ਜੂਨ ''ਚ 1.34 ਅਰਬ ਲੈਣ-ਦੇਣ ਦੇ ਨਾਲ ਰਿਕਾਰਡ ਉਚਾਈ ''ਤੇ ਪਹੁੰਚਿਆ UPI ਭੁਗਤਾਨ

ਨਵੀਂ ਦਿੱਲੀ–ਨੈਸ਼ਨਲ ਪੇਮੈਂਟਸ ਕਾਰਪੋਰੇਸ਼ਨ ਆਫ ਇੰਡੀਆ (ਐੱਨ. ਪੀ. ਸੀ. ਆਈ.) ਦੇ ਅੰਕੜਿਆਂ ਮੁਤਾਬਕ ਏਕੀਕ੍ਰਿਤ ਭੁਗਤਾਨ ਇੰਟਰਫੇਸ (ਯੂ. ਪੀ. ਆਈ.) 'ਤੇ ਭੁਗਤਾਨ ਜੂਨ 'ਚ ਰਿਕਾਰਡ 1.34 ਅਰਬ ਲੈਣ-ਦੇਣ ਤੱਕ ਪਹੁੰਚ ਗਿਆ। ਇਸ ਦੌਰਾਨ ਲਗਭਗ 2.62 ਲੱਖ ਕਰੋੜ ਰੁਪਏ ਦਾ ਲੈਣ-ਦੇਣ ਹੋਇਆ। ਅੰਕੜਿਆਂ  ਮੁਤਾਬਕ ਮਈ 2020 ਦੇ 1.23 ਅਰਬ ਲੈਣ-ਦੇਣ ਦੇ ਮੁਕਾਬਲੇ ਜੂਨ 'ਚ 8.94 ਫੀਸਦੀ ਦਾ ਵਾਧਾ ਹੋਇਆ। ਇਸ ਤੋਂ ਪਹਿਲਾਂ ਅਪ੍ਰੈਲ 'ਚ ਕੋਰੋਨਾ ਵਾਇਰਸ ਮਹਾਮਾਰੀ ਕਾਰਣ ਲਾਗੂ ਲਾਕਡਾਊਨ 'ਚ ਯੂ. ਪੀ. ਆਈ. ਲੈਣ-ਦੇਣ ਘਟ ਕੇ 99.95 ਕਰੋੜ ਰਹਿ ਗਿਆ ਸੀ ਅਤੇ ਇਸ ਦੌਰਾਨ ਕੁਲ 1.51 ਲੱਖ ਕਰੋੜ ਰੁਪਏ ਦੇ ਲੈਣ-ਦੇਣ ਹੋਏ। ਅਰਥਵਿਵਸਥਾ ਨੂੰ ਖੋਲ੍ਹਣ ਤੋਂ ਬਾਅਦ ਆਨਲਾਈਨ ਭੁਗਤਾਨਾਂ 'ਚ ਮਈ ਤੋਂ ਹੌਲੀ-ਹੌਲੀ ਵਾਧਾ ਹੋਇਆ।