ਵਾਹਨ ਉਦਯੋਗ ''ਚ ਇਕ ਵਾਰ ਫਿਰ ਵੱਡੀ ਗਿਰਾਵਟ, ਅਗਸਤ ''ਚ 32 ਫੀਸਦੀ ਘੱਟ ਹੋਈ ਵਿਕਰੀ

ਮੁੰਬਈ — ਦੇਸ਼ 'ਚ ਲਗਾਤਾਰ 10ਵੇਂ ਮਹੀਨੇ ਅਗਸਤ ਵਿਚ ਯਾਤਰੀ ਵਾਹਨਾਂ ਦੀ ਵਿਕਰੀ ਘੱਟ ਹੋਈ ਹੈ। ਵਾਹਨ ਨਿਰਮਾਤਾਵਾਂ ਦੇ ਸੰਗਠਨ ਸਿਆਮ ਦੇ ਅੰਕੜਿਆਂ ਮੁਤਾਬਕ ਅਗਸਤ 'ਚ ਯਾਤਰੀ ਵਾਹਨਾਂ ਦੀ ਵਿਕਰੀ ਇਕ ਸਾਲ ਪਹਿਲਾਂ ਇਸੇ ਮਹੀਨੇ ਦੀ ਤੁਲਨਾ 'ਚ 31.57 ਫੀਸਦੀ ਘੱਟ ਕੇ 1,96,524 ਵਾਹਨ ਰਹਿ ਗਈ। ਇਕ ਸਾਲ ਪਹਿਲਾਂ ਅਗਸਤ 'ਚ 2,87,198 ਵਾਹਨਾਂ ਦੀ ਵਿਕਰੀ ਹੋਈ ਸੀ।

ਕਾਰਾਂ ਦੀ ਵਿਕਰੀ 41 ਫੀਸਦੀ ਘਟੀ

ਭਾਰਤੀ ਆਟੋਮੋਬਾਇਲ ਨਿਰਮਾਤਾ ਸੋਸਾਇਟੀ(ਸਿਆਮ) ਦੇ ਸੋਮਵਾਰ ਨੂੰ ਜਾਰੀ ਅੰਕੜਿਆਂ ਅਨੁਸਾਰ ਅਗਸਤ 2019 'ਚ ਘਰੇਲੂ ਬਜ਼ਾਰਾਂ 'ਚ ਕਾਰਾਂ ਦੀ ਵਿਕਰੀ 41.09 ਫੀਸਦੀ ਘੱਟ ਕੇ 1,15,957 ਕਾਰ ਰਹਿ ਗਈ ਜਦੋਂਕਿ ਇਕ ਸਾਲ ਪਹਿਲਾਂ ਅਗਸਤ 'ਚ 1,96,847 ਕਾਰਾਂ ਵਿਕੀਆਂ ਸਨ।

ਮੋਟਰਸਾਈਕਲ ਦੀ ਵਿਕਰੀ 22 ਫੀਸਦੀ ਘਟੀ

ਇਸ ਦੌਰਾਨ ਦੋ ਪਹੀਆ ਵਾਹਨਾਂ ਦੀ ਵਿਕਰੀ 22.24 ਫੀਸਦੀ ਘੱਟ ਕੇ 15,14,196 ਇਕਾਈ ਰਹਿ ਗਈ ਜਦੋਂਕਿ ਇਕ ਸਾਲ ਪਹਿਲਾਂ ਇਸੇ ਮਹੀਨੇ ਦੇਸ਼ 'ਚ 19,47,304 ਦੋਪਹੀਆ ਵਾਹਨਾਂ ਦੀ ਵਿਕਰੀ ਕੀਤੀ ਗਈ। ਇਸ ਨਾਲ ਮੋਟਰਸਾਈਕਲ ਦੀ ਵਿਕਰੀ 22.23 ਫੀਸਦੀ ਘੱਟ ਕੇ 9,37,486 ਮੋਟਰਸਾਈਕਲ ਰਹਿ ਗਈ ਜਦੋਂਕਿ ਇਕ ਸਾਲ ਪਹਿਲਾਂ ਇਸੇ ਮਹੀਨੇ 'ਚ 12,07,005 ਮੋਟਰਸਾਈਕਲ ਵਿਕੀਆਂ ਸਨ।

ਵਪਾਰਕ ਵਾਹਨਾਂ ਦੀ ਵਿਕਰੀ 'ਚ 39 ਫੀਸਦੀ ਦੀ ਗਿਰਾਵਟ

ਸਿਆਮ ਦੇ ਅੰਕੜਿਆਂ ਦੇ ਮੁਤਾਬਕ ਅਗਸਤ ਮਹੀਨੇ 'ਚ ਵਪਾਰਕ ਵਾਹਨਾਂ ਦੀ ਵਿਕਰੀ 38.71 ਫੀਸਦੀ ਘੱਟ ਕੇ 51,897 ਵਾਹਨ ਰਹੀ। ਕੁੱਲ ਮਿਲਾ ਕੇ ਜੇਕਰ ਹਰੇਕ ਵਰਗ ਦੇ ਵਾਹਨਾਂ ਦੀ ਗੱਲ ਕਰੀਏ ਤਾਂ ਅਗਸਤ 2019 'ਚ ਕੁੱਲ ਵਾਹਨਾਂ ਦੀ ਵਿਕਰੀ 23.55 ਫੀਸਦੀ ਘੱਟ ਕੇ 18,21,490 ਵਾਹਨ ਰਹਿ ਗਈ ਜਦੋਂਕਿ ਇਕ ਸਾਲ ਪਹਿਲਾਂ ਇਸੇ ਮਹੀਨੇ 'ਚ ਕੁੱਲ 23,82,436 ਵਾਹਨਾਂ ਦੀ ਵਿਕਰੀ ਹੋਈ ਸੀ।