ਟਵਿਟਰ ਦੇ ਬੋਰਡ ’ਚ ਸ਼ਾਮਿਲ ਹੋਏ ਏਲਨ ਮਸਕ, CEO ਪਰਾਗ ਨੇ ਇਸ ਅੰਦਾਜ਼ ’ਚ ਕੀਤਾ ਸਵਾਗਤ

ਗੈਜੇਟ ਡੈਸਕ– ਟੈਸਲਾ ਦੇ ਸੀ.ਈ.ਓ. ਅਤੇ ਦੁਨੀਆ ਦੇ ਸਭ ਤੋਂ ਅਮੀਰ ਸ਼ਖ਼ਸ ਏਲਨ ਮਸਕ ਨੇ ਮਾਈਕ੍ਰੋ-ਬਲਾਗਿੰਗ ਸਾਈਟ ਟਵਿਟਰ ਇੰਕ ’ਚ 9.2 ਫੀਸਦੀ ਦੀ ਹਿੱਸੇਦਾਰੀ ਖਰੀਦੀ ਹੈ। ਉੱਥੇ ਹੀ ਟਵਿਟਰ ਦੇ ਸੀ.ਈ.ਓ. ਪਰਾਗ ਅਗਰਵਾਲ ਨੇ ਮੰਗਲਵਾਰ ਨੂੰ ਇਕ ਟਵੀਟ ’ਚ ਏਲਨ ਮਸਕ ਦਾ ਕੰਪਨੀ ਦੇ ਬੋਰਡ ’ਚ ਸਵਾਗਤ ਕੀਤਾ। 

ਅਗਰਵਾਲ ਨੇ ਕਿਹਾ, ਉਹ ਸਾਡੀ ਸੇਵਾ ’ਚ ਯਕੀਨ ਰੱਖਣ ਵਾਲੇ ਹਨ ਅਤੇ ਗੰਭੀਰ ਆਲੋਚਕ ਹਨ। ਖੁਦ ਨੂੰ ਲੰਬੇ ਸਮੇਂ ਲਈ ਮਜਬੂਤ ਬਣਾਉਣ ਲਈ ਸਾਨੂੰ ਟਵਿਟਰ ਅਤੇ ਸਾਡੇ ਬੋਰਡ ਰੂਮ ’ਚ ਇਸੇ ਦੀ ਲੋੜ ਹੈ।

He’s both a passionate believer and intense critic of the service which is exactly what we need on @Twitter, and in the boardroom, to make us stronger in the long-term. Welcome Elon!

— Parag Agrawal (@paraga) April 5, 2022

ਪਰਾਗ ਅਗਰਵਾਲ ਨੇ ਅੱਗੇ ਕਿਹਾ ਕਿ ਮੈਂ ਇਹ ਜਾਣਕਾਰੀ ਸਾਂਝੀ ਕਰਦੇ ਹੋਏ ਉਤਸ਼ਾਹਿਤ ਹਾਂ ਕਿ ਅਸੀਂ ਏਲਨ ਮਸਕ ਨੂੰ ਆਪਣੇ ਬੋਰਡ ’ਚ ਨਿਯੁਕਤ ਕਰ ਰਹੇ ਹਾਂ। ਪਿਛਲੇ ਕੁਝ ਹਫਤਿਆਂ ’ਚ ਟਵੀਟਸ ਰਾਹੀਂ ਮਸਕ ਦੇ ਨਾਲ ਹੋਈ ਗੱਲ ’ਚ ਇਹ ਸਪਸ਼ਟ ਹੋਇਆ ਹੈ ਕਿ ਉਹ ਸਾਡੇ ਬੋਰਡ ’ਚ ਨਵਾਂ ਮੁੱਲ ਲਿਆਉਣਗੇ।