦਰੀ ਬੈਂਕ ਪ੍ਰਚੂਨ ਮਹਿੰਗਾਈ ਨੂੰ ਧਿਆਨ ਵਿੱਚ ਰੱਖਦਾ ਹੈ। ਪਿਛਲੇ ਹਫਤੇ ਜਾਰੀ ਅੰਕੜਿਆਂ ਦੇ ਅਨੁਸਾਰ, ਜੁਲਾਈ ਵਿੱਚ ਪ੍ਰਚੂਨ ਮਹਿੰਗਾਈ ਘਟ ਕੇ 5.59 ਪ੍ਰਤੀਸ਼ਤ ਹੋ ਗਈ।

ਇਹ ਵੀ ਪੜ੍ਹੋ : ਮੁਫ਼ਤ 'ਚ ਗੋਆ ਤੇ ਮਾਲਦੀਵ ਘੁੰਮਣ ਦਾ ਮੌਕਾ, ਇਹ ਏਅਰਲਾਈਨ ਦੇ ਰਹੀ ਆਫ਼ਰ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।